عرض مشاركة واحدة
قديم 07-10-2010, 11:52 PM   #1003
خبيــر بأسـواق المــال
 
الصورة الرمزية bassem ezzat
كاتب الموضوع : bassem ezzat المنتدى : التحليل الفنى والمالى و المتابعة اللحظية قديم بتاريخ : 07-10-2010 الساعة : 11:52 PM
افتراضي رد: لية نخسر لما ممكن نكسب

اقتباس : المشاركة الأصلية كتبت بواسطة ياقوت مشاهدة المشاركة [ مشاهدة المشاركة ]
السلام عليكم
ازيك يا ا/باسم ولااقول احمد زكى ضد الحكومه ولا اقولك احسن ا/ايهاب سعيد!!!!!!!!؟ افتكر انى قولت لحضرتك فى مشاركه لى ان الايام القادمه ستظهر لنا الكثير والكثير عنك وهذا ما ظهر فى برنامج البورصه اليوم امس الخميس انا شاهدته وعايزاسألك هو انت اسمك باسم عزت ولا ايهاب سعيد نفس الكلام اللى حضرتك قولته للاستاذ باهر يوم الاربعاء اتقال شبه حرفى فى البرنامج امبارح حتى نفس الترشيحات للجيزه العامه للمقاولات وشركة النصر للاعمال المدنيه واكيد لامش اكيد ياانت مغششه يا اما هو دخل قرأ المشاركه يإما انت ايهاب سعيد وتريحنا بقى 000نفس التحليل للمؤشرات الامريكيه ونفس السيناريو اللى قولته وحددته حصل النهارده واتقال فى البرنامج وكمان المؤشرات بتعتنا بس نسى يقول زيك اسهم الغلابه وقعت منك دى حقيقى الوحد احتار فى حضرتك بس الصراحه راحه وانت 000!!!!!!
احب اقول حاجه انى فعلابحيى المنتدى وادارته على اختيارهم للصفوه
تمنيااااااااااااتى لك بكل التوفيق والنجاح
والتقدم ومساعدة الاخرين

الصراحة راحة يا ياقوت
اولا انا بشكرك جدا علي مجاملتك الرقيقية واحب اقولك انت فعلا وشك حلو علينا كلنا بس انا عاوز اقولك ان الرئيس اوباما اتصل بيا امبارح وقالي ان عندكم واحد اسمة ماجد شوقي هو الراجل دة مهم قوي كدة
قولتلة لية بتسال عنة ,,,قالي اصلي في اشاعة بتقول انة عاوز يمشي ورايح مكان تاني اكبر واحتمال رئيس الوزراء هيعين حد تاني مش عارف اسمة صيام ولا فطار حاجة كدة
قلتلة المهم انت اساسا بتسئل لية عن الموضوع دة
قالي هو انت مش شايف ان الداو تاثر بالموضوع دة قد اية يا راجل الداو طلع في 3 جلسات من 9750 لغاية 10200
قلتلة معقولة الاشاعة دية ممكن تعمل كدة عندكم في امريكا
قالي امال انت فاكر اية ,,,واحتمال عندكم يطلع لفاية 6300 ويمكن اكتر
قلتلة ممكن بس الخبر دة ملوش دعوة عندنا بالمؤشر قالي لية
قلتلة اصلي خبر اقالة ماجد بية شوقي ممكن نشوف صعود للاسهم الغلابة اللي هي اسهم المضاربات وممكن تصفر 20% بكرة علشان الكبار خرجوا بسبب ماجد بية شوقي واظن انهم هيدخلوا تاني لما يعرفوا اقالة ماجد بية شوقي
قالي ربنا يوفقكم بس ممكن اسالك سوال قولتلة اتفضل
قالي هو انت كل شوية تقولي ماجد بية شوقي لية اشمعن بية دي اللي كل شوية تقولهالي
قولتلة معلش هانت يوم 17 يوليو مش هقول كدة تاني
بس ربنا يستر وميكنش رايح حتة تاني مهمة قوي ونضطر نقولة ماجد باشا شوقي
قالي متخافش ربنا موجود والقوي في اللي اقوي منة
قلتلة وحتي لو راح مكان تاني اقوي المهم انة هيمش من الحتة دي وخلاص
قالي طيب ابقي سمعني صوتك باخبار حلوة كدة
قلتلة انشاء اللة هتصل بيك في اقرب وقت وهسمعك احلي كلام
وانا سعيد جدا باتصالك
قالتلة وانا كمان سعيد بس مش ايهاب سعيد يا عم يا قوت

 


اخبار مصر - الذهب - تحويل العملات
فوركس - تجارة فوركس

التعديل الأخير تم بواسطة bassem ezzat ; 07-11-2010 الساعة 12:06 AM .

bassem ezzat غير متواجد حالياً

 

رد مع اقتباس