عرض مشاركة واحدة
قديم 08-18-2010, 11:16 PM   #56
محلل فنـــــى
كاتب الموضوع : A_Aziz المنتدى : التحليل الفنى والمالى و المتابعة اللحظية قديم بتاريخ : 08-18-2010 الساعة : 11:16 PM
افتراضي رد: الطريق إلى الأرباح في أسواق المال




الشارت اللي قدامنا لسهم بنك البركة وهو واحد من أسهم البنوك الإسلامية

على الشارت متوسط 25 يوم الأسي باللون الأخضر ومتوسط 200 يوم بالأحمر

وعندنا أرقام حطيتها عشان أحدد بيها مناطق مهمة هستخدمها في الشرح

كمان الخطين الأفقيين هيندرجوا معاهم كنوع من التوضيح لأماكن النقاط دي

عند النقطة رقم 1 اللي كانت بعد هبوط كبير في السهم حصل إرتداد قوي لأعلى

الإرتداد ده سببه الرئيسي هو تدخل قوي لمجموعة من المشترين داخل السهم

والتدخل ده سببه إنهم وجدوا في سعر السهم ده فرصة جيدة لتكوين مراكز شرائية

وبالتالي إرتفع سعر السهم من المنطقة دي وإستمر دخول المشترين له بعدها

ولما وصل السهم للنقطة 2 قابل المشتري ده بياع أقوى منه وبالتالي هبط السهم

نخلي بالنا عند النقطة 2 اتكونت قمة فيها مشترين هبط السهم بهم مباشرة

وبالتالي لما رجع السهم للصعود ووصل للنقطة 3 قرب منطقة القمة السابقة له

وجد بياع اقوى ودول المشترين اللي اشتروا عند القمة 2 وهبط السهم بيهم

فتيقنوا إن الأسعار اللي إشتروا بيها كانت فرص للبيع وباعوا بمجرد الإقتراب منها

وده المفهوم الأساسي للمقاومة وبتتكون بسبب تكتل مشترين محبوسين عندها

ولما هبط السهم وجدنا عند وصوله للنقطة 4 وإقترابه من أسعار النقطة 1

النقطة اللي ارتفع السهم من عندها بقوة وبالطبع تحسر من باع السهم عندها

وبالتالي بمجرد إقتراب السعر من تلك المنطقة هيلاقي اللي باعه عندها فرصة

وهيتدخل كمشتري داخل السهم من جديد وبالتالي هيتكون عندها دعم للسهم

طيب كده عرفنا يعني إيه دعم ويعني إيه مقاومة وإزاي بيتكونوا في الواقع

بعد النقطة 4 هيكون للسهم قدامه 3 إختيارات ممكنة هنشرحهم بالترتيب

الأولى وهي اللي عملها السهم وهي انه يصعد وكسر المقاومة ويكمل لفوق

وهنا لو نلاحظ هيكون كون إتجاه صاعد لأنه كون قاع عند 4 أعلى من القاع 1

وبالتالي مع كسر القمة عند النقاط 2 و 3 هيكون بيكون قمة جديدة أعلى منها

وبالتالي زي ما بنقولها بإختصار تكوين قاع أعلى من قاع وكسر القمة بينهما

طيب لو لا حظنا بعد الكسر حاول السهم الهبوط لأسعار المنطقة 2 و 3

ولكن قابله مشتري قوي المشتري ده هو اللي باع السهم عند اقترابه منهم

وبالتالي بعد ما باع السهم لما قرب من اسعار المناطق 2 و 3 وصعد اتحسر عليه

وبمجرد هبوطه للمنطقة دي هيحس انه فرصة جيدة للشراء والعودة للسهم

يعني المنطقة اللي كانت مقاومة لما اتكسرت لفوق اتحولت لمنطقة دعم مهمة

ودي نقطة مهمة جداً وهي عند كسر المقاومة لفوق بتتحول لدعم للسهم

والعكس صحيح وهو لما بيتم كسر الدعم لأسفل بيتحول لمقاومة للسهم

طيب كده يبقى القمتين عند 2 و 3 يعتبروا من أهم الدعوم الحالية للسهم

وبدا السهم في الصعود لحد ما قابل متوسط 200 يوم الاسي ووقف عنده

وإتجه لهبوط طفيف وعند متوسط 25 يوم الاسي دخل المضارب قصير المدى
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059833798

وكونلنا دعم نتيجة لشراءه للسهم وده مهم وبالطبع الأهم دعم نقاط القمم 2 و 3

دي كانت الحالة الأولى وهندخل للحالة التانية وهي انه يظل في حالة تعريض

بمعنى يتحرك بين الخطين الأفقيين للدعم وللمقاومة حتى يتم كسر أحدهم

وهيمثلنا الدعم في الحالة دي المناطق السعرية عند النقاط 1 و 4 على التوالي

وهيمثلنا المقاومة في الحالة دي المناطق السعرية عند النقاط 2 و 3 بالترتيب

وأخر إحتمال هو إن الكسر يكون لأسفل ويتم كسر مناطق الدعم عند 1 و 4

وبالتالي هتتحول المناطق دي لمناطق مقاومة ويستمر الإتجاه الهابط

بالتوفيق

 


اخبار مصر - الذهب - تحويل العملات
فوركس - تجارة فوركس
توقيع


ما أعرضه رؤية فنية قابلة للخطأ قبل الصواب ، وهي عبارة عن إستشارة فنية والقرار يعود لك وحدك ...

أسهم لا أحللها الفنادق والبنوك والسياحة والإعلام


A_Aziz غير متواجد حالياً

 

رد مع اقتباس