عرض مشاركة واحدة
قديم 11-04-2010, 04:36 PM   #163
ebn hamido
موقوف
 

كاتب الموضوع : ebn hamido المنتدى : التحليل الفنى والمالى و المتابعة اللحظية قديم بتاريخ : 11-04-2010 الساعة : 04:36 PM
افتراضي رد: كواليس البورصة واسرارها ورؤية مختلفة لنحقق مكاسب جيدة

لست محبط ونهاية مقبولة جدا كعادة جلسات الخميس بل بالعكس لان السهمين بوليفارا واجواء عملو ليفل شراء رائع اخر تلت ساعة ولو انى اكاد اجزم ان اللى خد عدد لا يتعدى اصبع اليد الواحدة؟ مبقتش عارف فى اية الاخوة بتدخل وتشارك وبرد على الكل بكل حب وامانة؟ ولازم نعرف كويس انة من المستحيل ذاتة ان كل سهم هنوصى بية هيكسبنا 10 و20% دة مبيحصلش الا مرات قليلة طوال شهر كامل وكما اسهبت من كتر التوضيح ويظهر ان الناس بقت تفضل القراءة وخلاص دون تنفيذ؟ انا مش هطول ولا هقول اى حاجة اكتر من كل اللى قولتة بقالى 15 ساعة تقريبا ولكم ان تتخيلو مدى الارهاق الفظيع اللى بكون علية ورغم ذلك باجى على نفسى من حبلى وحرصى الشديد على اى مكسب جيد لكم جميعا معقولل اسبوع كامل مضى والله ملقتش الا يمكن مشاركة واحدة لالاخ باهر وعرفش كمان اذا كان خد العربية للمحابس لما وصينا بية ولا لا؟
انا عارف ان الكل مزنوق وناس كتير متدبسة فى اسهم كتير للاسف على اسعار عالية جدا وخايف اتكلم بكل صراحة توعلو منى ولكن هقول واجرى على الله محدش يقنعنى ابدا ومن خبرة 10 سنين ان اللى بيروح فى البورصة بيرجع تانى معلش بقى مع احترامى الشديد اللى مشترى اسهم مثلا باضاعف تمنها الحالية وفاكر انها هتيجى تانى بكل صراحة بقولة خليك عقلانى لانة مستحيل تعويض خسارة فاقت ال10 جنية ويمكن زيادة ؟ انا صريح ولازم نوضح بقى الامور دى لو عاوزين نبتدى صفحة جديدة ونشتغل صح
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059964016
قولنا فى حاجة اسمها ستوب لوس (( وقف خسائر ومعروفة للناس اللى بتشترى على الدعم وتبيع على المقاومة بمجرد كسر السهم الدعم الاول جلستين ورا بعض معرفش الناس بتستنى اية؟ اخسر شلن ولا اخسر 10 جنية ولله الامر من قبل ومن بعد فاللى ماشى غلط ومش عاوز يغير منهجيتة الغلط دى فى التعامل براحتة ولكن سيظل للاسف حبيس اسهمة الى ما شاء الله وياما خسرنا ومبالغ الدنيا مش هتوقف؟ وحكيت تجربتى الشخصية وكيف ضاعت محفظة ب 100 الف ومينصت كمان ب20 الف جنية ولكنى عدت بس بمنهج صح وباحتراف فى التعامل؟
انا ابيع على التسوية اى سهم محققش المرجو منة بمكسب ولو 1% ومع السلامة وارمى الهلب على سهم تانى وهتغمز السنارة اكيد انما اقف اصطاد من غير سنارة لا فى سيولة ومشرى اسهم باسعار فوق الخيال لسعرها الان مثال اخ فاضل مشترى بى تك ب8 جنية و70 قرش يعنى اعلى سعر للسهم منذ تداولة ولا عمل وقف خسارة وفضل سايبة على امل صعودة للرقم دة مرة اخرى؟
بقول والله لو استنى بدل الشهر سنة واكتر لن ياتى السعر دة مرة اخرى واللى يغلط يتحمل نتيجة غلطة خلاص سهم وجبتة غالى جدا محدش قالك اركنة جنبك سنة ومتعملش ستوب لوس لية وتخرج منة ودة الف بة بورصة؟
ووالله عن نفسى ياما ببيع اسهم على تسويتها ولو مكيت او حتى خسران عمولة او 100 جنية حتى واقول فى داهية طالما سهم متنح ولا بيتحرك سواء السوق صاعد او هابط والامثلة لا تعد ولا تحصى؟ بقول لكل واحد فى الموقف دة توكل على الله وبيع ولا تندم وسيل واشتغل صح وهتعوض لان والله اللى بيروح فى البورصة مبيرجع تانى دول حيتان بنتعامل معاهم ولما تكسب منهم قروش يبقى انت بطل ؟ المكسب لية ناسة ولية اصولة اللى عاوز يحققها يتابع معى واللى عاجبة حالة وهيقراء كلامى من هنا ويخرج من الودن التانية براحتة وخليك مستنى تعويض خسارة 10 و13 جنية فى سهم ومهما استنيت لن يعود لك سعرك الا فيما ندر جدا جدا؟
طولت وتكلمت بكل صراحة ودة طبعى لانى محبش اتعب على الفاضى بامانة والا ما فائدة فتح الباب والتعب هنا وهناك لنضع اسهم توصية يعلم ربنا بتيجى ازاى وبعمل دة بحب ومن قلبى ولكن ان يمر اسبوع كامل رشحنا فية حوالى 8 اسهم تقريبا ومفيش حد قال والله اشتريت السهم الفلانى سوى الاخت الهام وذكرت بنك الاتحاد الوطنى وقولت يا جماعة دة للى عاوز يكسب منة مثلا 10% ينتظر فية قليلا واللى مش عاوز يبيع مكيت ويخرج واول امس وامس عمل ال10 فلات اللى كلنا اشترينا اسفلها ب20 قرش على الاقل؟
عموما انا بدعو كل الاخوة لسهرة اقتصادية عن البورصة من الالف للياء يا مساء الغد الجمعة يا مساء السبت ومن الان الى ذلك الموعد اى حد عاوز يفهم ولو مصطلح حتى زى التريدة اوخلافة يشارك ويقول كل اللى فى نفسة وحتى الاسباب اللى بتخسرة ؟ وصدقونى هارد على كل شىء باستفاضة لانى الوضع بالطريقة دى لا مفيد ليكم ولا ليا بكل موضوعية؟
ومعلش لو جاوزت فى الكلام بعض الشىء دى طبيعتى معرفش اشوف غلط فى غلط كل يوم وافضل ساكت ابدا؟ مهما كلفنى الامر واخيرا للمرة المليون والله لو مش بحبكم وخايف على مصلحتكم ما نطقت بحرف وعملت زى غيرى وما اكثرهم فى كل مكان واكتب توصيات وخلاص واللى ياخد بيها ياخد واللى ميخدش ميخدش وفى كلا الحالتين انا لن اضار فى شىء؟
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059964016
ولكن تعب ومجهود بال15 وال16 ساعة يروح فى الارض معلش محدش يقبل بكدة مهما كان طيب ومحب للخير واخيرا لا احب ان اقسم كثيرا ولكنى الان كدة بقالى 48 ساعة بالزبط عينى لم تغفل حتى دقائق لعملى الخاص والارتباطى ووعدى للجميع هنا بان يكون هذا الباب مصدر سعادة بسيط وماسح دموع الغلابة قدر امكانى ودة كان وعد منى مباشر وصريح لاستاذنا المحترم الحاج الشرقاوى مشرف عام منتدانا الحبيب واللى تشرفت بنعرفتة جدا وتشرفت بالجميع هنا؟
اخيرا اللى اخد اليوم بوليفارا اخر الجلسة واجواء نشوف تسويتهم الاثنين القادم ولن اعيد كلام تانى وسادع الشاشة حكما بينا عن السهمين دول بالذات باعتبارهم اخر سهمين وصينا بيهم كشراء؟

اخيرا اجازة سعيدة وحاولو تتمعنو فى كلامى بعقلانية اكتر واعمق والله لمصلحتكم انا مش هيزيدنى ولا هينقصنى حاجة لانى عارف كويس انا بشتغل ازاى وبعمل اية؟
والاهم ريحو دماغكم مؤقتا من السوق والاسهم فلابد من اراحة المخ لاعادة نسبة التركيز ايام الجلسات لاعلى مستوى ودة ميحصلش الا بنسيان الاسهم والسوق ولو 24 ساعة كل اسبوع مرة وليكن يوم الجمعة لانة الانسب والاصلح تماما لذلك
اسف مرة اخرى على التطويل وعلى صراحتى واسف لو كلامى بة اى شىء قاسى نوعا ما؟

والى لقاء ان احيانا الله لكم خالص حبى واحترامى لكم جميعا ودومتم فى امن الله ورعايتة؟

اخوكم خالد (( ابو وليد )) والسلام عليكم ورحمة الله وبركاتة

 


اخبار مصر - الذهب - تحويل العملات
فوركس - تجارة فوركس

ebn hamido غير متواجد حالياً