عرض مشاركة واحدة
قديم 11-24-2010, 02:26 AM   #3975
 
الصورة الرمزية لى لى
كاتب الموضوع : bassem ezzat المنتدى : التحليل الفنى والمالى و المتابعة اللحظية قديم بتاريخ : 11-24-2010 الساعة : 02:26 AM
افتراضي رد: لية نخسر لما ممكن نكسب

اقتباس : المشاركة الأصلية كتبت بواسطة bassem ezzat مشاهدة المشاركة [ مشاهدة المشاركة ]
وعليكم السلام ورحمة الله وبركاتة
اخي / لي لي بارك الله فيك يا اخي
واشكرك علي اهتمامك وان شاء الله هكون معاكم باستمرارباذن الله
بس انا كدة والله خايف اكون واخد حجم اكبر من حجمي وانا صدقني بخاف جدا وبركز جدا علشان اقدر اتكلم عن السوق والاسهم لان دي امانة ويجب ان نحافظ عليها
وصدقني انا بكون مبسوط جدا لما الناس بتهتم ببعض الاسهم اللي بتقول عليها وبتصلوا بيا بيشكروني .... وبتمني كل الناس تكسب وتعوض خسايرها
بس اللي حصل معايا امس صعب عليا نفسي واهتمامي المتزايد بالناس واسهمهم وانا لقيت نفسي مش عارف اتصرف في محفظتي خالص .... خالص
يعني هسالك سؤال في سهم قلنا علية واتكلنا عنة الي الان حقق خسارة لاي شخص دخل معانا ؟
انا بنفسي راجعت كل الكلام اللي كتبناة من اول ما ابتدينا نكتب في الباب لقيت 99.99% من الاسهم اللي قلنا عليها حقق ارباح ممتازة
.01 % دة عبارة عن سهم واحد فقط واكيد كلكم عارفينة واللي فية تقريبا مش بيحب الكلام عن السهم علشان عاوز يكسب لوحدة ومش حابب حد يدخل معاة
وصدقني انا بطلت اتكلم عنة علشان يطلع ويعوض الناس اللي فية
مش عاوز ابعد عن الموضوع
اللي خنقني امس... انني لية مش بدخل مع الناس في الاسهم اللي بنتكلم عنها
لقيت نفسي ملخوم ما بين الشغل والمنتدي والكتابة عن الاسهم ومتابعة الاسواق العالمية صباحا ومساء وكمان متابعة سوق السلع والعملات
والاهم متابعة الشاشة دي اهم شئ بالنسبالي واثناء الجلسة كمان ناس بتصل واسئلة عن اسهم كتير فوق دة كلة بتابع شغلي تليفونيا في الصباح وبعد الظهر بنزل اتابع سغلي
كلة دة يا اخي حتي مش بيديني فرصة في محاولة شراء اي سهم من الاسهم اللي بتكلم عنها باستمرار
ليقت نفسي غرقان في بحر كبير

وصدقني اللي كتبتة امس كان بدموع عينيا وفي ناس كتير معايا هنا تشهد بذلك
وطبعا لظروفي الخاصة لانها تختلف عن اي شخص واللي متعرفوش ان محفظتي والله العظيم لا املك منها شئ كلها ديون بالاضافة الي قرض بنكي وانا مش طالب ارجع فلوسي اللي خلصت كلها
انا مش عاوز غير اسدد الديون والبنك
طبعا اكيد انت مش هتصدق لانها حكاية لا تصدق اساسا
انا نفسي مش مصدق اللي حصل خلال 4 سنوات
عموما يشهد الله عليا ان دي الحقيقة يا اخي
ومعلش طولت عليك بس عاوز اقولك انني اكيد بفرح بنصايحي للناس وفعلا خالصة لوجة اللة بدون اي مقابل
انت عارف كتير ناس اتصلوا بيا علشان اتابعهم مقابل نسبة من الارباح
والله العظيم انا رفضت خالص الموضوع دة .... طيب انا هاخد من ارباحة بمناسبة اية
عموما انا بشكر ربنا علي اللي حصل وكمان بشكر كل الناس اللي صلوا من اجلي
واحب اقولك واقولهم ان ربنا استجاب والحمد الله
واهي تجربة وهتعدي اكيد ان شاء الله
والارزاق علي الله _ والله الموفق

السلام عليكم ورحمة الله وبركاته


تحياتى يا استاذ باسم
لا تتخيل اد ايه اتبسط لما دخلت بابك ووجدت مشاركات الناس ليك وردودك عليهم وخاصه ردك على وذى ما انت قولت اهى تجربه وهتعدى
وان شاء الله تعوض ونعوض احنا كمان جميع خسائرنا
بس اهم حاجه نحمد ربنا على فضله
وانت فضل ربناعليك عظيم عارف ليه ؟
لان الله فى عون العبد مدام العبد فى عون اخيه
فأعلم ان كل نصيحه تقدمها لاحد مدامت لوجه الله فهى فى الميزان
وسترى قريبا فرج الله عليك
لكن تقبل نصيحتى انا لو تسمحلى بلاش قروض خالص خالص خالص
(ربما هى التى اذهبت المال ) ليس وحدها اعلم ذلك
بس ولا قروض ولا كريدت لان الكريديت ده هو اللى ضيع محفظتى
ونرجع للتفأول والامل وان شاء الله ربنا يعوض علينا جميعا
وحاول الاهتمام بمحفظه استاذ باسم عزت علشان الراجل ده واضح من مشاركات الناس انه غالى عندهم واذا كنا حنعطلك عن شغلك فأكيد ولا انا ولا الناس يرضيها ده
لذا اقترح عليك انك تكتب ولا تحرم الناس من نصائحك ولكن كلما سمح وقتك بذلك حتى لا نؤثر على شغلك
وفقك الله وعوض عليك وايانا



دعنى اهمس فى اذنك ( انا لى لى بنوته)

 


اخبار مصر - الذهب - تحويل العملات
فوركس - تجارة فوركس

لى لى غير متواجد حالياً

 

رد مع اقتباس