عرض مشاركة واحدة
قديم 11-08-2010, 03:41 PM   #232
ebn hamido
موقوف
 

كاتب الموضوع : ebn hamido المنتدى : التحليل الفنى والمالى و المتابعة اللحظية قديم بتاريخ : 11-08-2010 الساعة : 03:41 PM
افتراضي رد: كواليس البورصة واسرارها ورؤية مختلفة لنحقق مكاسب جيدة

الا حول ولا قوة الا بالله العلى العظيم اللهم لا اعتراض على حكمك وقضائك؟ ومفيش مخلوق يعرف الغيب وما تخبية لنا الايام القادمة؟
سؤال بذمتكم اليس ما قولتة مرارا وتكرارا بعدم الركنة فى اى سهم جلسة اليوم تثبت بالدليل القاطع وبدون ادنى شك ان هو دة خير تعامل مع السوق الان؟
ولحد اول ساعة كان متواجد اكتر من 7 او 8 اعضاء و10 زوار والزوار انا عرفهم جيدا لانهم يعلمون اسلوبى جيدا من كتاباتى السابقة فى كل الاماكن اللى كتبت بها ؟
طب وبعدين من السعة واحدة وربع تقريبا كلة طفش واللى زهق واللى زعل من هبوط السوق؟ وكانى انا مثلا من يتحكم بة صعودا وهبوطا؟ واقول اية يعلم ربى اتصلت بكل من اعرفهم بخصوص سهم المحابس بالذات ليقينى بانة على صعود قوى وبمعنى اصح وادق شرائة اليوم على الدون ممتاز وقولت ابوس ايديكم كان ناقص اقول اية مش عارف دة بيشعرنى ان لسة برضو الثقة مش بالقدر الكافى وللعلم اللى يعرفونى وكلمونى هاتفيا او على الميل اكتر من 50 فرد كلهم دخلو السهم معى اليوم بمجرد مكالمة لا تزيد عن دقيقة فقط او مسج على الميل؟
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059970280
بينما هنا اخى متدرب فقط لا غير هو من دخل دة منطقى زمة وضمير؟

عن نفسى راضى ولله الحمد عما قدمتة خلال شهرين مضو تقريبا وكان بهم توصيات عملت اكتر من 25% مكسب خلال اسبوعين كان اولها القاهرة للدواجن واخرها راكتا للورق؟ ولكن هيهات تكرار تلك المكاسب دى فى الشهر اكتر من مرة او اتنين بالكتير؟ مهما بلغت خبرة وحنكة اى محلل او خبير ؟خصوصا فى سوق حبة فوق وميت حبة تحت؟ ولسة كمان عمنا عامر جروب واقولها واجرى على الله من او جلسة بعد العيد سيتم سحب سيولة كبيرة من اجل عيون عامر باشا واعوانة وكلة على حساب الغلابة؟
على فكرة لو شايفين انى وبابى شىء هامشى ولا يعود عليكم بالنفع المطلوب من فضلكم قولولى ووالله سارحل فى هدوء متمنيا لكم دوام الخير والسعادة والمكسب بالطرق اللى تريحكم وتناسبكم قولت كتبت فى كل المنتيات الكبرى اربع سنين يعنى اصبحت زاهدا فى الامور دى ولا عاد يفرق معى سواء كنت بكتب ولا لا؟ دة مش اعلى ابدا حاش لله ولكن دى الحقيقة
وبعدين قولت انا مضارب طول عمرى ولست مستثمر قصير ولا طويل الاجل ولا اعترف اساسا بتلك الاقاويل اللى بتتقال وخلاص؟
سمعنا من تلت سنين عن اعادة هيكلة واستثمار طويل الاجل امن فى سهم الكابلات واللى من ساعتها معداش حتى 2 جنية؟ فاين هو هذا الاستثمار الطويل والامن ومرة اى سى ومرة زيوت وهلم جر وناس تفضل سنين ويقولك استثمار طويل الاجل وفى الاخر لا يحقق شىء من هذا الاحتفاظ اللى بالنسبة لى كان واحد بيحبس نفسة بيدة ؟
شرحت اسلوبى وطريقتى فى التعامل وقلة كالعادة من فهمت كويس والاغلبية عاوزة العباقرة فى سوق لو جبنالة عباقرة الكون مجتمعين لن يصتع شيئا؟
الغريبة جدا بقى ان كل جلسة بتعدى بتثبت صحة كلامى بان افضل شىء الان هو يا نتعامل زيرووو للى عندة الخاصية دى يا نشترى ونبيع على تسويتنا وحلو اوى 48 ساعة فى سهم ولو راجعتو اخر تلت صفحات قولت بدل ما تركن لاى سبب فى اى سهم بندخلة لا استنى تسويتة ولو كسبنى حتى 10 جنية فل؟ احسن ما يخسرنى 100 جنية؟ ووالله ياما ببيع على التسوية مكيت او خسران عمولة مثلا او حتى 1%؟ مبالغ لا تذكر؟ وطول عشر سنين والله كنت بفضل فى اسهم بالشهور ولا اجنى الا الخراب بعد كل هذة الشهور لية لانى مبعتش على تسويتى تصدقو ان تالت يوم اللى بعد التسوية يعنى يوم واحد بس فرق زيادة ياما خسرنى ؟
لذلك لو ارادتم اكمال مسيرتى المتواضعة معكم والله لن ينتظر معنا سهم اكتر من تسويتة ولو عمل بعدها 20% ؟ مش مهم الحفاظ على رؤوس اموالنا والرضا باى مكسب ايا كان فى يومين دة من خبرتى المتواضعة افضل اسلوب للتعامل الان؟
وهعمل من الان استفتاء وتقيم لكل من تعامل معى ولو لمرة او دخل بابى ولو لمرة؟
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1059970280

اتريدون استمرار الباب ام لا وارجو من الجميع التصويت على ذلك الامر؟
وارجوكم تعذرونى فانا للاسف خلقى ضيق ولما ارشح 7 او 8 اسهم فى الاسبوع ؟ ولا احد ياخد ولو بربعها انا بعتبر دة فشل ليا على الاقل وعذرا محدش يقولى اصلنا محبوسين فى اسهم باسعار عالية لانى وضحت كل الامور والله من الالف الى الياء دون جدوى حقيقية واصل الموضوع مش كلام فض مجالس والسلام لا ابدا ؟
نعم فتحت الباب للمساعدة وللخير ولكن كل يوم اوصى بسهم ولا اتنين؟ واجد تلاتة اربعة فقط يشترون غير كافى وياريت حتى الشراء بيكون صح الكل زعل اليوم لهبوط بوليفارا من اللى اشترو امس على 4 جنية و11 و12 قرش؟ وريقى نشف طول الليل هل يعقل ان نشترى السهم على هاى الجلسة اين التعلم هنا بالذمة وكانى اكتب لنفسى واوصى باسهم لنفسى وطالما كدة فانا عارف انا بعمل اية وبدخل ازاى واخرج ازاى كما وضحت ميت مرة؟
الموضوع مبقاش قلة مشاركات وبس لا دة بقى اعمق من كدة بكتير وهو مين اللى بينفذ التوصية وبيشترى والله مكسوف اقول عدد اليوم اخى متدرب فقط الوحيد وبعد طول عناء اقتنع ودخل المحابس؟ وامس اربعة من دخلو بوليفارا وكانت اخر مرة ارشح فيها السهم وعجبى ؟
كفاية اطالة عليكم وعليا اكتر من كدة ولكن للامانة مش هينفع بجد افضل اكتب وخلاص واوصى وخلاص واللى بيستفيدو 1 فى الالف شىء صعب جدا عليا يا اخونا ةاللى جرب وذاق نعب ومجهود ومسؤلية تحمل باب وتوصيات هيعرف كويس لية مليت وصبرى نقذ ؟
انا بقول لانهى الحوار انا بعمل استفتاء لحضراتكم وتقيم الباب وهل هو يعود بالنفع عليكم ام بالضرر؟ ودة اخر طلب بطلبة منكم وساخذ براى الاغلبية طبعا شرط ان يرد عليا على الاقل عشر اعضاء من اخواتنا اعضاء منتدانا الحبيب والى ان يتم ذلك لكم منى خالص الحب والتقدير لكم جميعا ؟
وفى انتظار تصويتكم وبكرر تانى والله لو قولتو لا خلاص كفاية كدة ساشكركم جزيل الشكر على الشهرين اللى قضيناهم هنا مع بعض وارحل فى هدوء تام متمنيا للجميع دوام النجاح والمكسب
والسلام احلى ختام

اخوكم خالد (( ابو وليد ))

 


اخبار مصر - الذهب - تحويل العملات
فوركس - تجارة فوركس

ebn hamido غير متواجد حالياً