عرض مشاركة واحدة
قديم 11-05-2010, 10:00 PM   #174
 

كاتب الموضوع : ebn hamido المنتدى : التحليل الفنى والمالى و المتابعة اللحظية قديم بتاريخ : 11-05-2010 الساعة : 10:00 PM
افتراضي رد: كواليس البورصة واسرارها ورؤية مختلفة لنحقق مكاسب جيدة

اخ العزيز ابو خالد السلام عليكم ورحمة الله وبركاته
بالنسبة لمشاركتك السابقة اولا لا تشعر باحباط او تزعل علشان مفيش تجاوب كما ينبغى طالما اننا اتفقنا ان غرضك لوجه الله تعالى يبقى خلاص عليك ان تتكرم وتعطى توصياتك مشكورا شكر يليق بما تبذله من مجهود كبير فى هذا الشأن واجرك على الله( خلى بالك دا افضل واغلى اجر نعرفه حتى الان لو حد عنده رأى تانى يقولنا عليه )
لكن اسمح لى اقولك الناس خلاص يئست واحبطت واتعقدت من كثرة الخسائر
انا ما شفتش حد قابلته على مدار فترة شغلى فى الزفتة دى ولقيته كسبان
فارجوك التمس العذر للناس ولا تتوانى فى اعطاء النصائح فثوابك على اعطاء النصيحة وليس على عدد من نفذ التوصية
مثل المؤذن ثوابه على ادائه للاذان وليس على عدد المصلين الذين ياتوا للصلاة
وتأكد والله ثم والله لن يضيع اجرك حتى لو لم يتجاوب معك احد
لان ربنا مش بيضيع اجر واحد اراد الخير لغيره
اما كون ان الناس متدبسة ومزنوقة ذى ما قولت اؤكد لك ان ده حال 90% من الناس الموجودة وانه فعلا عندهم امل ان اسعارهم ترجع تانى لكن دا حلم ذى ما قولت وهيه دى الحقيقة المرة
لان ان اوقعت فى الزنقة دى منذ ان دخلت فى شهر 11 سنة 2006 وسرت بهذا المبدأ الفاشل حتى قررت الخروج نهائيا فى شهر مارس الماضى بخسارة شديدة جدا ( كان من ضمنها قرض كبير كمان )
فرجاء ان تستمر
نرجع بقى لاخوك العبد الفقير انا من دفعة ما بعد الاتصالات دخلت هذه البؤرة الموبؤة دون علم او دراسة فقط احلام وردية ان هاشتغل فى البورصة واكسب وانتهى الموضوع
ولكن وما ادراك ما لكن دخلت واتبهدلت الى ان خرجت نهائيا فى مارس الماضى
وياريت تبت على كده الا اننى رجعت تانى حديثا حاليا بكامل سيولتى ولكنى كلى خوف
اضع الاوردر فى ادنى ادنى نقاط دعومه وانصرف الى عملى واقول يا رب ما ينفذ لان خايف وافرح جدا انه لم ينفذ الخوووووووووووووف يا باشا بعد اللى شفته
فانا الان اريد نصيحتك فظروفى لا تسمح لى بالمتابعة المستمرة امام الشاشة فكيف لى ان اتماشى مع توصيات حضرتك
ثانيا لم انجح فى اسلوب المضاربة السريعة اللى على التسوية فهل من حل لى بحكم خبرتك
يعنى من الاخر لو تتكرم عايز تحط لى خريطة طريق علشان احاول استرد اللى خسرته وبعد كده اترك هذه المخروبة اللى فعلا اتأكدنا ان ماسكينها شوية حرامية معدومى الضمير
واقر بخطأى فى اننى لم اتعلم ولم ادرس قبل دخولى هذه المعمعة
ويا سلام لو فيه توصية طويلة المدى يعنى الواحد يشترى سهم ولا اتنين
وينام عليهم
بخصوص الاسئلة عايز اعرف امتى نقرر ان الدعم ده اتكسر وان المقاومة دى اخترقت
السؤال ده محيرنى
والمعضلة الكبرى وقف الخسارة
احدده اذاى وامتى اعرف ان لازم اوقف الخسارة وليس ان السعر لمس على خفيف ويطلع تانى واقول يا ريت ما بعت
وهل من الافضل ان اضع وقف الخسارة مع وضع الاوردر ام انه يكون مع متابعه الشاشة
لكن فعلا يبدوا ان الحل الوحيد هو عدم مكوثك طويلا داخل سهم يعنى ذى ما بيقولوا اخطف واجرى وناس كتيرة اقرت ان هو ده افضل مبدأ نفع معاهم وجاب لهم مكسب
لكن نعمل ايه فى الطمع لدرجة ان مرت على ايام كنت كسبان فيها مكسب حلو ولم ابيع طمعا فى مكسب اكثر واذا بالظروف تتغير وينقلب المكسب الى خسارة ولكن الحمد لله اولا واخرا
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059965852
وشكرا على سعة صدرك وسامحنى على طول المشاركة
اخوك عبده

 


اخبار مصر - الذهب - تحويل العملات
فوركس - تجارة فوركس

الدرويش غير متواجد حالياً