عرض مشاركة واحدة
قديم 07-08-2010, 12:43 AM   #963
خبيــر بأسـواق المــال
 
الصورة الرمزية bassem ezzat
كاتب الموضوع : bassem ezzat المنتدى : التحليل الفنى والمالى و المتابعة اللحظية قديم بتاريخ : 07-08-2010 الساعة : 12:43 AM
افتراضي رد: لية نخسر لما ممكن نكسب

اقتباس : المشاركة الأصلية كتبت بواسطة mooondy33 مشاهدة المشاركة [ مشاهدة المشاركة ]
السلام عليكم ورحمة الله وبركاته تتوقع بكره للسوق ايه لينا غدااا بعد صعود الدوا 279 نتقطه وعلى فكره كل ترشحاتك اللى كنت مرشحهاا كانت فى جوووووووووون

ايوة يا عم مندي يا حبيبي
مش هتبطل لبط حتي في الداو يا حبيبي الصعود كان 274 نقطة بس مش 279 نقطة صعود ,,,, ركز شوية وبطل السرحان اللي انت فية دة ,,,,و لا انت بتحب اليومين دول ......
الو الو الو انت فين ياعم ,,,,
مش بقولك شكلك بتحب اليومين دول
علشان قلتلك اكتر من مرة ملكش دعوة بالداو ولا المؤشر خليك في سهمك يا حبيبي سهمك مؤشرك ومتخفش خالص لا بالصعود ولا بالهبوط انسي الدنيا وريح بالك واوعي تفكر في الداونجونز
وبعدين انا مش قبل كدة قلتلك المهمهو مؤشر s&p500 طول ما هو فوق ال 1050 انت في امان المنطقة دي هو منطقة الامان وصعب يكسرها طبعا هتقول ما هو امباح واول امبارح كان تحتيها هقولك الكسر يا حبيبي لازم 3 جلسات متواصلة وبتداول عالي وكمان احنا لاحظنا الفترة السابقة ان مرحلة التجميع بتكون تحت الدعوم وبيفضل تحتها علشان حضرتك تفقد الامل وتتخلص من اسهمك القديمة وطبعا بتبقي دي منطقة التجميع وحتي لما بييجي يطلع شوية تفضل تقول ابدا هو كسر الدعوم واصبحت مقاومة الان واللي موجود في السوق يعرض اسهمة علي اية ,,,علي المقاومات طبعا اللي كانت دعوم سابقا و طبعا بيكسرها ويطلع ويدور علي مشتري جديد او حضرتك بتدخل تشتري تاني ويقولولك الصعود دة اشارة الدخول وتدخل حضرتك بس مبتصبرش وتزهق وتبيع اسهمك خسران وتدخل سهم تاني قالولك خلي بالك من كلمة (قالولك)علي راي وائل بية عنبة اللة يسامحة (هو كويس بس مشكلتة انانيتة يعني اسهمة بس هي اللي بيشجعها والباقي ,,, واقع من قعر القفة ) ما علينا وصلنا لغاية فين ايوي زهقت وبعت سهمك رخيص ودخلت اشتريت سهم مش بتاعك بسعر غالي وياريت بتصبر,,,لا بتزهق تاني وتخسر تاني وبعد شوية تلاقي محفظتك كل شوية بتنزل اكتر من معدل نزول السوق طيب لية يا حبيبي( لية : نخسر لما ممكن نكسب )
اهدي كدة وخليك في اسهمك اللي قلتلك عليها وللمرة المليون ملكش دعوة بالمؤشر خلي المؤشر لاصحابة والداو واعوانة لاصحابة شفت اللي حصل انهاردة كنت موصي علس سهم العبور للاستثمار العقاري كان ب 2.80 قرش ووصل انهاردة ل 15 جنية واسال ياقوت واللة قلتلة علية كان ب 3 من يومين وتقدر تسالة وعموما هو معانا اكيد في المنتدي وافتكر انة ممكن يتفضل ويقولك انا وصيت علية امتي وبكام وعلي فكرة انا عارف ان كل ترشيحاتي كلها كانت في الجون
واتحدي منذ ان سجلت في هذا الباب الصغير ان اكون رشحت سهم وكان الترشيح خاطئ ومش مهم الترشيح المهم التوقيت وانا عاوز واحد يقولي انا رشحت اية وخسر معاة حتي عبر المحيطات لما كسر اهم دعم ومن قبل ما يكسرة كان ب 38 سنت قلت كسر ال 36 خروج نهائي لانة يستهدف مناطق سعرية مخيفة وهي ابعد من اللي عندها الان
المهم ركز ونصيحة دايما تقولها لنفسك كل شوية لما بتكون قدام الشاشة (الفرص مش بتخلص انما الفلوس هي اللي ممكن تخلص )
وتاكد يا حبيبي وقلتلك الف مرة لو كل الناس اجمعت علي شئ واحد تاكد انة هيحصل العكس ,,,, يعني مثلا مباراة اليوم بين المانيا واسبانيا العالم كلة كان بينتظر فوز المانيا علي اسبانيا واتحدي ان في شخص واحد قال ان اسبانيا ممكن تغلب المانيا (الا اذا كان بيفهم بورصة - طبعا هتقول اية علاقة دة بالبورصة ) وادي نتيجة المبارة عكس كل التوقعات وفوز اسبانيا علي المانيا,,هنقول اية مبروك لاسبانيا وادي مؤشر اسبانيا صااااعد 372 نقطة وقالوا قبل كدة اصلي اسبانيا هيحصل فيها ازمة مالية زي اليونان بالضبط ولسة يا حبيبي كل شوية ممكن تلاقي بلد عندها شوية ديون ملهمش عازة يقولوا عندما مشكلة وعاوزين شوية فلوس من الاتحاد الاوروبي ولا من البنك الدولي
بس لو مصر حصل فيها ازمة مالية وعليها شوية فلوس فكرك هيطلب شوية فلوس منين من البنك المركزي ولا من البنك الدولي ولا هنروح نشحت من اوروبا وامريكا والبركة في عمو غالي (اصرف يا لطفي - يصرف لطفي ) وعلي فكرة السر في عدم تاثر مصر بالازمة المالية العالمية ان لما بنحتاج اي حاجة مش فلوس بس نسافر نشحت من اوروبا وامريكا الشحاتة ارخص ويا ريت فلوس الشحاتة دي حد من الشعب بيستفيد منها
وكفاية كدة علشان مش عاوزين ندخل في السياسة - قلنا قبل كدة خلينا ماشيين تحت الحيطة وخلي السياسة لاصحابها واللة الموفق

 


اخبار مصر - الذهب - تحويل العملات
فوركس - تجارة فوركس

التعديل الأخير تم بواسطة bassem ezzat ; 07-08-2010 الساعة 12:54 AM .

bassem ezzat غير متواجد حالياً

 

رد مع اقتباس