عرض مشاركة واحدة
قديم 08-13-2010, 02:08 AM   #49
محلل فنـــــى
كاتب الموضوع : A_Aziz المنتدى : التحليل الفنى والمالى و المتابعة اللحظية قديم بتاريخ : 08-13-2010 الساعة : 02:08 AM
افتراضي رد: الطريق إلى الأرباح في أسواق المال

اقتباس : المشاركة الأصلية كتبت بواسطة KPE مشاهدة المشاركة [ مشاهدة المشاركة ]
السلام عليكم ورحمة الله،،

بمناسبة متوسط 200 يوم،، بالأمس كسر الداو متوسط 200 يوم فهل ممكن تعليق من حضرتك



ده شارت الداوجونز وعليه المتوسط المتحرك (الأسي) لمدة 200 يوم

وده الأفضل دايماً من البسيط لأنه بيدي وزن أكبر للفترة الأقرب لنا

ودي كمان مشاركتي وركز معايا على الكلام اللي مظلله بالأزرق
اقتباس : المشاركة الأصلية كتبت بواسطة A_Aziz مشاهدة المشاركة [ مشاهدة المشاركة ]
متوسط 200 يوم هو متوسط المشترين الحسابي في أخر 200 جلسة تداول

وبالتالي لو السعر فوقه هيكون معظم المشترين كسبانين وده معناه تفاؤل

والعكس لو السعر تحته هيكون معظم المشترين خسرانين وده معناه تشاؤم

لو السهم إخترق المتوسط ده وخلي بالك إحنا بنتكلم عن خط بيترسم في سنة

يعني إختراقه يكون بكسره كمقاومة من تحت لفوق مع إعادة إختباره كدعم له

ولابد ينجح في إختباره كدعم عشان نقدر نتعامل على أساسه في الشراء به

والإختبار مش لازم يكون بملامسته تماماً ولكنه ممكن يحصل من قبله بشوية

ودي مجرد أداة واحدة من أدوات كتيرة ممكن نشرحها بالتفصيل مع بعضنا

ولكنها أداة هامة جداً يكفي أنها تفصل في تحكم المشتري أو البائع في السوق

لأنه ببساطة بوجود السعر فوقها يتحكم المشتري وبوجوده أسفلها يتحكم البائع

متوسط 200 يوم بيتم رسمه خلال مدة سنة تقريباً يعني مش مدة بسيطة

وبالتالي عشان يتكسر لابد إننا نتأكد بعدد كبير من جلسات التداول فوقه

وأكتر من كده كمان محتاجين التأكيد عليه كدعم لو الكسر حصل لفوق

وفي الهبوط المحتاجين التأكيد عليه كمقاومة لو الكسر حصل لتحت

لو تلاحظ معايا الداوجونز مازال فوق المتوسط الأسي لمدة 200 يوم

ولو تشوف تاريخه معاه في قلب الصعود القوي كان هو دعمه الأساسي

وكان بعد كل إختبار له بيروح يعملنا قمة جديدة على المدى المتوسط

لحد قبل الدائرة الزرقاء لما الداوجونز إختبر متوسط 200 يوم وطلع منه

ولكنه عمل قمة أقل ورجع يختبره من تاني وده معناه إنه فقد العزم بتاعه

ومبقاش متوسط 200 يوم قادر يدفعه بالقوة اللي توصله لقمة جديدة

وبالتالي كان كسره أمر مفروغ منه ولكن لما نشوف الدائرة الزرقاء

هنلاقي إنه قعد عدد كبير من جلسات التداول تحت متوسط 200 يوم

وكمان طلع إختبره كمقاومة ونجح متوسط 200 يوم في صد صعوده

هنا نقدر نتأكد إن كسر متوسط 200 يوم لأسفل صحيح والسوق بياع

طيب قارن اللي حصل في الدائرة الزرقاء بالدوائر البنفسجية اللي بعدها

هتلاقي إن في الدوائر البنفسجية الكسر كان لعدد محدود من الجلسات

وكان مش بيبعد كتير فوق متوسط 200 يوم وينزله من تاني بسرعة

وده معناه إن الداوجونز مكانش عنده العزم الكافي إنه يكسره ويكمل

وبالتالي كان مع إختباره ميقدرش يأكد عليه كدعم وينزل تحته من تاني

طيب تعالى بقى للدائرة الأخيرة البرتقالية ، هتلاقي إنه عمل زي الرزرقاء

بس لفوق المرة دي ، بمعنى إنه طلع فوقه وكمل عدد كبير من الجلسات

وكمان بعد عنه بمسافة كبيرة يعني عنده العزم إنه يكسره ويكمل فوقه

وبالتالي لما نزله ببانك قوي كان متوسط 200 يوم في إنتظاره كدعم قوي

وطبعاً بأكد كمان إن في أدوات تانية كتيرة مش بس متوسط 200 يوم

لأن في بعض الأحيان ممكن تكون إشاراته غير واضحة وغير مفيدة

وفي وقت زي ده بندور في الأدوات التانية لحد منوصل لأداة أوضح

 


اخبار مصر - الذهب - تحويل العملات
فوركس - تجارة فوركس
توقيع


ما أعرضه رؤية فنية قابلة للخطأ قبل الصواب ، وهي عبارة عن إستشارة فنية والقرار يعود لك وحدك ...

أسهم لا أحللها الفنادق والبنوك والسياحة والإعلام


A_Aziz غير متواجد حالياً

 

رد مع اقتباس