عرض مشاركة واحدة
قديم 05-23-2010, 05:07 PM   #2196
:: صحفيـــة مبدعــــة ::
 
الصورة الرمزية madona
كاتب الموضوع : tiger2001p المنتدى : التحليل الفنى والمالى و المتابعة اللحظية قديم بتاريخ : 05-23-2010 الساعة : 05:07 PM
افتراضي رد: ***...الأخبار الاقتصادية...**...الأخبار الاقتصادية....***

[motr]
تحليل السوق المصري
[/
]
محمود مصطفي - محلل فني
كان المؤشر يتحرك في حركة عرضية داخل شكل مثلث متماثل في الفترة من 28 - 10 - 2009 الي 6 -4 -2010 و الشكل دة كان مكمل للاتجاة الصاعد الي كان متاخدة المؤشر من 3400 الي 7280 و كان متوقع ان المثلث حيكسر لفوق و يكمل اتجاة الصاعد لانة كان يسبقة اتجاة صاعد و فعلا كسر المؤشر المثلث الي اعلي بكسرة 7000 يوم 7 - 4 - 2010 و كان بكسر المثلث دة يبقي المؤشر عندة تارجت عند 8550 نقطة و لكن في طريق التارجت 8550 كان في مقاومة وحيدة عند 7700 و لكنها كانت قوية لانها تمثل نسبة 50 فيبوناتشي و كان متوقع تراجع ضعيف قبل استكمال الصعود الي تارجتنا و كانت 7700 علي المؤشر تساوي ايضا مقاومة في سهم اوراسكوم للانشاء عند 288 جنية و هي كانت تمثل ايضا نسبة 50 فيبوناتشي و كذلك اقتراب سهم اوراسكوم تليكوم من مقاومتة القووووية جدااا عند 8 جنية و صول سهم البنك التجاري الدولي لسقف القناة الصاعدة التي يتحرك فيها عند 75 جنية مما يثبت انة لا بديل عن جني الارباح البسيط في المؤشر و فعلا المؤشر نزل من 7700 و وصل الي 7380 و صعد تاني لي 7640 و مقدرش يكمل و نزل تاني الي مستوي 7380 و دة كان مستوي دعم مهم جدا و بكسرة كان المؤشر كون شكل دبل توب و دة كان تارجتة 7000 و كان المؤشر يتحول الي اتجاة هابط علي المدي القصير و فعلا المؤشر كسر الدعم 7380 في جلسة 2 -5 - 2010 و دي كانت اشارة ضعف في المؤشر وكانت اشارة خروج علي المدي القصير و الدخول تاني عند 7000 نقطة لان دة كان تارجت الدبل توب و كان كمان الحد العلوي للمثلث المتماثل الي كان المؤشر كاسرة فمكنش متوقع علي الطلاق كسرة و لكن للاسف الشديد ظهرت عدة مشاكل في السوق منها تليكوم و و كذلك صحة الرئيس و كذلك ازمة اليونان و كسر مستوي 7000 و بالتالي كسر المثلث المتماثل و لكن المؤشر كان محافظ علي اتجاة الصاعد علي المدي المتوسط الذي يتحرك فية من شهر اغسطس 2009 طالما المؤشر فوق 6650 و لكن ايضا للاسف الشديد بسبب تفاقم ازمة اليونان و هبوط امريكا القوي و هبوط لندن كسر المؤشر مستوي 6650 نقطة في 19 - 5 -2010 و دي كانت اشارة خروج من السوق لتحول السوق من اتجاة صاعد علي المدي المتوسط الي اتجاة عرضي طالما فوق 5800 و لكن المؤشر مازال صاعد علي المدي الطويل
للاسف الشديد
المؤشر بكسرة لمستوي 6650 و الثبات تحتة يومين و الاغلاق اسبوعي تكون علي شارت المؤشر شكل الوتد الصاعد و هو شكل هبوطي عاكس للاتجاة الصاعد الشكل دة تارجتة علي المدي المتوسط 5150 و لكن في طريقنا الي التارجت دة عندنا دعمين قوين و مهمين عند 6300 و عند 5800
و التارجت دة حيفضل موجود طالما المؤشر تحت 6800 و احنا لسة موصلناش اصلا للدعم الاول عند 6300 و نتوقع صعود تصحيحي للمنطقة من 6650 الي 6800 و دي غالبا حتيبقي الاسبوع دة
و انصح بالبيع للناس الي جوة السوق بالقرب من 6650 6800 اذا كانت الارتداة بتداولات ضعيفة ( اذا كانت الارتدادة و الصعود بتداولات قوية اعلي من تداولات الهبوط يجب النظرة للاسهم مرة تانية و عدم البيع العشوائي ) اذا كانت الارتداة يتداولات ضعيفة يتوقع الهبوط من المنطقة 6650 6800 و كسر 6300 و التجربة علي مستوي 5800 و ممكن يكون في المنطقة دي فرصة للشراء علي امل تريدة من 5800 الي 6300 قبل الهبوط و كسر مستوي 5800 مرة اخري و لكن يفضل التعامل مع السوق مرحلة مرحلة و عدم التفكير في المستقبل الان يتوقع ارتداة الي مستوي 6650 6800 في حالة الصعود مرة اخري فوق مستوي 6800 و الثبات فوقها يلغي تماما سيناريو الهبوط و لكن طالما احنا تحت 6800 سيناريو الهبوط موجود و قائم
نقط الامل في المؤشر
رغم هذا الهبوووووووووط مازاااااال البنك التجاري الدولي في اتجاة صاعد علي االمدي المتوسط و المدي الطويل طالما فوق مستوي 66 جنية و لية تارجتات جيدة جدااااا اوراسكوم للانشاء مازال اتجاها صاعد علي المدي المتوسط و الطول طالما مكسرتش مستوي 234 جنية مجموعة طلعت مصطفي في اتجاة صاعد علي المدي المتوسط و الطويل و لة تارجتات جيدة جداا طالما فوق 7 جنية اوراسكوم تليكوم بيتحرك في شكل مثلث صاعد و هو شكل تجميعي لانة بعد اتجاة هابط ( و السهم عمل من شهر 2 2009 حتي الان 4 قيعان اعلي من بعد و لو ارتد من المناطق الي شغال فيها الان حيبقي عمل القاع الخامس و دي اشارة الي ضعف البياع و زيادة قوة المشتري و لكن علي المدي المتوسط و الطويل و ليس القصير ) و الشكل دة من شهر فبراير 2009 حتي الان و الشكل دة مستمر طالما السهم مكسرش 5.25 جنية و ملخص الشكل دة بيقول ان السهم لو كسر 8 جنية بتداولات قوية جدااا حيبقي عندة تارجت علي المدي المتوسط و الطويل عند 12.85 جنية
التحليل الواقعي للسوق و الحقيقي الموضح لحالة السوق الكلية
مؤشر egx70 المؤشر دة عمل طالعة قوية جدا في الفترة من شهر يوليو 2009 الي شهر اكتوبر 2009 من مستوي 615 تقريبا الي مستوي 940 نقطة ( طبعا دي كانت فترة الصعود القوي لاسهم المضاربات و الاسهم الصغيرة و زيادة التلاعبات )ثم بعد كدة المؤشر دخل في فترة جني ارباااااااااااااح قوية نزلتة من مستوي 940 الي مستوي 630 نقطة في شهر ديسمبر 2009
ثم بعد كدة بدء المؤشر الصعود مرة اخري و وصل الي مستوي 815 نقطة فقط في شهر فبراير 2010 و مقدرش يكما اكتر من كدة و دي بداية ضعف المؤشر لانة بدء تاني جني ارباح و عمل قمة اقل من قمة ( يعني البياع بقي اقوي من المشتري ) و نزل المؤشر مرة تانية للدعم الي عند 637 نقطة في شهر مارس 2010 و ارتد منة مرة اخري و دة كان متوقع لانة دعم المفروض انة قوي و في الطالعة الثالثة للمؤشر دة مقدرش يوصل للقمة الي 815 و وصل فقط الي 770 ( البياع بقي اقوي بكتير من المشتري )
و كدة المؤشر يبقي عمل 3 قمم اقل من بعض و قاعين متساوين و دة شكل هبوطي يسمي المثلث الهابط و كان مستوي 630 نقطة هو الدعم الفاصل الحاسم لتاكيد تكون الشكل دة و دة كان يحصل لما المؤشر يكسر 630 لتحت و دة حصل للاسف الشديد و كانت اشارة خروج واضحة و صريحة من السوق
لان كدة المؤشر دة عندة تارجت عند 400 نقطة طالما تحت مستوي 630 نقطة و معندهوش في الطريق غير دعم واحد عند المنطقة من 550 الي 570 و يتوقع للمؤشر حركة صعود تصحيحية للهبوط توصل بالقرب من 630 و ينصح بالبيع في المنطقة دي للناس الي جوة السوق حتي الان
نظرة شاملة للسوق كلة
مؤشر egx100 لو جمعنا بين المؤشرين 70 الهابط و 30 الصاعد من المفترض ان السوق يكون عرضي مائل للهبوط و فعلا هو دة اتجاة المؤشر 100 حيث انة كان بيتحرك في حركة عرضية بين مستوي 1263 و مستوي 1043 و ال تحرك العرضي دة بيكون بعدية لو اتكسر لاعلي صعود قوي و لو اتكسر لاسفل هبوط قوي و اشارة خروج من السوق و للاسف الشديد المؤشر كسر مستوي 1043 لاسفل و دي كانت اشارة خروج من السوق لانة عندة تارجت 820 نقطة طالما تحت مستوي 1043 نتوقع حركة ارتدادية تصحيحية للهبوط لتصل بالقرب من مستوي 1043 ينصح بالبيع فيها للناس الي جوة السوق المدي القصير هو اقل من 3 شهور
المدي المتوسط اكتر من 3 شهور و اقل من سنة المدي الطويل اكتر من سنة الحركة الارتداية الصعودية لو كاانت بتداولات ضعيفة زي الهبوط او اقل منها تكون فرص للبيع و لكن لو كانت بتداولات اقوي من تداولات الهبوط يجب النظر لكل سهم لوحدة و منبعش و خلاص

 


اخبار مصر - الذهب - تحويل العملات
فوركس - تجارة فوركس

madona غير متواجد حالياً

 

رد مع اقتباس