عرض مشاركة واحدة
قديم 10-26-2010, 01:32 AM   #8151
كاتب الموضوع : احمد مبروك المنتدى : التحليل الفنى والمالى و المتابعة اللحظية قديم بتاريخ : 10-26-2010 الساعة : 01:32 AM
افتراضي رد: تريدات تريدات وإللى جاى أحسن من إللى فات

بالتعاون مع مجموعة البورصة المصرية
إمسك حرامي
إمسك حرامى إمسك حرامى
.........
بيضربى دايما أسفل حزامى
وضربه بيوجع مؤثر ودامى
ولا لاقي حد عنى يحامى
إمسك حرامي إمسك حرامي
.........
بيسرقني دايما فى صورة فاتورة
وحقه بياخده وفوق منه تورة
وله ذمة واسعة قايسها بمازورة
إمسك حرامي إمسك حرامي
.........
بيسرقنى دايما ويخرج لسانه
في كرسيه متبت ولازق مكانه
ويحلف يمين وعمره ما صانه
إمسك حرامى إمسك حرامى
.........
حرامي ارارى مصنف خطير
وعمره مايشبع وكرشه كبير
ويطلع يصرّح وعامل وزير
إمسك حرامي إمسك حرامي
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059945389
..........
بيسرق فى عرقي ورزق عيالى
مقطع فى جلدي وجيبي اللى خالي
ولامرة حتى سايبنى في حالى
إمسك حرامي إمسك حرامي
.........
بيكسر لى ضهري ويلوي دراعي
ولا عنده قلب لبؤسي يراعي
ومن حضن بلدي يريد انتزاعي
إمسك حرامي إمسك حرامي
.........
بياكل فى لحمي وبيمص دمي
وكل اللى شاغله يزود في همي
ومصر اللي أمه ماهى برضه أمي
إمسك حرامي إمسك حرامي
.........
أبعد عنه لظلمه بظلمه يلاقيني
وأغمّض عنيه في نومي يجيني
وماعدت أملك سوى بس ديني
إمسك حرامي إمسك حرامي
.........
قوانينه واسعة و هفهافة
ويقول دى نزيهة وشفافة
وضميره محتاج لنضافة
إمسك حرامى إمسك حرامى
.........
لو كان عليا أسيبها و اهاجر
بس ها تيجي منين التذاكر
بحبك يا بلدي والحب شاطر
إمسك حرامي إمسك حرامي

 


اخبار مصر - الذهب - تحويل العملات
فوركس - تجارة فوركس
توقيع



حمزاوى غير متواجد حالياً

 

رد مع اقتباس