تعال نتابع هذه الاسهم معا

[مدام مروة]

الاخوة الافاضل ايه رايكم لو نتابع مجموعة من الاسهم معا
نشوف هى بدات ازاى واتجاها ايه واخبارها ايه ومستهدفاتها كمان
هل حققت طفرات سعرية ام انها لن تتحرك حتى الان
ونشوف كمان اسهم المضاربات
وايه نظامها ونراقبها كمان من خلال برنامج مكتشف الهوامير

طيب هتقولو اختصرى وهاتى من الاخر
عايزة توصى بحاجة وصى

طيب تعالو مع بعض نتابع الاسهم دى
وافضل نقاط للدخول فيها

[مدام مروة]

تعالو نشوف مع بعض كام سهم كده
راية افضل سعر للشراء 8.00 الى 8.25
نيوداب تحت ال19 يكون هايل حتى 19.50
بولفارا تحت 6
العربية حليج 5.00
التمويل المصرى السعودى التقطته عند 7.50 ان امكن
السوق الان جيد ولكن الافضل ان الشراء يكون نصف الكمية التى ترغب فيها
و ونخلى معانة سيولة احتياطى لاى ظروف
ممكن نمر بجلسة جنى ارباح الفترة القادمة وممكن تكون اكتر من جلسة
عشان كده ودى نصيحة بلاش تبيع سهم خسران فى سوق طالع وتدخل فى سهم طالع وكاسر مقاومة او اتنين
طول ما انت عند الدعم يبقى حط فى بطنك بطيخة صيفى
ولو لاقدر الله دخلت قبل جنى الارباح بجلسة هتلاقى نفسك مخسرتش كتير
وخسارتك بتكون على الشاشة بس
وبعد ما ينتهى جنى الارباح هتلاقى سهمك طالع وزى الفل كمان

[مدام مروة]

بايونيرز طول ماهى فوق ال8 يبقى اهلا بال 10 جنيه
هيرمس تستهدف اولا 22 ثم 24.50
القناة للتوكيلات الدخول فيها يكون عند 10.60 تستهدف 14 باذن الله
بولفارا ان استطاعت اختراق 6.50 يبقى اهلا ب 8.00
العربية حليج تستهدف 6.10
الصعيد العامة محتاجين نطلع فوق ال2 جنيه جلستين او تلاتة عشان نفكر نبيع ب 3.00
الايه اى سى سهم غلس شوية بس الصبر فيه احسن حل وبعدين هو سهم رخيص وارى انه احتافظ
لكح وبمنتهى الامانة ماليش فيه لانه سهم بتاع اشاعات واخبار ولو الاخبار عنه هديت شوية السهم كمان بيهدى
لكن يارب يبقى فيه طلعة الفترة دى الى 4 جنيه ولما يرجع لنا الاستاذ لكح بالف سلامة نبقى نسلمه الامانة
القاهرة للزيوت فى كلام عن تقسيم وحاجات غريبة السهم كويس
قطاع الاسكان هيلف لفة محترمة قريب جدا وهيبقى بقيادة القاهرة اسكان اللى ناوية على 10 جنيه وهتحصلها باقى اصحابها
وربنا كريم

[hawadit]

السيدة الفاضلة جزاك الله عنا الخير بإذن الله ........ تقبلي هذا الدعاء من شخص خبرته بالبورصة لا تتعدي سوي ايام

[Admin2]

اهلا بيكى مدام مروة وان شاء الله نستفيد من بابك
ويسعدنا وجودك معانا ونورتى المنتدى

[ماجد المصرى]

اهلا بحضرتك مدام مروة
وباب ان شاء الله شكله هيكون ليه بداية قوية
تمنياتى بالتوفيق

[hitic1900]

الف شكر على اقتراحك واية رأيك فى رمكو

[hitic1900]

انا شايف ان رمكوا من اول اسهم الاسكان الى طالعة وده باين من النهارده وامبارح

[الصقر المصرى]

اوصيكم بالاسهم ذات الاسهم القليلة العدد والتداول الحر القليل لان هذة الاسهم سوف تحقق طفرات سعرية كبيرة قريبا جدا وذلك عندما تبدأ توفيق اوضاعها وفقا لقرارات البورصة مثل كفرالزيات والاهرام للطباعة والاسفنج المصرية والقومية للاسمنت واسمنت حلوان ومصر للالومنيوم

[مدام مروة]

اهلا بيكى مدام مروة وان شاء الله نستفيد من بابك
ويسعدنا وجودك معانا ونورتى المنتدى

الف شكر اخى الفاضل وربنا يكرم الجميع باذنه تعالى

[مدام مروة]

انا شايف ان رمكوا من اول اسهم الاسكان الى طالعة وده باين من النهارده وامبارح

شوف اخى اسمع دائما ان رامكو لها نششاطات فيها حرمانية والله اعلم
لكن السهم معملش قفزات زى غيره
وطالعته بتجيى فجأة بس مش بتستمر كتير
ويستهدف 7.60

وفى عندنا سهم القاهرة للاستثمارات انا كنت اقصدها فى المشاركة السابقة وللاسف اخطات وكتبت القاهرة للزيوت بخصوص اشاعة التقسيم
والسهم بيستهدف 120 لكن الكلام غير اكيد عن التقسيم وربنا يكرم
لكن بدايتا السهم ممكن يعرض شوية عند83

والزيوت كويسة بردو

بس المهم اختيار الاسههم اما فى تريحة السوق اوم عند الدعم
غير كده بلاش نجرى ورا السهم عشان منندمش

راية باذن الله الاسبوع القادم بمشئية الله عز وجل فيها 9.40 وممكن تريح من عندها
والمصرين فى الخارج ايضا فيها ما لايقل عن 16 جنيه الايام القادمة بس قولو يارب

ادع الله ان اكون اصبت فان اصبت فهذا من عند الله
وان اخطات فمن نفسى والله ولى التوفيق

[مدام مروة]

السلام عليكم
اولا بشكر الادارة على هذا اللقب الجميل
وربنا يجعلكم سببا لرزق غيركم
فقد عانا الكثيرون فى الفترات الماضية من خسائر لا حول لها ولا قوة
وباذن الله هنبقى مع بعض حتى نصل الى ارباح ترضينا بمشيئة المولى عز وجل
وهنتكلم عن حال السوق باستفاضة الان
انتظرونا

[ahmedeed]

ورايك ايه يا استاذة فى لكح والايه اى سى

[abdelaty2020]

جنوب الوادي وشيني من فضلك مدام مروه ؟؟؟؟؟؟وايه راي حضرتك لو سعر الجنوب بقي في نفس سعر شيني ابيع الجنوب وادخل في شيني علشان شيني بقالها فتره واقفه والجنوب يحصله جني ارباح ؟منتظرردك

[مدام مروة]

السلام عليكم
اخوانى الافاضل
كلنا نعرف ان وجود اخبار طارئة وغير متوقعة تظهر فجأة وتتعلق بامن بلد او اقتصادها
مؤكد مؤكد بتاثر على بورصتها
ونظرا لارتباطنا النفسى اولا باسواق امريكا واوروبا
وارتباطنا بشهادات الايداع
فلابد اننا هنتاثر
المهم خلونا نراقب السوق اليومين اللى جايين
من الافضل عدم الشراء فى اسعار عالية
ونتذكر جيدا الدعووووووووووم اللى عندها بنكون فى امان
شوفو هقولكم
الاحتمال الاول هو سيطرة امريكا على هذا الوباء وبالتالى يقل الزعر فى اوروبا ولان اوروبا بها مزارع خنازير لا حصر لها فلابد وانها سينتابها القلق والزعر
ولكن والاهم هو وضع الامور تحت السيطرة وامتصاص الخبر والتاقلم على الوضع الجديد

الاحتمال التانى
هو توجه بعض المستثمرين الاجاب للبورصات العربية
لانهم يعلمو جيدا ان بلادنا ليست كبلادهم فى الاهتمام بالخنازير وكثرة مزارعها
بالرغم من وجودها فعليا الا انها قليلة مقارنتا بدول الغرب

الاحتمال الثالث
هو انتشار الزعر اكثر وايقاف الاستيراد والتصدير كاملا من البلاد التى ينتشر فيها هذا الوباء
وهذا سيسبب ازمة جديدة نحن فى غنا عنها

وانا اميل الى الاحتمال الاول مع دمجه للاحتمال الثانى وهو وضع الامور تحت السيطرة وتوجه الاجانب الى البورصات العربية

المهم مش عايزين نخاف
الدنيا عندنا لسة بخير
السيولة فى السوق عالية

نقطة ال 5100 لها تاثير نفسى عند الكثيرين
واللى متوقع اننا نجتاز هذه المنطقة بمنتهى السهولة يبقى اسفة اوى لسة متعلمش بورصة
شوفو عشان ننجتاز منطقة ال 5000 قعدنا كام جلسة بين 4800 و4950
وامر طبيعيى اننا منمرش على ال 5100 مرور الكرام
لازم شوية شد وجذذب وهات وخد عشان نثبت فوقها

المهم زى ما قولتلكم مش عايزين قلق وخوف خلونا نشوف الاحداث الطارئة دى هتودينا لفين
وانا مبدئى ابات وانا مش كسبانة حاجة احسن ما ابات وانا خسرانة جنيه
والله يرزق الجميع

[مدام مروة]

ورايك ايه يا استاذة فى لكح والايه اى سى

شوف اخى انا قولت راى فى لكح فى بداية كلامى فى اول صفحة
وقولت ان السهم ده بتاع اخبار واشاعات ولو الاخبار هديت شوية اداء السهم بيهدى هو كمان
اما الايه اى سى محتاج منك شوية صبر وهتشوف فيه خير
ولو مراقب السهم كويس اوى ومعاك كمية يبقى تريدات بنصص الكمية واحتفاظ بالنص التانى عشان السهم ميهربش منك

الصبر مفتاح الفرج
ولو السهم استقر فوق ال 2.00 الكام جلسة اللى جايين يبقى اهلا بال3 جنيه باذن الرحمن

[مدام مروة]

جنوب الوادي وشيني من فضلك مدام مروه ؟؟؟؟؟؟وايه راي حضرتك لو سعر الجنوب بقي في نفس سعر شيني ابيع الجنوب وادخل في شيني علشان شيني بقالها فتره واقفه والجنوب يحصله جني ارباح ؟منتظرردك


شوف اخى اداء الشينى مش مريحنى خالص
وانا لو مكانك ممكن لو شفت سعرى اخرج
وادخل فى سهم يكون لسة هادى
شوف ااخى
عندك القاهرة للاستثمارات حلوة جدا مابين 62 الى 64 وباذن الله تشوف فيها شغل كويس
وكمان التمويل المصرى السعودى لو شوفتو ب 7.20 الى 7.45 خد شوية وبيع عند ال 8.99 باذن لله

شوف الاسهم اللى بدأت تتحرك امبارح مثلا وانهاردة حصل فيها جنى ارباح ممكن تصتادها بكرة لو السوق رمى
بس المهم بلاش مجازفات بكل السيولة

وخلينا نفهم حااااااااااااجة مهمة اوى
طول ما فى اخبار طارئة ظهرت مرة واحدة يبقى لازم نبقى حريصين على اموالنا

[dr.tiger]

تعالو نشوف مع بعض كام سهم كده
راية افضل سعر للشراء 8.00 الى 8.25
نيوداب تحت ال19 يكون هايل حتى 19.50
بولفارا تحت 6
العربية حليج 5.00
التمويل المصرى السعودى التقطته عند 7.50 ان امكن
السوق الان جيد ولكن الافضل ان الشراء يكون نصف الكمية التى ترغب فيها
و ونخلى معانة سيولة احتياطى لاى ظروف
ممكن نمر بجلسة جنى ارباح الفترة القادمة وممكن تكون اكتر من جلسة
عشان كده ودى نصيحة بلاش تبيع سهم خسران فى سوق طالع وتدخل فى سهم طالع وكاسر مقاومة او اتنين
طول ما انت عند الدعم يبقى حط فى بطنك بطيخة صيفى
ولو لاقدر الله دخلت قبل جنى الارباح بجلسة هتلاقى نفسك مخسرتش كتير
وخسارتك بتكون على الشاشة بس
وبعد ما ينتهى جنى الارباح هتلاقى سهمك طالع وزى الفل كمان

ربنا يطمنك انا اشتريت النهاردة راية على 8.10 فى النزلة بتاعتة بس بعد كدة ندمت لان السوق شكلة فى نزول بكرة كمان مش عارف اصبر علية ولا اخلص منة بعد بكرة

[مدام مروة]

طيب خلينا نشوف ايه الاسهم اللى فى ناس منتظراها تنزل عشان يدخلو فيها
عندك بولفارا فى ناس كتير منتظرة ال 5.40
والقاهرة للاستثمارات 62
وهيرمس ب18.80
والتمويل المصرى السعودى عند 7.10
ولكح عند 2.35
واليكو عند 2.55
الايه اى سى عند 1.65

فى ناس كتيررررررررر بتتمنى السوق يضرب ولا يحصلو قفلة عشان تدخل الاسهم دى بالاسعار دى
وفى اسهم تانية بس هو ده اللى فى بالى دلوقتى
زى راكتا
راية
بايونيرز
المهم مش هطول عليكم
ونتقابل بكرة ونشوف السوق هياخدنا لفين
وربنا كريم ومتخافووووووووووووووش
نامو وانتو متطمنين
محدش هياخد رزق حد

[مدام مروة]

ربنا يطمنك انا اشتريت النهاردة راية على 8.10 فى النزلة بتاعتة بس بعد كدة ندمت لان السوق شكلة فى نزول بكرة كمان مش عارف اصبر علية ولا اخلص منة بعد بكرة

لالالالالالالالالالالالالالا
اتطمن واصبر
معلش الاخبار اللى هلت علينا عبارة عن احداث طارئة وربنا يكرم وتروح لحالها
باذن الله لو الدنيا احمرت بكرة شوية
ممكن تروق وتبقى افضل من جلسة الخميس
بس قول يارب
المهم نحتفظ بجزء سيولة معانة

[مدام مروة]

ربنا يطمنك انا اشتريت النهاردة راية على 8.10 فى النزلة بتاعتة بس بعد كدة ندمت لان السوق شكلة فى نزول بكرة كمان مش عارف اصبر علية ولا اخلص منة بعد بكرة

لالالالالالالالالالالالالالا
اتطمن واصبر
معلش الاخبار اللى هلت علينا عبارة عن احداث طارئة وربنا يكرم وتروح لحالها
باذن الله لو الدنيا احمرت بكرة شوية
ممكن تروق وتبقى افضل من جلسة الخميس
بس قول يارب
المهم نحتفظ بجزء سيولة معانة

[tamer]

عوزين المزيد من خبرتك واحنا اولا من الاجانب والعرب

[مدام مروة]

خبرة ايه بس يا اخى انا زى ما بيقولو عبد فقير الى الله

انا هخرج بقى واقولكم تصبحو على الف خير ونتمنى جلسة بكرة تكون كويسة
وطول ما الخير فينا وجوانا ربنا هيكرمنا جميعا
ويقينا شر اللى بيصرفو علينا الاسهم وياخدو فلوسنا عينى عينك

[abdelaty2020]

مستهدفات جنوب الوادي ؟؟؟؟؟؟؟؟؟؟؟؟؟؟؟؟؟؟؟؟؟؟وانهاردا كانت عنده جمعيه عموميه لمناقشه نتائج الاعمال بس للاسف مقالوش حاجه ولا عرفنا حاجه هيوزعوا اسهم ولا هيدوا كوبون ولا ايه حكايتهم بالظبط ممكن نعرف ايه السر؟

[helmy]

باب جميل جدا وشرح هادى ومبسط وسهل علينا نفهمه
يا ريت حضراك تشوفيلنا اخبار العربية حليج وبراحتك انا مش مستعجل

[قمر]

الف مبروك مدام مروة على الباب
وانا فرحانة اوى عشان الجنس ناعم هيبقى ليه صوت فى راى السوق
ونورتى الدنيا كلها

[bahyalmasry]

موضوع يستاهل مليووووووووووووووووووون نجمة صح
نورتى المنتدى مدام مروة وان شاء الله تنورينا كل يوم
ووجهة نظرك فى السوق بصراحة جميلة جدا وواضحة لاى حد

[smartcpu]

ممكن تحليل بايونيرز ومصر للالومنيوم وطلعت مصطفى ربنا يبارك فيكي وازاي اعمل تريدات علشان انا اشتريت غالي وحاسس ان السوق بينزل

[smartcpu]

ممكن تحليل بايونيرز ومصر للالومنيوم وطلعت مصطفى ربنا يبارك فيكي وازاي اعمل تريدات علشان انا اشتريت غالي وحاسس ان السوق بينزل

[مدام مروة]

السلام عليكم

[مدام مروة]

مستهدفات جنوب الوادي ؟؟؟؟؟؟؟؟؟؟؟؟؟؟؟؟؟؟؟؟؟؟وانهاردا كانت عنده جمعيه عموميه لمناقشه نتائج الاعمال بس للاسف مقالوش حاجه ولا عرفنا حاجه هيوزعوا اسهم ولا هيدوا كوبون ولا ايه حكايتهم بالظبط ممكن نعرف ايه السر؟

شوف اخى هكون واضحة معاك جدا
سهم جنوب الوادى من الاسهم التقيلة فى حركتها
ويوم ما تقول يا طلوع تبقى طالعة 5% او اكتر حاجة بسيطة وتلاقى فورا الناس بتتخلص من اسهمها المركونة
بس انا ضد البيع بخسارة فى سوق بمشيئة الرحمن طالع
شوف اخى بنفس سعر سهمك هتلاقى مثلا التمويل المصرى السعودى وراية والقاهرة اسكان والمتحدة
وانا شايفة انهم افضل
وبالتحديد التمويل السعودى فى اخبار فى الطرييق مش بعيد نلاقيها اليومين اللى جايين
انا عن نفسى بشترى السهم وهو ب 7.50 مثلا وابيع فى حدود 8.60 ومحتفظة بالنصف الثانى
انهاردة اخدت جزء ب 7.65 وبعدها السهم جاب 8.44 وانا بيعت اللى اشتريته من الاسهم المتسوية عندى ب 8.25
واخدتهم تانى اخر الجلسة ب 7.77
وماشية فى السهم بالطريقة دى
انا وبمنتهى الصراحة مش مستثمرة انا بعشق المضاربات ولكن بحذر
احنا بنشغل فلوس مش بنركن فلوس
اظن فهمتنى

[مدام مروة]

باب جميل جدا وشرح هادى ومبسط وسهل علينا نفهمه
يا ريت حضراك تشوفيلنا اخبار العربية حليج وبراحتك انا مش مستعجل

ربنا يكرمك ويوسع رزقك ورزق الجميع اللهم امين
قطاع الحليج فيه سيولة عالية
والعربية شكلها حلوووووو
عارف احنا بس عايزين نركز فوق ال5.20 شوية
طبعا اللى حصل من جنى ارباح ده كان امر لابد منه
المهم بس نعرف ناخد الاسهم فى اسعار كويسة وبدل ما نقلق من جنى الارباح نفكر نستغله
شوف اخى لو العربية حليج اجتازت ال 5.40 بفوليم يبقى اللى بعدها 6.10 باذن الله
وخليك مرن مع السهم
لو حد قالك السهم ده كويس وانت اتاكدت من الكلام ده وحابب تتحرك فيه بتريدات وفى نفس الوقت قلقان السهم يهرب منك
يبقى اتحرك بنص الكمية
وتابع دايما نقاط الدعم والمقاومة فى كل جلسة
وهتبقى فاهم الدنيا ماشية ازاى
وتاكد ان قطاع الحليج واعد باذن الله

[hazem nabil]

مدام مروة ايه رأيك فس سهم الصعيد و ايه متستهدفاته و امتي

[مدام مروة]

ممكن تحليل بايونيرز ومصر للالومنيوم وطلعت مصطفى ربنا يبارك فيكي وازاي اعمل تريدات علشان انا اشتريت غالي وحاسس ان السوق بينزل

اتطمن اخى السوق مش وحش
اما بايونيرز فده سهم له دوامة
الشركة نفسها بتخاف لما سهمها يعمل حاجة كويسة تخيل ؟
سبحان الله
السهم ده عمل للشركة نفسها مشاكل مع الهيئة ولحد انهاردة فى مراقبة على الشركة بسبب سهمها ده
المهم طول ما السهم فوق ل 7.50 يبقى احتفاظ لحد ما نعدى ال 8 جنيه ولو نفذ كذا جلسة فوق ال 8 جنيه يبقى مستهدفنا اللى جاى هو 10 باذن الرحمن
مصر للالومنيوم ليها لفة لكن تنفيذاتها ضعيفة شوية
السهم ماشى زى السحلفة واللى معاه كميات كبيرة هو اللى بيعرف يعمل التريدة ويحس بربحها
اما اللى معاهم 500 سهم و اقل بيبقو محبوسين فى السهم
لو تخطينا ال 33 يبقى هتشوف كلام تانى
لكن كسرة ال 30 انهاردة مكانتش حلوة
وحتى فى نهاية الجلسة قافلة بردو تحت ال 30
مع اى ارتداد للسهم ممكن تبدل بحاجة تانية والسوق مش هيخلص
لكن لو لاحظت زيادة فى التنفيذات و تخطى السهم ل 32 بسهولة والتنفيذ بيكون من العروض يبقى اتخلص من نص الكمية
وبيع اليوم اللى بعده باقى كميتك

[مدام مروة]

طلعت مصطفى وصلنى اخبار ان بايونيرز بتاخد فى السهم وبصراحة السهم ده مظلوم اوى فى البورصة
واللى مزود الظلم ده هو عدد الاسهم نفسها
السهم ده هتشوفه على الشاشة تانى وهو بيكسر ال 10 جنيه باذن الله
لكن مش فى شهر ولا شهرين
الموضوع عايز شوية صبر
السهم ده من شهر فبراير لحد انهاردة طالع 90 % تقريبا
وفى اسهم عملت ال 100% فى اقل من اسبوع
سبحان الله
لو معاك السهم احتفظ وزى ما قولنا نشتغل بالنص تريدات لحد ما تقلل المتوسط

[مدام مروة]

مدام مروة ايه رأيك فس سهم الصعيد و ايه متستهدفاته و امتي

الصعيد العامة باذن الله هتتالق فى الفترات القادمة
ولها مستهدف 2.80
بس كل اللى يهمنا الارتكاز فوق ال 2 جنيه
كسر ال 1.60 مش حلوة ابدا وان شاء الله منشوفهاش
لو لاقيت السهم جاب ال 1.70 فى جنى الارباح ممكن تاخد ولما يرد تانى ل 1.95 او 200 بيع اللى اشتريته واحتفظ بباقى اسهمك

[مدام مروة]

انا بشكر ادارة المنتدى على تثبيت الباب
وحاسة انه بجد شئ كتير عليا اوى
ربنا يكرم الجميع

[hazem nabil]

شكرا يا مدام مروة علي معلوماتك القيمة

[Admin2]

انا بشكر ادارة المنتدى على تثبيت الباب
وحاسة انه بجد شئ كتير عليا اوى
ربنا يكرم الجميع


ده اقل واجب مع حضرتك واهتمامك بالاعضاء والرد استفسارتهم
والمنتدى منور بيكى وبوجودك
وربنا يزيدك تألق ويزيد الخير اللى جواكى للناس

[ايوب]

ايه الباب الجميل ده يا استاذة مروة وكنتى فين من زمان
ربنا يبارك فيكى ويسعدك