عرض مشاركة واحدة
قديم 07-05-2010, 02:05 AM   #929
خبيــر بأسـواق المــال
 
الصورة الرمزية bassem ezzat
كاتب الموضوع : bassem ezzat المنتدى : التحليل الفنى والمالى و المتابعة اللحظية قديم بتاريخ : 07-05-2010 الساعة : 02:05 AM
افتراضي رد: لية نخسر لما ممكن نكسب

اقتباس : المشاركة الأصلية كتبت بواسطة الامير الصعيدي مشاهدة المشاركة [ مشاهدة المشاركة ]
مساء الفل استاذ باسم
هذه اول مشاركه لي بس عاوز اعرف حاجه لما كل محللين مصر قالو السوق رايح في داهيه 5500و5600 مين الي هيقوم يبيع بكره علي الاسعار دي ومين الراجل الي هيقوم يشتري بردو بكره

مساء الفل علي الامير الصعيدي بلدياتنا اهلا بيك في هنا في الباب الصغير لية نخسر لما ممكن نكسب ونورت الباب
بص يا باشا
لو كل محللين مصر قالوا ان السوق رايح في داهية لازم تتطمن خالص لان لو الجميع اجمعوا علي شئ واحد تاكد انة سوف يحصل العكس بس طبعا مش هيحصل في يوم وليلة ,,,,ممكن بكرة ممكن بعدة ممكن بعد اسبوع ,,,بعد اسبوعين وطبعا دي حاجة في علم الغيب لا يعلمها الا اللة ودي كلها تكهنات وتوقعات مش مؤكدة نظرا للظروف اللي بتحصل في العالم كلة طبعا كلنا عارفينها وعدم الاستقرار في الاسواق العالمية وكمان موضوع اوراسكوم تليكوم في الجزاير ماثر جامد قوي عندنا في مصر كل دة هو اللي بيخلي كل المحللين يقولوا ان السوق رايح في كذا وكذا بالاضافة الي ان الاتجاة طبعا هابط بس اللي عاوز اوضحة مين ممكن يقدر يقول ان السوق اخرة عند نقطة بالضبط ومين يقدر يشتري باقل سعر ويبيع باعلي سعر ,,,اكيد مفيش حد وان حد قدر يعمل كدة مرة مش هيقدر يعمل كدة مرة تاني
اما بالنسبة مين الراجل اللي يقدر يبيع بكرة بالاسعار دي او يشتري بالاسعار دي
طبعا البورصة طبيعتها صعد وهبوط نظرا لان في راجل قدر يبيع بالاسعار دي وفي راجل تاني قدر يشتري بالاسعار دي يعني سوقنا كلة رجالة طبعا
المهم اللي بيبيع ظروفة انت متعرفهاش ممكن محتاج الفلوس دي او من وجهة نظرة ان السعر سوف يهبط اكثر وينتظر لكي يشتري بسعر اقل وبعدين السعر يطلع ويجري وراة السعر ويشتري بسعر اعلي من اللي باع بة دة بيحصل كتير
اما الراجل اللي بيشتري بالاسعار دي من وجهة نظرة ان السعر دة مناسب لة علي الاجل المتوسط مثلا او الاجل الطويل يعني اللي بيشتري دة ممكن يكون مستثمر وليس مضارب ومش بيفكر في سعر بكرة ولا بعدة مش مهم بالنسبالة السعر بكرة هيكون بكام المهم السعر بعد شهر او شهرين هيكون بكام وممكن يكون من وجهة نظرة ان السعر دة مناسب بالنسبة للشركة اللي بيشتري فيها لان قيمتها العادلة اعلي بكثير من السعر السوقي مثلا
طبعا في اسباب كتير بتخلي ناس بتبيع وناس تاني بتشتري كل واحد ولة سعر انما علشان تقلي في حد بياكد ان السعر رايح لغاية فين اقولك لا مفيش ممكن يكون بس بشرط استقرار بورصتنا والبورصات العالمية
وخلي بالك في حاجم مهمة هو اللي بشتري دة بيشتري السوق او المؤشر علشان يستني ل 5600 ولا 5500 زي ما بيقولوا ياريت يا اخويا المؤشر دة نقدر نشترية ونبيعة كنا كسبنا منة كتير قوي وبعدين هما بحددوا اسعار وارقام بمزاجهم هو مش في دعم عند 5900 وكمان دعم تاني عند5850 وبعدين 5800وبعد كدة صدقني في دعم قوي جدا عند 5666 كل دي دعوم كلها هتتكسر يا سلام وبامارة اية وعلشان اية ,,,علشان الناس ياعيني الغلابة ترمي اسهمها بتراب الفلوس ويشتروا هما اللة يسامحهم طيب لما في شخص بيبيع مش في شخص تاني بيشتري بيشتري لية بقي اوعي تقولي اللي باع راجل واللي بيشتري واحدة ست ويا تري متجوزة ولا مطلقة ومش بعيد تكون انسة يا سلام عليكي يا بورصة بتخلي الواحد سعات يخترف في الكلام ما علينا انا طولت عليك بس انا برجوك ان تترك المؤشر دة خلية في حالة وخلينا احنا في حالنا احنا يا عم ماشيين جنب الحيطة واللة الموفق

 


اخبار مصر - الذهب - تحويل العملات
فوركس - تجارة فوركس

التعديل الأخير تم بواسطة bassem ezzat ; 07-05-2010 الساعة 02:12 AM .

bassem ezzat غير متواجد حالياً

 

رد مع اقتباس