عرض مشاركة واحدة
قديم 08-15-2010, 11:01 PM   #51
محلل فنـــــى
كاتب الموضوع : A_Aziz المنتدى : التحليل الفنى والمالى و المتابعة اللحظية قديم بتاريخ : 08-15-2010 الساعة : 11:01 PM
افتراضي رد: الطريق إلى الأرباح في أسواق المال

بالتعاون مع مجموعة البورصة المصرية


ده شارت لايه اي سي موضح تصحيح 2008 وطفرة 2009 وعليه بعض المتوسطات

لو تلاحظ معايا إن السهم بعد حق الإكتتاب بدأ بالإنهيار وكسر كل المتوسطات لتحت

وبعدها بدأ يعملنا قيعان كانت مدتها قليلة ومفيهاش تعرييض وكانت المتوسطات بعيدة

وبالتالي كان العزم اللي بياخده من كل قاع (اللي في الدوائر الحمراء) كان عزم ضعيف

وبالتالي عقبال ميوصل للمتوسطات بيكون فقد عزمه وبيخبط فيهم وينزلنا من تاني

طيب لحد مشوفنا القاع اللي في الدائرة البنفسجي والتعرييض لفترة كبيرة فيه

ولو نلاحظ إن كل مرة السهم كان بيطلع فيها كان بيختبر متوسط 200 يوم وينزل

ويروح يعملنا قاع أقل من القاع اللي سبقه بفارق كبير ويرد يختبره في قيمة أقل

وده أول قاع يكونه السهم أعلى من القاع اللي سبقه بعد إختبار متوسط 200 يوم

كمان الموفينج 50 باللون الأزرق نزل وقرب للسهم وعمله ضغط بغرض التجمييع

طيب بعد القاع ده اللي وضحنا إختلافه عن القيعان اللي سبقوه ايه اللي حصل

طلع السهم وكسر متوسط 50 يوم وبالتالي دخله على كسره المستثمر متوسط المدى

وقام إداله عزم تاني ولطبيعة سوق خارج المقصورة وإنه مبني على المضاربة

طلع وكسرلنا متوسط 200 يوم لفوق بقوة وبالتالي بدأ في صعود قوي وصل 2.90

لحد مكونلنا السهم قمة أقل من قمة ونزل كسرلنا متوسط 50 يوم عند 2.30 تقريباً

وبعدها كمل نزول وكسر متوسط 200 يوم ورجع لنفس السيناريو بتاع هبوط 2008



ده تكملة الشارت وهنلاقي إن أداء السهم متكرر ولا يوجد فيه أي جديد حتى الآن

طيب بدأنا نشوف تعرييض حطيته في دائرة بنفسجي لكن هنا في مشكلة بسيطة

أولاً لسه السهم معملش قاع أعلى من القاع اللي سبقه بعد إختبار متوسط 200 يوم

يعني ممكن يطلع يختبر الموفينج 200 والمنطقة اللي حواليه وينزل يعمل قاع تاني

لو القاع ده كان أعلى من القاع اللي هيتكون حالياً يبقى دليل ظهور قوة في السهم

وننتظر تفاعل السهم بعدها مع متوسط 50 يوم وهل هيعتبره دعم له ولا هينزل تحته

إعتقادي الشخصي إن متوسط 200 يوم من الصعب كسره من غير منعمل قاع اعلى

يعني في الغالب لو السهم طلع هيوقفه متوسط 200 يوم وينزل يختبر القاع الحالي

لو كون قاع أعلى منه وطلع كسره هيبقى خير على الكل بإذن الله وطفرة ممكن حدوثها
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059828930

ولو السهم طلع ونزل من الموفينج 200 وعمل قاع أقل يبقى لسه قدامة شوية كمان

ده كل اللي أقدر أقوله عن السهم بإستخدام متوسط 200 يوم ومتوسط 50 يوم الأسيين

 


اخبار مصر - الذهب - تحويل العملات
فوركس - تجارة فوركس
توقيع


ما أعرضه رؤية فنية قابلة للخطأ قبل الصواب ، وهي عبارة عن إستشارة فنية والقرار يعود لك وحدك ...

أسهم لا أحللها الفنادق والبنوك والسياحة والإعلام


A_Aziz غير متواجد حالياً

 

رد مع اقتباس