عرض مشاركة واحدة
قديم 11-06-2010, 02:08 PM   #181
ebn hamido
موقوف
 

كاتب الموضوع : ebn hamido المنتدى : التحليل الفنى والمالى و المتابعة اللحظية قديم بتاريخ : 11-06-2010 الساعة : 02:08 PM
ممتاز رد: كواليس البورصة واسرارها ورؤية مختلفة لنحقق مكاسب جيدة

بالتعاون مع مجموعة البورصة المصرية
اقتباس : المشاركة الأصلية كتبت بواسطة الدرويش مشاهدة المشاركة [ مشاهدة المشاركة ]
اخ العزيز ابو خالد السلام عليكم ورحمة الله وبركاته
بالنسبة لمشاركتك السابقة اولا لا تشعر باحباط او تزعل علشان مفيش تجاوب كما ينبغى طالما اننا اتفقنا ان غرضك لوجه الله تعالى يبقى خلاص عليك ان تتكرم وتعطى توصياتك مشكورا شكر يليق بما تبذله من مجهود كبير فى هذا الشأن واجرك على الله( خلى بالك دا افضل واغلى اجر نعرفه حتى الان لو حد عنده رأى تانى يقولنا عليه )
لكن اسمح لى اقولك الناس خلاص يئست واحبطت واتعقدت من كثرة الخسائر
انا ما شفتش حد قابلته على مدار فترة شغلى فى الزفتة دى ولقيته كسبان
فارجوك التمس العذر للناس ولا تتوانى فى اعطاء النصائح فثوابك على اعطاء النصيحة وليس على عدد من نفذ التوصية
مثل المؤذن ثوابه على ادائه للاذان وليس على عدد المصلين الذين ياتوا للصلاة
وتأكد والله ثم والله لن يضيع اجرك حتى لو لم يتجاوب معك احد
لان ربنا مش بيضيع اجر واحد اراد الخير لغيره
اما كون ان الناس متدبسة ومزنوقة ذى ما قولت اؤكد لك ان ده حال 90% من الناس الموجودة وانه فعلا عندهم امل ان اسعارهم ترجع تانى لكن دا حلم ذى ما قولت وهيه دى الحقيقة المرة
لان ان اوقعت فى الزنقة دى منذ ان دخلت فى شهر 11 سنة 2006 وسرت بهذا المبدأ الفاشل حتى قررت الخروج نهائيا فى شهر مارس الماضى بخسارة شديدة جدا ( كان من ضمنها قرض كبير كمان )
فرجاء ان تستمر
نرجع بقى لاخوك العبد الفقير انا من دفعة ما بعد الاتصالات دخلت هذه البؤرة الموبؤة دون علم او دراسة فقط احلام وردية ان هاشتغل فى البورصة واكسب وانتهى الموضوع
ولكن وما ادراك ما لكن دخلت واتبهدلت الى ان خرجت نهائيا فى مارس الماضى
وياريت تبت على كده الا اننى رجعت تانى حديثا حاليا بكامل سيولتى ولكنى كلى خوف
اضع الاوردر فى ادنى ادنى نقاط دعومه وانصرف الى عملى واقول يا رب ما ينفذ لان خايف وافرح جدا انه لم ينفذ الخوووووووووووووف يا باشا بعد اللى شفته
فانا الان اريد نصيحتك فظروفى لا تسمح لى بالمتابعة المستمرة امام الشاشة فكيف لى ان اتماشى مع توصيات حضرتك
ثانيا لم انجح فى اسلوب المضاربة السريعة اللى على التسوية فهل من حل لى بحكم خبرتك
يعنى من الاخر لو تتكرم عايز تحط لى خريطة طريق علشان احاول استرد اللى خسرته وبعد كده اترك هذه المخروبة اللى فعلا اتأكدنا ان ماسكينها شوية حرامية معدومى الضمير
واقر بخطأى فى اننى لم اتعلم ولم ادرس قبل دخولى هذه المعمعة
ويا سلام لو فيه توصية طويلة المدى يعنى الواحد يشترى سهم ولا اتنين
وينام عليهم
بخصوص الاسئلة عايز اعرف امتى نقرر ان الدعم ده اتكسر وان المقاومة دى اخترقت
السؤال ده محيرنى
والمعضلة الكبرى وقف الخسارة
احدده اذاى وامتى اعرف ان لازم اوقف الخسارة وليس ان السعر لمس على خفيف ويطلع تانى واقول يا ريت ما بعت
وهل من الافضل ان اضع وقف الخسارة مع وضع الاوردر ام انه يكون مع متابعه الشاشة
لكن فعلا يبدوا ان الحل الوحيد هو عدم مكوثك طويلا داخل سهم يعنى ذى ما بيقولوا اخطف واجرى وناس كتيرة اقرت ان هو ده افضل مبدأ نفع معاهم وجاب لهم مكسب
لكن نعمل ايه فى الطمع لدرجة ان مرت على ايام كنت كسبان فيها مكسب حلو ولم ابيع طمعا فى مكسب اكثر واذا بالظروف تتغير وينقلب المكسب الى خسارة ولكن الحمد لله اولا واخرا
وشكرا على سعة صدرك وسامحنى على طول المشاركة
اخوك عبده

شوف اخى الغالى عبدة انت وجميع من فى حالك ويريد الاصلاح فعلا وليس كلام على ورق؟
كل ما قلتة فى مشاركتك حدث مع اى حد دخل البورصة بدل المرة ميت مرة الفرق هناك من يتعلم او يريد التعلم ويقلب حالة من خسائر لارباح؟
وهناك من يظل على حالة مهما قيل لة وسمع كلام من طوب الارض ويقولك هى كدة وضربة حظ وفهلوة كما وضحنا سابقا؟
كما قولت صباحا ارجع انت وغيرك وراجع اخر عشر صفحات من الباب؟
واقراء بتمعن شديد كل مشاركاتى والله هتجد بها كل ما تريدة للاعادة هيكلة محفظتك وتفكيرك من الالف للياء؟
مش عاوز تقراء بقول الموضوع ليس لوغاريتمات؟
ولا تشغل بالك اوى بكلام كبار المحللين ونقط الدعم والمقاومة ووقف الخسارة؟
اعمل ليك مبداء وسير علية لن تحتاج لمعرفة كل الامور الفنية دى؟
وهو مبداء 5% اب او دون على تسوية سهمك ودى اجمل واحلى نصيحة بقولهالك وبقولها للجميع؟
يعنى اشتريت سهم غدا يبقى تسويتة الاحد والله ربك اراد وكرم ب5% مكسب بيع فورا ولا تنتظر واحمد ربك على مكسبك ولو 100 جنية؟
طب موفقتش ولقيت اليوم سىء والسوق وحش وبيرمى من اولة وسهمك لسة مخسركش او حتى هبط عن سعر شرائك 1 او حتى 2% بيع برضو فورا وتاكد من شرائك لة اخر الجلسة ارخص مما بعت بة بكتير؟
وباختصار دى التريدة الناجحة؟

والاهم تتابع معنا لو شايف بابنا مفيد ليك وبتقدر من الاسهم المرشحة تكسب وثق ان المكسب بيجيب مكسب مهما كان صغير والعكس؟
انما للاسف فى اخوة بتدخل ورق عامل زى الداهية ويرجع يندم طب ما حضرتك اللى دخلت نفسك فى نفق مظلم؟ ويحاول بقى يجد اى شماعة يحط عليها خطائة لدرجة انى فيما مضى وانا بكتب فى مكان ما رشحت سهم طلعت مصطفى من عام تقريبا؟ المهم السهم فضلت ارشحة يوميا اسبوع كامل وتانى اسبوع انطلق طلعت وعمل 7 جنية فلات تقريبا وكنا مشترينة بمتوسط 5 جنية و80 قرش؟
المهم اخينا مبعش على ال7 جنية لانة سمع وادى ودنة لكل من هب ودب بان السهم هيعمل 10 جنية؟ واذ بالسهم فضل يهبط لحد ما رجع الى 5 جنية و20 قرش ؟
وعينك ما تشوف الا النور
انت خسرتنى؟ حسبى الله ونعم الوكيل فيك وفى خسارتى؟
طب دة منطق بالذمة واذ بادارة المكان المبجلة وبدون اى حق ولا سابق انذار بوقفى ونصرة الباطل على الحق؟ ومحدش يستغرب فتلك الاماكن موجودة الان وبكثرة؟
لذلك حينما قررت الكتابة هنا وكانت تحدث معى بعض الاشياء كهذة؟
كنت بنقلها للادارة هنا وبكل امانة الدنيا تم ايقاف كمل شخص كان بيحاول كالعادة الاساءة وتشوية صورتى امام حضراتكم؟
لذلك والى ان ياذن الله بتمنى افضل فى منتدانا دة العملاق؟
لان اى حد عاوز يعمل خير من غير حد يحمية وادارة تضرب بيد مكن حديد ولا تجامل عشان العضو الفلانى تبع استاذنا العلانى صدقونى كتبت كتير اوى ارب سنين تقريبا؟ واقولها بالفم المليان كل المنتديات اللى بتنتهج سياسة المجاملة ونصر الباطل على الحق علطول تفقد شعبيتها ومصداقيتها وترحل عنها الناس واسئل مجرب ولا تسال طبيب؟
ولذلك بشكر ادارتنا هنا وبالاخص استاذ الحاج شرقاوى العزيز ومستر بورصا الغالى واللى وقفو جنبى من اول يوم والى الان ويارب نظل هكذا ويارب منتدى عمالقة البورصة من تقدم لتقدم؟
وكما وعدتهم بتمنى من قلبى ان اكون عند حسن ظنهم وظنكم دايما بامر الله تعالى ؟
طولت فى المشاركة ولكن لعل كل مشتركة يقرائها احدكم يطلع منها ولو بنقطة ايجابية تساعدة مستقبلا فى مسيرتة مع البورصة يارب؟

اخوك خالد (( ابو وليد ))

 


اخبار مصر - الذهب - تحويل العملات
فوركس - تجارة فوركس

ebn hamido غير متواجد حالياً