تجارب واقعية في البورصة المصرية (هام هام هام)

[smartcpu]

سوف أتكلم في هذا الباب عن تجاربي الشخصية في البورصة المصرية مع النصح لي ولكم بما اخطأت فية .
ورجاء من السادة المتتخصصين الرد على ما اتكلم عنه .

[smartcpu]

نصائح هامة.
1- لا تتسرع في الشراء.
2- ادرس السهم جيدأ قبل شراؤه.
3- لا تدخل في سهم الا بعد معرفة حركته جيدا ( اي معرفة اتجاه السهم)"صعود أم هبوط.
4- اعلم جيدا ان الفرص لا تنتهي وإن ضاعت فرصة فأعلم ان ليست من نصيبك.
5-هناك من يقول ان من يفهم بالبورصة يكون مستثمر قصير الاجل أي تريدر يعني يعرف ازاي يجني ارباح في وقت قصير أما من لا يفهم بالبورصة يكون مستثمر طويل الاجل.
هذه المعلومة حاطئة لان الذي يستثمر في البورصة يكون مستثمر طويل الاجل اذا كان السهم اتجاهه صعودي اما اذا كان اتجاهه هبوطي فيكون مستثمر قصير الاجل.

برجاء من الادارة تثبيت الموضوع وان شاء الله افيد الناس وياريت كل واحد يقول هوه غلط في ايه من الحجات دي يعني دخل سهم من غير دراسه او بيتعامل مع البورصه كده من غير ما يتعلم ازاي يعرف سيكولوجية السوق.

[احمدرعد]

تم تثبيت الباب لعله يكون في افاده للجميع


وادعوا جميع الاعضاء بانها تاخد بالها من هذا الكلام لانه بالفعل مهم جدا

[@Admin@]

بارك الله فيك يا غالي و في انتظار مشاركاتك اللي بدايتها بتقول ان القادم اجمل

و انا متابعك و في انتظار ابداعاتك يا غالي :)

[smartcpu]

الخطأ الذي يقع فيه الكثير من الناس انه لما السهم يكون في اتجاه هبوط او جني ارباح يجلس وهو لا يدري ماذا يفعل
لابد من ان تكون مع الفرقة التي هي اقوي ان السوق مكون من فرقتين فرقة المشتريين وفرقة البائعين
لابد ان تكون مع الاقوى اذا كان المشتري المتغلب على السوق فأنا اكون معه واذا كان البائع هو المتغلب على السوق اكون معه
ثانيا: ابتعد عن الاسهم التي حركتها بطيئة لابد ان تكون ذكي اعمل دائما في الاسهم التي تتحرك بسرعة

[yasmeen]

موضوع مهم فعلا اخى الفاضل
ويا ريت الكل يقول تجاربه الشخصية فى الموضوع عشان كلنا نتعلم ونستفيد
انا عن نفسى كنت بمشى ورا بعض توصيات خاصة من الاصدقاء
لكن للاسف احيانا بتيجى متأخرة ويكون السهم طلع كتير وبسبب كده كان بيبقى المكسب قليل جدا او يا دوب زى ما بيقولوا مكيدة
واى توصية بتجيلى دلوقتى قبل ما افكر فى الشرا بشوف السهم عامل ايه فى خلال ثلاث ايام وخاصة الفوليوم بيزيد ولا لا واذا صعد كتير بلاش منه
واذا كان لسه بدخل فيه
وبالطريقة دى الشغل بقى افضل

[smartcpu]

صح كلامك مظبوط لازم كل واحد يشوف السهم ال هوه داخل فيه وصل لحد فين ممكن يكون في بداية تصحيح او جني ارباح يبقى كده انا بخسر لكن اذا كان لسه بادي الصعود يبقى كده السهم اصبح فرصة
ياريت ياجماعة ال يدخل يشارك ويقول اخطائه فين الناس
ربنا يبارك فيكم علشان الكل يستفيد

[smartcpu]

وكمان ما تتابع السهم لو انت مش متابعه ايه المشكله يوم او اسبوع هو السوق هيخلص يعني

[smartcpu]

سوف نتكلم اليوم عن موضوع هام جدا وهو التسرع اياك والتسرع
التسرع هذا هو الذي يؤدي الى الخسارة اياك وان تتسرع في الشراء اياك وان تتسرع في البيع
التسرع في الشراء قد يؤدي الى الخساره
اليوم كان معي شخص في البورصه فعندما رأى سهم العربية للاستثمار وسعره يرتفع فتسرع في الشراء واشترى عند اعلى نقطة وربنا يستر ويكمل طلوع علشان يكسب
ياريت ال يدخل على الصفحة يقول عن خطأ حدث له ياجماعة عوزين الناس تستفيد ربنا يبارك فيكم

[limolimo1987]

أنا دخلت البورصة وهى 5200 قبل ما توصل ل 3000 .......وأشتريت على \اساس هريح على الأهم 7 شهور الكلام دة كان فى شهر 10
بس أنا مخترتش الأسهم ..... حصلت حاجه ظريفة ..
كان جبنى 2 كبار وانا لسه 21 سنة ...فا لقيت واحد بيقول ل التانى تعالى ندخل ايجيترانس كلنلت عملا اياميها 44ج ...دى من أمبارح شادة ....يلا زيرو
فا اللى جامبو قاللوا ماشى ....بس أستنا كدة .....
انا كنت قاعد ومكدبتش خبر أشتريت ماركت وعملت أوردر زيرو .....
فا فى نفس اليوم الأوردر متنفزشى .....قولت عادى ......( مع العلم أنا أشتريت ودى كانت أول مرة أقعد قدام شاشه ) بس كنت قريت فى البورصة كتير
بس طبعا القرايه متجيش حاجه جنب التنفيذ
بس نفضت للسهم خالص وقولت أن شاء الله طالع ...لحد ما بيعتة على 32جنيه .....( دا لأنه مكنتش عامل وقف خسارة |)
مكنش عندى خلفيه أنها أهم من المكسب .... فضلت بقة بعدها مدة طويله لا بشترى ولا ببيع ..بتفرج وبس .........
بس كدة الحمد لله ...... اللى مزعلنى أنى لسه لحد دلوقتى مرجعتش خسارة أيجيترانس ....رغم انى عملت حاجات حلوة من توصيات ناس هنا ..بس عديت وتتعوض

[smartcpu]

الخطأ الشائع وهو الطمع اياك والطمع الطمع يؤدي الى الخسارة احيانا .
ياريت الناس تدي تعليقات عاوزين تفاعل ربنا يبارك فيكم فين الاخطاء الناس كلها كسبانه يعني انا لوحدي بس ال بخسر

[smartcpu]

الخطأ الشائع وهو الطمع اياك والطمع الطمع يؤدي الى الخسارة احيانا .
ياريت الناس تدي تعليقات عاوزين تفاعل ربنا يبارك فيكم فين الاخطاء الناس كلها كسبانه يعني انا لوحدي بس ال بخسر

[smartcpu]

سوف نتكلم اليوم عن خطأ هام جدا اياك وان تدخل في سهم وهو في القمة او يجرب على قمة لانه ربما لا يستطيع ان يخترق هذه القمة ويقابله البياع بشدة فيهوي بك السهم الي القاع

[smartcpu]

هام جدا ال عاوز يذاكر تحليل فني تعالى نبدأ سوا وياريت الادارة تكلم حد من المحللين بتوعنا يتبعونا

[adammohamed]

انا لسه مسجل جديد فى المنتدى واول موضوع ادخله
لكنه يعتبر من اهم المواضيع الخاصة بالبورصة بل يضاهى مواضيع التحليل الفنى
وان شاء الله سوف يكون لى قصة معكم بهذا الباب
تمنياتى بالتوفيق لصاحب الباب وكل المنتدى

[احمدرعد]

امتي تخسر وامتي تكسب ؟:confused::confused::confused:
اسباب كتيره تؤدي بنا الي الخساره

واسباب كتيره تؤدي بنا الي الربح



تخسرمثلا في حالتين

خوف وطمع

تكسب مثلا في حالتين

ثقه وقناعه

خوف لما تلاقي السهم بينزل بيك تروح تجري تبيع وده حصلت معايا اول مدخلت البورصه

اشتري الجيزه ب44ج ينزل ينزل

ل33ج ابيعه وبعدها عرفت ان اخره كان 29ج ووقف الخساره كسرها كدعم
وبعدها السهم طلع ل57ج

اولا
يبقي كنت جاهل بالدعوم والمقاومات

ثانيا
خوفت من نزول السهم وبعته بخساره فادحه

ثالثا
مسالتش اي محلل فني علي ايقاف الخساره

ودي اهم شيء في البورصات كلها

هيه وقف الخساره بتعتك


الطمع

لما اشتري سهم الجيزه اول مره

ب33ج ويجري بيا ل57ج واطمع واقول يمكن يطلع تاني وحصلت بردوا معايا سبحان الله

وطمعت ونزل بيا ل52ج ومنها ل47ج وبعتها
بعد مفوت ربح عالي عليا
وصولا الي 30ج مره اخري

وهنا كنت لازم احدد نسبه او مقدار الربح اللي هستفاد بيه من دخولي للعمليه دي

سواء نسبه 5% او 20%

او 5ج او 20ج وسعتها هقتنع بالربح

وقبل ده كله احدد المقاومه اللي مش ممكن يكسرها السهم


يبقي خسرت في الخوف والطمع



تابعوا معايا فيما بعد

[smartcpu]

الف شكر استاذ احمد رعد على مرورك على بابي المتواضع ويارب نستفيد من حضرتك وشكرا على متابعتك

[koki]

الباب دة مفيد جدا ...والله بطمن الواحد ان مش هو بس البيخسر
انا بأة لسة جديدة فى البورصة...مصطلحات كتير مش عارفاها ..ومش بفهم نص الكلام البتقال ولكن بأحاول اقرا وافهم
المهم..كنت عاملة مكسب كويس اوى " حظ المبتدئين طبعا " لحد الاربعاء الفات...ودة كان يوم عالى اوى ..فاخذت ريسك كبير واشتريت والاسهم جمب البيك بتاعتها
وطبعا اكيد انتو عارفين الحص..من يوم الخميس وكلوا واقع...حد نصحنى انى ابيع واخسر بسيط بدل ما اخسر كل فلوسى لان فى جنى ارباح
لسة مقررتش...ياريت تفيدونى
وشكرا على انكوا ادتونى فرصة اتكلم لانى هاتجنن من ال انا عاملته

[احمدرعد]

الباب دة مفيد جدا ...والله بطمن الواحد ان مش هو بس البيخسر
انا بأة لسة جديدة فى البورصة...مصطلحات كتير مش عارفاها ..ومش بفهم نص الكلام البتقال ولكن بأحاول اقرا وافهم
المهم..كنت عاملة مكسب كويس اوى " حظ المبتدئين طبعا " لحد الاربعاء الفات...ودة كان يوم عالى اوى ..فاخذت ريسك كبير واشتريت والاسهم جمب البيك بتاعتها
وطبعا اكيد انتو عارفين الحص..من يوم الخميس وكلوا واقع...حد نصحنى انى ابيع واخسر بسيط بدل ما اخسر كل فلوسى لان فى جنى ارباح
لسة مقررتش...ياريت تفيدونى
وشكرا على انكوا ادتونى فرصة اتكلم لانى هاتجنن من ال انا عاملته


اكتبي في الباب عندي الاسهم اللي معاكي واسعار شرائك بس متكتبيش اي كميات نهائيا السهم وسعر شرائك فقط عندي هناك