عرض مشاركة واحدة
قديم 08-11-2010, 07:24 PM   #29
محلل فنـــــى
كاتب الموضوع : A_Aziz المنتدى : التحليل الفنى والمالى و المتابعة اللحظية قديم بتاريخ : 08-11-2010 الساعة : 07:24 PM
افتراضي رد: الطريق إلى الأرباح في أسواق المال

اقتباس : المشاركة الأصلية كتبت بواسطة A_Aziz مشاهدة المشاركة [ مشاهدة المشاركة ]


نتكلم عن السوق واول منفكر فيه يجي على بالنا المؤشر العام للسوق أو الايجي اكس 30

وهنا عرضت عليه مؤشر بسيط هو المتوسط المتحرك للمؤشر لمدة 200 جلسة تداول عليه

وده مؤشر مهم جداً بيقيس المتوسط الحسابي لأخر 200 جلسة تداول للسوق أو الأسهم

وفائدته إنه بيقدر يقيس الحالة النفسية للمستثمرين في السوق أو السهم اللي بنطبق عليه

لأن ببساطة إن كان المؤشر أو السهم فوق خط المتوسط المتحرك بيدينا إشارة جيدة للتفاؤل

لأن ده بيكون معناه إن معظم المستثمرين في السهم خلال مدة المتوسط ده كسبانين فيه

طيب ولو كان العكس صحيح وكان خط المتوسط المتحرك هو اللي فوق المؤشر أو السهم

ده معناه إن معظم المستثمرين في السهم او السوق ده خلال مدة المتوسط خسرانين فيه

ومن أهم المتوسطات المتحركة خط متوسط 200 يوم وزي ما حضراتكم شايفين في الشارت

الخط ده عمل دعم للمؤشر العام ورجعه للصعود تاني في اكتر من مناسبة وتصحيح سابق

في نفس الوقت بعد لما هبط المؤشر تحته عمل مقاومة في أكتر من مناسبة ترجعه للهبوط

طيب يعني الخط ده بيفصل بين سوق ممتاز نطمن ليه وسوق فيه مشاكل نخلي بالنا منه

وزي ما حضراتكم شايفين المؤشر تحت الخط ده وبيختبره يعني في منطقة حرجة جداً حالياً

لو كسرنا الخط ده لفوق نقدر نقول ان السوق قدر يتخلص بشكل كبير من كل جراحه السابقة

ولو مقدرش المؤشر يكسره ده معناه إننا مازلنا لم نتخلص نهائياً من أثار التصحيح الماضي

نتابع النهاردة ونشوف المؤشر العام هيعمل إيه مع مقاومة المتوسط المتحرك 6470





تابعنا المؤشر النهاردة ولقيناه أكنه بيقرا معانا أهمية المتوسط المتحرك لمدة 200 جلسة

وشوفنا جني ارباح بيقولنا فيه إنه لسه متأثر من التصحيح اللي فات ومتخلصش منه

يعني لسه السوق مبقاش صحي أوي ولسه منقدرش نطمن له على الأخر لحد دلوقتي

طيب يعني خلاص كده وراحت فلوسك يا صابر ، هقولك لأ أصبر على رزقك معايا شوية

وتابع معايا المشاركات الجاية

 


اخبار مصر - الذهب - تحويل العملات
فوركس - تجارة فوركس
توقيع


ما أعرضه رؤية فنية قابلة للخطأ قبل الصواب ، وهي عبارة عن إستشارة فنية والقرار يعود لك وحدك ...

أسهم لا أحللها الفنادق والبنوك والسياحة والإعلام


A_Aziz غير متواجد حالياً

 

رد مع اقتباس