عرض مشاركة واحدة
قديم 08-26-2010, 04:53 AM   #2329
خبيــر بأسـواق المــال
 
الصورة الرمزية bassem ezzat
كاتب الموضوع : bassem ezzat المنتدى : التحليل الفنى والمالى و المتابعة اللحظية قديم بتاريخ : 08-26-2010 الساعة : 04:53 AM
افتراضي رد: لية نخسر لما ممكن نكسب

اقتباس : المشاركة الأصلية كتبت بواسطة asra2002 مشاهدة المشاركة [ مشاهدة المشاركة ]
استاذنا الكبير لى عندك سؤال
الأسهم أو البورصة ماشية مع الفنى ولا الأساسى(المالى) ولا الخبرى
ارجوك جاوبنى احسن انا حيران
وشكرا لتعب سيادتك

السلام عليكم ورحمة الله وبركاته
حبيبي الغالي سؤلك جامد قوي عليا بس انا هجاوبك علي قد فهمي
اولا : مفيش حاجة اسمها البورصة ماشية فني ولا مالي ولا خبري
انما في اسهم بتتحرك فني والاسهم دي علشات تتحرك فني ليها شروط علشان ينطبق عليها التحليل الفني زي عدد الاسهم مثلا لازم يكون كبير وحجم تداولها كتير والتداول الحر كبير مثال تليكوم وهيرمس والتجاري الدولي وانشاء وحديد عز وبالم هيلز وطلعت مصطفي والاعلامي وكل الاسهم اللي شبها ونقدر نقول ان التحليل الفني مع الاسهم دي مرتبط بالتحليل المالي للاسهم دي بس التحليل المالي بيكون ايجابي بيكون تاثيرة اقوي في حالة الاتجاة الصاعد وعلي المدي الطويل يعني في حالتك مع اسمنت سينا ان القيمة العادلة 64 دة علي المدي الطويل والسعر المستهدف 64 برضوا علي المدي الطويل ودة تقييم من شركة سي اي كابيتال ودة كمان من وجهة نظر هذة الشركة وممكن بعد شوية يظهر تقييم اخر وسعر مستهدف اخر 75 جنية زي ما ذكرت سابقا لان التقييم دة بيعتمد علي حاجات كتير والحاجات دي بتختلف من فترة الي اخري حسب ظروف الشركة المالية خلال فترات متباعدة والسهر المستهدف برضوا بيختلف من محلل فني ومحلل فني اخر لان زي ما بيقوا المثل كل شيخ ولية طريقة ماعلينا
ونقدر نقول ان التحليل الفني بيعتمد علي خبر ما بياثر علي سعر السهم وبيخلية يكسر مقاومة او دعم معين حسب نوعية الخبر اذا كان ايجابي بيكسر المقاومة واذا كان الخبر سلبي بيكسر الدعم وهنا بنقول سهم خبري
وفي بعض الاحيان بيكون خبر ايجابي بيتم البيع علية في حالة ان صانع السوق بيكون انتهي من مرحلة التجميع وبيطلع بالسعر لاعلي عند نشر الخبر وهنا بنقول باع علي الخبر لما السعر بينزل تاني يوم او تالت يوم من نشر الخبر اذا كان ايجابي
نفهم من كدة ان التحليل الفني مرتبط بالتحليل المالي والاخبار تؤثر علي سعر السهم بالسلب او بالايجاب
ثانيا : وفي اسهم كتير مينفعش نطبق عليها التحليل الفني لان عدد الاسهم بيكون قليل والتداول الحر برضو قليل بمعني ممكن تكسر مقاومات بسهولة وتكسر دعوم بسهولة باقل حجم تداول ودي بنقول عليها مضاربة بحتة وبلاش نذكر امثلة علشان محدش يزعل ,,,, يعني لو هتمشي بالتحليل الفني يبقي لازم يكون عدد الاسهم كبير والتداول الحر كبير وحجم التداول كبير ويكون السهم ماليا قوي ونترقب الاخبار ونحاول نتوقع ان الخبر دي سلبي ولا ايجابي
وفي حاجة مهمة لما يمون السهم قدامك داخل علي دعم مهم وبيكسرة
متنتظرش وتقول لنفسك ازاي دة في خبر قوي هياثر علية وليكن تقسيم او زيادة راس مال او عارف ان في تقييم هينزل علية او عارف ان السهم بيحقق ارباح او هيوزع كوبون كل دي اخبار
انما فنيا السهم بيكسر دعم مهم يعني وقف خساير يبقي لازم تتفاعل مع السهم وتتحرك باسرع وقت ومتخليش العاطفة تاثر عليك وتنتظر الخبر الي انا عارفة لان في بعض
الاخبار اللي بيسوها مضروبة او اخبار متسربة وانت فاكر ان السهم فية خير وهو بيكون مفهوش خير
وفي ناس بتفضل الاسهم القوية ماليا لانها بتوزع توزيعات نقدية وكوبونات وطبعا السعر بيتاثر بالاخبار دي بس التاثير بيكون علي المدي القصير فقط
والحالات دي في ناس بتبيع علي الخبر وترفض الانتظار لاخذ الكوبون وتبيع علي المقاومات وتنتظر السعر لما ييجي علي دعم او بتدخل اسهم اخري علي دعوم وتبيع علي المقاومة وترجع تشتري مرة اخري علي الدعوم بس العملية دي محتاجة حريف في عالم البورصة وانتا عارف الباقي
واخيرا انا عارف اني انا طولت عليك وكمان انت تهت في وسط الكلام الكتير دة
بس لازم تعرف ان المشكلة الرئيسية فيك انت لانك حيران ومش عارف تعمل اية
حسب كلامك
لانك لازم تعرف انت عاوز اية وعاوز تكسب كام وخلال قد اية من الوقت
او بمعني اخر انت مستثمر قصير الاجل ولا مستثمر طويل الاجل ولا متوسط الاجل
واكيد انت عارف ان قصير يعني مكسبك في وقت من شهر الي 3 شهور ومتوسط من 3 شهور الي 6 شهور وطويل الاجل من 6 شهور الي سنة
وكل حالة وليها طريقة تعامل مع اسهمك
فاذا كنت قصير الاجل يبقي لازم تكون متفرغ ومراقب جيد للشاشة وعارف الدعوم والمقاومات كلها
وكمان لو كنت قصير الاجل يبقي تقسم محفظتك ولما تشتري سهم تشتري بجزء من السيولة مش كلها
لان ظروف البورصة في الوقت الحالي مش قد كدة وعادي جدا انك لما هتشتري السعر ممكن يكسر الدعم اللي انت اشتريت علية يبقي هتعمل اية وانت قصير الاجل وامام الشاشة باستمرار يبقي تشتري مرة اخري بجزء اخر من السيولة عند الدعم الثاني
ولو حصل وبرضوا كسر الدعم الثاني يبقي تشتري بالجزء الاخير عند الدعم الثالث وتنتظر الصعود عند اول مقاومة وتبيع جزء من السهم وولما يطلع تاني عند المقاومة التانية برضوا تبيع جزء من اسهمك عند المقاومة الثانية والجزء الاخير تبيعم عند المقاومة الثالثة وتنتظر شوية وتشتري تاني عند الدعم الاول وهكذا ولا السهم يطير منك ويرتفع سيبك منة خالص وخليك بيعد لغاية ما يستقر فترة وحجم تداول عالي يبقي ندخل نشوف دعومة الجديدة ومقاوماتة الجديدة لانة كدا اصبح صاعد علي المدي المتوسط والقصير ولما هيطلع تاني ويطير منك لفوق برضوا نفس الموضوع هندخل بس بعد استقرارة وهنشوف دعومة ومقاوماتة وندخل نشتري بالعقل لانة اصبح صاعد علي المدي الطويل
وانا اسف جدا جدا لاني طولت عليك بس ارجوا من اللة ان تكون فعلا فهمت قصدي اية من كل دة وطبعا انا علي قد فهمي وضحت ليك الصورة وكل سنة وانت طيب

 


اخبار مصر - الذهب - تحويل العملات
فوركس - تجارة فوركس
توقيع

باب... لية ... نخسر لما ممكن نكسب
دعوة للمشاركة ومتابعة التوصيات
http://www.borsaegypt.com/showthread.php?t=360242
0127374380
01515151830
[email protected]

bassem ezzat غير متواجد حالياً

 

رد مع اقتباس