عرض مشاركة واحدة
قديم 09-01-2010, 02:34 AM   #1273
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 09-01-2010 الساعة : 02:34 AM
افتراضي رد: الأسهم النارية فى البورصة المصرية

قصتى مع البورصة ...3

واتناول فيها طرق واساليب المستثمرين فى بورصتنا المصرية ...

تختلف طريقة الشغل فى البورصة مابين مستثمر واخر ...على حسب فكره ...كل واحد بيشتغل بالطريقة اللى حاسس انها صح ...

هتلاقى واحد بيدخل كل المنتديات ...و غرف الأنسبيك ...ويفتح الياهو ...ويسأل كل من يكتب توصيات ...ويشوف الناس بتوصى بأيه
ويروح تانى يوم البورصة مشتت تماما ...يلاقى محمد على باشا موصى بسهم جربان بيقول انه هيعمل طفرة ...و فلان الفلانى موصى بسهم تانى ...وواحد تالت موصى ...وغرف الأنسبيك بيوصوا ...
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059854132

هتلاقى صاحبنا مشتت ...وعنده حق ديه نص مصر بتوصى ...

طبعا هايروح يلاقى حاجة من التوصيات طلعت لأنها ببساطة تتناول السووق كله ...يبتدى يتابع المنتديات ...ويلغى تفكيره ...وهذه هى الكارثة ...هناك ناس عندها ضمير فى المنتديات ...وناس تانية اجارك الله ...ممكن صاحبنا ده يقع مع واحد من هؤلاء وتكون الضربة موجعة ..

طريقة الشغل الثانية...هتلاقى واحد معجب بأسهم معفنة ...جنوب الوادى والكابلات ...ده المستثمر الخائف ....هذه النوعية بتكون خايفة تغامر ...وبتدور على الأمان ...نفسيتها متقدرشى تستحمل الحركة العنيف لأسهم المضاربات ...يقولك ياعم الاسهم ديه كويسة ...ورخيصة
وغالبا هذه النوعية تحب الأسهم قرب الجنيه ...
ميزة هذه الفئة من المستثمرين انهم اقل خسارة فى السوووق الهابط
وعيبهم انهم اقل من يكسب فى السوووق الصاعد

طريقة الشغل الثالثة ...هتلاقى واحد معجب بسهم واحد ...عمال يشترى فيه ...يطلع يبيعه ...ينزل يشتريه ...ده بيكون المستثمر المحترف ...وغالبا مايتجه الى هذه الطريقة من يعمل بالصرافة ...طريقة الشراء بكميات وعمل التريدات فى ذات الاسهم الواحد حتى يقف عليه السهم بصفر او بسالب بعد مدة معينة ...
طبعا هذه الطريقة ميزتها التركيز الشديد ..لانك بتشتغل فى سهم واحد مدة طويلة ..بتعمل دكتوراة فى السهم ...وبتحفظ نقاطه عن ظهر قلب
وهذه الطريقة لا تصلح الا فى الاسهم ذات التداول العالى مثل قطاع النسيج وتليكوم وبعض اسهم الاسكان ...
ويعيب هذه الطريقة انها تحتاج لسيولة عالية لنجاحها ..والمحافظ بتاعة الناس كل سنة وانت طيب ....كما يعيبها انها تحتاج لالتزام شديد ومفيش سهم اخر يزغلل عنيك ...مما يؤدى الى انك فى هذه الطريقة قد تفقد غالبا مكاسب هائلة ناتجة عن عدم دخولك فى اسهم جالك عنها اخبار

الطريقة الرابعة ...تعالج هذه الطريقة عيب الطريقة السابقة ...ولكنها تحتاج لاحترافية عالية جدا ...لأن صاحبنا فى هذه الطريقة لا يكتفى بالتريدات المباشرة ...فى سهمه الواحد بل يعمل تريدة غير مباشرة ...بمعنى انه بيدخل جيم سريع يكون عنده معلومة عن سهم اخر ...يعمله من 10 الى 20 فى المية ثم يعاود الرجوع الى سهمه الأول واقل من سعر شرائه ....طبعا لضبط ذلك عايزلك موال ..لازم تعرف فترة تعريض سهمك امتى ...والسهم التانى اللى انت داخله يكون معلومته اكيد ...وسريعة ....انها طريقة تحتاج لدرجة من الاحترافية عالية ...بجانب انها لاتنفع الا فى سوووق صاعد ...وفيه جيمات ...
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059854132

الطريقة الخامسة ...انها طريقة المستثمر المصرى اللى نفسه يدخل كل الجيمات ...فى هذه الطريقة هتلاقى صاحبنا شارى اكتر من 5 اسهم فى محفظته ...يكسب فى واحد ويخسر فى اتنين ...انه مشترى الشاشة ...يلاقى سهم يجرى ع الشاشة يقوم يقول للتريدر اشترى يمكن يغلى ولا حاجة ...وهكذا هتلاقيه بيشترى بفلوسه وفلوس الشركة ومقضيها زيرو بخسارة وتريدات خاطئة فى اغلب الأحيان ...
ده اسلوب تداول المستثمر المفلس ...
حتى لو كسب مرة او اتنين او عشرة فمصير هذه الطريقة هى الافلاس للأسف .....او خسارة فادحة فى المحفظة المالية

الطريقة السادسة ...وهى طريقة اسهم الكوبونات ...وده بيكون مستثمر حريص ويريد ان يكسب ربحا معقولا ...بيعمل ايه بيكتب اسماء الأسهم وتوزيعاتها ...ويشترى تلك الأسهم فى اسعا متدنية قبل التوزيع من 3 الى 5 اشهر ...وينتظر التوزيع وعنده حل من اتنين اما السهم يطلع على اثر الخبر اكثر من قيمة الكوبون ...وهذا مايحدث غالبا ...واما ان يأخذ الكوبون ...ويضيف البعض من اصحاب هذه الطريقة التريدات قبل نزول الخبر ...يعنى بياخد كريديت ويشترى قبل نزول الخبر بأسبوع ويبيع من
المتسوى معاه ...
وميزة هذه الطريقة انها تحافظ على رأس المال ...
ويعيب تلك الطريقة انها تحتاج لصبر وبعد عن الشاشة ...كما انها تخسرك المكسب الاحتمالى اللى كان ممكن تكسبه فى اسهم المضاربات الاخرى فى السووق الصاعد
ويعيبها ايضا ان بعض الأسهم مما تقوم بتوزيع الأرباح قد تقوم فى سنة من السنين بعدم توزيع الكوبون او ان تقل ارباحها فيقل الكوبون ...

الطريقة السابعة ...وهى تخص المستثمر الصياد ...وهذا الرجل لا يتابع الشاشة غالبا ...بيعمل ايه سعادته ...بيشترى اسهم بأسعار متدنية للغاية فى هبوط عنيف للسوووق ...وغالبا مايختار اسهم مالية قوية ...وبيحتفظ ويبتعد عن الشاشة ...لأن هذا ماينجح طريقته ...
وهذه الطريقة تحقق نتائج مبهرة وارباح عالية...ولكنها تحتاج لصبر...وواحد عنده شغل غير البورصة يشغله عن المتابعة اليومية...وان تكون الاموال المستثمرة فى البورصة لا يحتاج اليها ..زيادة عن حاجته
ويعيب هذه الطريقة انه من المهم جدا ان يكون المستثمر على دراية كاملة بأن سعر شراؤه قرب ادنى سعر للسهم ...فاختيار نقطة الدخول مهمة جدا ...وهى لا تتاح للكثيرين ...اضف ال ذلك ان يكون السهم ممن يرتدوا بسرعة عندما يتحسن السوووق

الطريقة الثامنة ...وهى تخص المستثمر المضارب ...وهو يقوم بالشراء والبيع فى اسهم المضاربات بمكسب لا يقل عن 5 فى المية ...وتكون حركته سريعة جدا ....وهو غالبا مايشترى سهما واحدا فى هذه الطريقة بفلوسه وفلوس الشركة ...
وهذه الطريقة مخاطرها عالية للغاية ...وتحتاج لدقة المعلومة عن السهم وعن السوووق ...والا تعرض صاحبنا لخسائر فادحة

الطريقة التاسعة ...وتكون للمستثمر الذى يشترى على ثلاثة مراحل فى السهم ...ويبيع ايضا على نقاط محددة وعلى مراحل ...
وهى طريقة اغلب المحللين الفنيين ...وتعتمد تلك الطريقة على دقة نقاط الدخول والخروج ....للوصول لمكسب مرضى ...

ويعيب تلك الطريقة ان المستثمر المصرى غالبا بيصعب عليه ان يحتفظ بسيولة ...

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس