عرض مشاركة واحدة
قديم 08-28-2010, 11:22 AM   #1233
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 08-28-2010 الساعة : 11:22 AM
افتراضي رد: الأسهم النارية فى البورصة المصرية

قصتى فى البورصة ..1

نشأت فى اسرة ميسورة الحال ...لأنهم تجار ...ومازلت اذكر اليوم اللى

اتكودت فيه فى البورصة ...وكنت حاسس وقتها انى اصبحت

رجل اعمال كبير ...وان مالى سيتضاعف لأنافس أحمد عز ...وممكن

ساويرس..

وكنت شغال فى اول الأمر فى سوووق الخارج لأن الجلسة كانت بتبتدى

بعد الساعة 2.30 ...والعبد لله كان موظفا بوزارة المالية ...وكنت بوظيفة

أحسد عليها ..ولكن كلها رشاوى ...وعلشان انا ماليش فى الكلام

ده ...قلت بس ...انا هاستقيل وهاشتغل فى البورصة ...

وكنت وقتها شغال فى الدراسات العليا ...وطبعا مكاسب البورصة وقتها جعلتنى اهمل مستقبلى العلمى

قلت خلاص بقى ياواد ...بدل التعليم المصرى بكرة يبقى معاك الفلوس بالهبل وتتعلم فى لندن أو امريكا

اصبحت لا اشعر بالقرش والجنيه ...اسأل عامل شغال اى شغلانة الاقيه

بيكسب 2000 جنيه بكتيره فى الشهر ...والعبد لله بيعملهم فى

تريدة ...ياحلاوة ...كنت اسأل نفسى هى الناس اللى بيشتغلوا دول مش

عارفين البورصة ...هما غاويين تعب ...

لقيت الفلوس كترت معى ...ولقتنى هاتغر ع الناس ..فقررت من يومها ان

اكل عادى بل وبدلا من انام على السرير ..اصبحت انام على الأرض ..

نعم ...لازم اعاقب نفسى واقومها ...كنت فرحان قوووى ....وقلت ان شاء

الله انا هاعمل صرح اقتصادى ماحصلشى ...وهاجوز شباب

مصر ...وهاشغلهم ...انا عاوز الناس كلها تبقى سعيدة

يااااه ده المكسب سهل قووووى ...

وكنت وقتها لا اتابع منتديات الا نادرا ...وكنت معرفشى هما بيكتبوا ازاى فيها ...

المهم ...اتصاحبت على الناس القدامى قوووى فى البورصة ...ناس

عارفة كل صاحب شركة سمسرة جاب فلوسه منين ...ومين ميكرات السوووق وحكايتهم ...

ابتديت افهم ...ونصحونى انى اكود فى اكتر من شركة سمسرة وازور

شركات السمسرة ديه لو حتى هاعمل عملية واحدة ...المهم اعرف

السوووق بيقول ايه ...والناس بتشترى ايه وبتبيع ايه ...

قلت ماشى ...ثم بعد كده اصبحت اتردد على الشركات نفسها ..واكلم

الناس بتاعة علاقات المستثمرين ...كنت حابب الموضوع قوووى ...


وكان الناس القدامى فى البورصة ديه طريقتهم فى الشغل ...لازم

يروحوا الشركة ويعرفوا كل حاجة عنها ...

المهم ...المعلومات كانت عندى بدأت تكبر ...وكنت لما اروح اى شركة

سمسرة اعمل فيها انى مش فاهم اى حاجة ...وكان كل واحد من

العملا ء ينصحنى بالسهم اللى هو شاريه ويقولى ده هايعمل طفرة

ماحصلتشى ...وعرفت وقتها انه كله بيغنى على ليلاه

ولما نزل سهم العالمية ب 10 جنيه تقريبا كنت ناوى ادخله ...لقيت واحد

قديم فى البورصة ...نصحنى وقالى اوعى ...ديه شركة مانعرفشى

عنها حاجة ...المهم السهم طلع ل 15 اقوله اشترى ياحاج يقولى

لأ ...لغاية ماطلع ل 330 جنيه ...وتعلمت من هذا الدرس ان أمشى

بدماغى ...لأن كل واحد له نمط شغل يختلف عن الاخر ...فمن كان

ينصحنى كان بيشتغل فى الاسهم القوية ماليا ...ومابيحبش

المضاربات ...فكان خطأ ان اسأله ..او استمع لنصائحه

ثم جاء سهم مصر للزيوت ...قلت انا هاعوض فيه ...دخلت اخدت 4 الاف

سهم ب 30 جنيه تقريبا ...والسهم خلال الاسبوع راح ل 48 تقريبا ...قلت

حلو قووووى ابيع ...ولسه هابيع ...لقيت زميلة لى بتقولى انت هاتبيع ايه
قلت ليها مصر للزيوت قالتلى اوعى ده السهم رايح 70 جنيه فيه خبر بيع على 70 ...قلت لها

متأكدة ..قالتلى ايوة طبعا ...رحت داخل واخد 4 الاف ب 47

تقريبا ....واخدتهم كريديت ...ويوم التسوية بعتهم ب 34 ...تخيلوا تحول

المكسب الى خسارة ...

وتعلمت من هذا الدرس الا اسمع كلام احدا وان ارضى بالمكسب

المهم جت الواقعة بتاعة 2008 ...وكنت معتاد وقتها على شغل الزيرو ..

وكنت اقل يوم بخسر فيه 2000 جنيه من الزيرو ...واقول ان شاء الله

هاتتعوض ...لكن لقيت مفيش فايدة من الزيرو ...قمت وقفته بعد

ماخسرت كتير قوووى منه ...

ولأنى جبان قوووى وببيع ع التسوية ...فكنت بخرج بسرعة من السهم ...

واسيك للتعدين علمنى انى معملشى متوسطات فى سهمى
والسوووق هابط ...حكايتى معاه تهلك من الضحك ...

اشتريته ب280 ...السهم نزل ل 260 قمت بايعه

ثم اشتريته ب 210 .....وبعته ب 195

ثم اشتريته ب 140 .....وبعته ب120

ثم اشتريته ب 40 جنيه ومارضتشى ادخل اكتتابه ...ونزل بيا ل 32 رحت بايع امه ....

نزل السهم بعد كده ل 14 عملت نفسى معرفوش ...او يمكن اكون تعبت

كانت ضربة اسيك قاسية ...ولكنى اتعلمت منها الا اعمل متوسطات فى سوووق هابط

واليكو ايضا عمل نفس الحكاية معايا ....بس خرجت منه اخر مرة ب 4.20

لما جابها وكانت معلومة ... وكانت بداية معرفتى بالناس فى عالم

المنتديات دخلت باب العصفورة فى منتدى بورصة مصر وقلت

بيعوا ...واتهاجمت واتشتمت ...لأن الناس كانت

معشمة نفسها فى اكتر من كده ...واتعلمت من هذا الدرس الا احب

السهم ..وان ارضى بالأمر الواقع ...

المهم الناس قالتلى افتح باب ...بصراحة الفكرة عاجبتنى ...قلت ماشى

كانت عندى معلومة المجموعات العقارية وعملت طفرات سعرية جامدة ...خصوصا لحامله من 23 ل80 تقريبا

وبعد كده النصر لتصنيع الحاصلات وطلعت من 14 ل 40 وكنت قايل على السيناريو بتاعها فى المنتدى بالضبط ...بدأت اتعرف من الناس
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059848235

وتوالت بعد كده اسهم كثيرة عملت طفرات كبيرة والحمد لله

لدرجة ان بعض الناس قالت عنى انى ميكر للكثير من الأسهم ....ههههههه ...

ومسكت بعض المحافظ من خلال المنتديات ..وكانت صدمة الناس فيا

كبيرة ...كانوا يتوقعوا ان اشترى لهم السهم ثم اوصى به على المنتدى ...

ولكنى لا افعل هذا بل بشترى مع الناس بل وبعدهم فى احيان

كثيرة ...وكنت اوقاتا كثيرة لا الحق اشترى ...من اشتغل معى يعلم ذلك جيدا ...

وتعلمت من ذلك ان المبادئ اصبحت فى مهب الريح ...وان الناس بتشكل

المبادئ وفقا لمصالحها الخاصة

كثير من الشركات والمحافظ المالية الضخمة ارادوا ان يعملوا معايا

ديل ..نعمل جيم...من خلال التوصيات على المنتديات والايميلات...ولم


ارضى والحمد لله ...لأنى اعتبرها اموال حرام

كسبت من البورصة كثيرا ...ولكن ماخسرته منها كان اكبر ....لقد كسبت

منها علاقات اجتماعية جميلة ..سعيد بها ...واكتسبت ثقافة
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059848235

اقتصادية ...ورؤية للأحداث ...وفهمت اشياءا كثيرة كنت بعيدا عنها ....

لم اعرف صداقات المصالح ورأيتها فى البورصة ...

لم اعرف نكرن الجميل ...وعرفته فى البورصة ...والمنتدى السابق

لم اعرف التهجم على الاشخاص ووصفهم بصفات ليست فيهم

وجرحهم ...ورأيت ذلك فى المنتدى السابق

وعندما تركت منتدايا السابق كنت لا انوى الكتابة فى اى منتدى اخر

ولولا هذا المنتدى المحترم جدا ...كنت اعتزلت الكتابة نهائيا



وخسرت راحة بالى ...وضحكتى الصافية ...

خسرت وقتا ...كان من الممكن ان استفاد منه افضل من ذلك ...ولكنها

تجربة حياتية لم تكن فى الحسبان

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس