عرض مشاركة واحدة
قديم 12-14-2010, 12:56 AM   #4236
خبيــر بأسـواق المــال
 
الصورة الرمزية bassem ezzat
كاتب الموضوع : bassem ezzat المنتدى : التحليل الفنى والمالى و المتابعة اللحظية قديم بتاريخ : 12-14-2010 الساعة : 12:56 AM
افتراضي رد: لية نخسر لما ممكن نكسب

اقتباس : المشاركة الأصلية كتبت بواسطة bassem ezzat مشاهدة المشاركة [ مشاهدة المشاركة ]
اية يا جماعة ساكتين لية محدش عاوز يتكلم لية في اية
كلة مترقب طبعا بس حاسس فيكم الارتياح النفسي ومحدش عاوز يكشف سرة طبعا ....
علشان طبعا عارفين الدنيا كويسة وهنطلع بكرة طبعا بقوة ......
طيب الحمد الله ان توقعاتنا طلعت في محلها وسوقنا طالع طابع
واسهمنا ممتازة زي ما قلنا واللي مطلعش ان شاء الله هيطلع
بس انا عاوز اقولكم ان سكوتكم دة انا عارف لية
طبعا عاوزين تستغلوا الصعود بتاع بكرة علشان تبيعوا اسهمكم علشان كدة انتوا ساكتين ومدكنين ..... اخ منكم يا لوئمة ..... ههههههههه
طيب هقولهالكم بصراحة شديدة ......
طبعا ليكم حق اللي كسبان في سهم ممكن يبيع ويجني ارباحة بس احنا عارفين ان جني الارباح يعني ثلث الكمية
وللعلم اللي مستني هبوط السوق
من هنا انا باكدلكم مفيش هبوط ولا اشاعات هتاثر علي بوصتنا
لان مصر بخير وبورصتنا بخير وحسنس بخير واوباما كمان بخير
ومش هيسمح لاي حد ياثر علي الاقتصاد المصري مرة تاني ..... مش هيحصل تاني خالص وطبعا انتوا عارفين انا بتكلم عن اية
نقول تاني انا اقصد طبعا موضوع طلعت مصطفي والمؤامرة علي الاقتصاد المصري والمرادي بيحاولوا عن طريق ساويرس بس مش قادرين ومش هيقدرا ودة اكيد المرادي وباكدلكم ان في تدخل حاليا بين الحكومة المصرية والجزائرية والموضوع خلال ايام هيخلص باذن الله
وحاليا بيحاولوا ياثروا علي السياحة عن طريق سمكة القرش في شارم دريمز يوة قصدي شارم الشيخ بس محدش قدر ياثر طبعا علية ولسة مكمل واولنا 24 جنية قريبة
عموما انا مش عاوز انتكلم عن الاسهم خالص لاني عارف ومتاكد ان اسهمنا بالكامل كويسة وممتازة وطالعة وكلمنتا واحدة ملهاش تاني
والسوق فوق الممتاز ان شاء الله
وعاوزين نلقي نظرة علي سهم دلتا للانشاء علشان البعض زعلانين مني لانني لم اتحدث عنة من قبل
عموما السهم في اتجاة صاعد وينقصة كسر 7.20 ,وبعدها 7.40 وكمان 7.60 وسهل جدا كسرها علشان نشوف مستهدفات اعلي ونشوف 8 وبعدها 10 وبعدها 12 والدعوم عند 6.85 _ 6.60 _6.40
نخلي بالنا من السهم دة مع الحيطة والحذر لاني مش متاكد من المعلومة
طبعا صاحبة ممكن يكون زعلان كدة من الكلام دة لعل وعسي يطلع من الكلام دة والناس اللي محبوسة في السهم من سنين يعوضوا شوية
واحنا عاوزين
نشوف وندور السيولة موجودة فين الفترة دي وندخل نشتغل مع اللي شغالين ونطلع نكسب مع الكسبانين

والامثلة كتير جدا والشاشة وحديها بتتكلم مش عاوزة شرح ولا كتابة عن الاسهم علشان الناس فاكرة اننا بنكتب هنا علشان نروج للاسهم ونعملها دعاية واعلان للاسف الناس فهمتني غلط
يا اخواتي الباب اسمة لية نخسر لما ممكن نكسب
ما علينا طولت عليكم انا
الخلاصة بحذر تحذير شديد للناس اللي مترقبة الخروج من السوق
وتاكيد بصوت عالي جدا البايع خسران تاكدة ان الاسهم لسة فيها كتير
وطبعا كلامي دة للي بيستثمر واللي بيضارب يا ريت يضارب بجزء صغير من المحفظة علشان ما يندمش
والارزاق علي الله _ واللة الموفق

السلام عليكم ورحمة الله وبركاته
انا بس نفسي حد من الاعضاء يقلي احنا بنتكلم غلط في اية والناس نتتهمني من الاسبوع اللي فات ان السوق تصريف ..... بس لما يقول ان السوق تصريف
يقولي تصريف بامارة اية تصريف وعلشان اية ولمصلحة مين
ويمكن بعد شوية يقولي السوق رايح في داهية ....يمكن يروح في داهية بس اللي بيتكلم دة لازم يديني امارة وكمان مهم جدا يقولي علشان اية رايح في داهية والسوق تصريف
انا اسف لو قلت للي بيقول السوق تصريف
ممكن حضرتك تصرف في دورة المياة _( في الحمام يعني ) لو مزنوق سعادتك
واحنا بابنا هنا مش علشان الشهرة ولا الاعلان وزي ما قلت مش احنا هنا بنقول لية نخسر لما ممكن نكسب ومش حابين نعمل طفرات سعرية
لا خالص يا اخي تاكد اي سهم ممكن تعمل منة طفرات سعرية تاكد انك هتخسرهم تاني بالتاكيد
هتخسرهم تاني فارجوك يا اخي حاول تستثمر شوية وهتكسب صدقني بس الصبر ......
وموضوع ان الباب عادي جدا وزية زي اي باب تاني في منتدي تاني
فانا باكدلك والله العظيم يا اخي الباب هنا مفتوح للخير فقط مش علشان يكون مميز ومشهور وغير عادي ,,,,,, طبعا الباب عادي خالص خالص وبنكتب فية علشان الناس تتعلم ومتخسرش تاني زي زمان ومش انا اللي هعلمهم لا طبعا احنا كلنا بنعلم بعضنا وننصح بعضنا يا اخي الكريم انا واللة نفسي اغير وجهة نظر الناس في حاجات كتير
يعني مثلا معروف جدا لدي كل الناس ان المنتديات معمولة من قبل الميكرات واصحاب رؤوس الاموال الكبيرة علشان التصريف علي الافراد والترويج للاسهم .....
طيب لية تكون الفكرة كدة عن المنتديات
عموما انا رايي ان المنتدي زية زي الكافية بنقعد نكلم بعض وننصح بعض ونتسامر حول السوق والاسهم وحاجات تاني كتير
علي سبيل المثال بص علي مشاركات اخي وصديقي امير النعماني .... الراجل بينصح ببعض الاسهم وبيقول وجهة نظرة فيها وانت مخير وغير مسير وهو بيحاول يقدم نصيحة لو قبلتها يبقي خير ولو لم تقبلها برضوا يبقي خير
والاخ كرم قيكتور باستمرار بيقدم لينا الاخبار المهمة وكثير من الاعضاء بيسالوا عن الاسهم واخبارها واتجاهاتها واحنا بنحاول نقول وجهة نظرنا فيها
والحاجة اللي مش مبسوط منها ان السؤال عن سهم مش بيرد علية غيري انا فقط
لية هو الباب دة مش بتاعنا كلنا متيجوا نتناقش كلنا عن بعض الاسهم يا اخواتي
ونشوف وجهة نظر بعضنا في بعض الاسهم وكلنا نقول راينا ونشارك بعضنا ومن غير ما نهاجم اي سهم فقط راي ونقاش هادئ
طولت عليكم سامحوني يا اخواتي
والارزاق علي الله _ والله الموفق

 


اخبار مصر - الذهب - تحويل العملات
فوركس - تجارة فوركس
توقيع

باب... لية ... نخسر لما ممكن نكسب
دعوة للمشاركة ومتابعة التوصيات
http://www.borsaegypt.com/showthread.php?t=360242
0127374380
01515151830
[email protected]


التعديل الأخير تم بواسطة bassem ezzat ; 12-14-2010 الساعة 01:06 AM .

bassem ezzat غير متواجد حالياً

 

رد مع اقتباس