عرض مشاركة واحدة
قديم 01-14-2011, 09:49 PM   #3194
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 01-14-2011 الساعة : 09:49 PM
افتراضي رد: الأسهم النارية فى البورصة المصرية

يوم حساب بورصجى

قصة قصيرة


بقلم / محمد على باشا


بداية الحكاية ..........مات صابر ابو السعد ( بورصجى ) ..لا نعلم فى اى زمن قد مات ...ولكنه

مات بعد ان فقد اغلب رأس ماله فى تلك المخروبة المسماة بالبورصة


واليوم جاء ميعاد حسابه ...جاءه الملكان عن اليمين وعن الشمال

ليسألاه عن ماذا فعل فى حياته ...


الملكان مخاطبين صابر ابو السعد ...انت يا أخينا ....قووووم بقة

البورصجى ....ايه ....الجلسة بدأت ....تليكوم عملت ايه

الملكان ....تليكوم ايه وجلسة ايه ياعم الحاج ...احنا الملايكة جايين

نشوف اعمالك ...انت مت خلاص وهتتحاسب يامعلم

البورصجى فى استغراب ...مت ..يعنى ايه ...خلاص ...بح ..انا بح

الملكان .....ايون ...انت خلاص ...بح

الملاك الاول ( موجها كلامه للبورصجى ) ...انت ياأخينا ...بلاش

استهبال ...عندنا زباين تانية ...انت كنت بتصلى الفجر ؟

البورصجى ...والله ياأستاذنا ..انا للأسف كنت بنام متأخر

الملاك التانى ......يعنى بتصليه صبح ياعم الحاج

البورصجى ...والله يابنى مبعرفشى لأنى بصحى من نومى ...اغسل

وشى واحضر الجلسة الأستكشافية

الملاك الاول ...فهمتك.... بتصليه مع الضهر

البورصجى ...والله يابو الكباتن ...انا الضهر كنت بكون بحضر الجلسة بتاعة

خارج المقصورة ..وبعد كدة بورصة النيل ...ثم السوووق بيقع ساعة

الصلاة اصلى ازاى انا بقة ...

الملاك الاول ...بتصليهم كلهم فى المغرب ياعم الأمور

البورصجى ..والله يامعلم ..بكون مرهق وراجع البيت وبشوف عاوزين ايه

وبجيبه ...وبرجع هلكان

الملاك التانى ...يعنى بأختصار مش بتصلى

البورصجى ..ايوة ياسعادة الباشا ...بس والله يابيه انا بحب ربنا

الملاك الأول ...انت كنت بتشتغل فى ايه

البورصجى ...انا بتاع بورصة ياسعادة الباشا ...اسواق مال وكدة

الملاك التانى ..تمام ..طالما بتشتغل فى سوق المال يبقى اكيد كنت
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060091079

بتؤدى فريضة زكاة المال

البورصجى ...والله ياغالى ..انا مديون على طول ...وعليا كريديت لشركة

السمسرة ...ثم انا بخسر مش بكسب والله

الملاك الاول ...طيب روحت تحج ...ولا لأ

البورصجى .. بقولك لجنابك عليا كريديت ..هو انا بتكلم اغريقى ..

الملاك الاول موجها كلامه للبورصجى ....ياعم الحاج احنا عاوزين

نساعدك ...قلنا على حاجة كويسة عملتها

البورصجى ..والله انا كويس ...وبحب ربنا

الملاك التانى ...طب ياحاج ..اهدى ...انت كنت بتقرا قران بالليل

البورصجى ...والله سعادتك ....انا كنت بدخل المنتديات الاقتصادية

علشان اعرف هاشترى ايه ...واشوف الدنيا فيها ايه


الملاك الاول موجها كلامه للملاك التانى ...ياأخى بسطهاله

الملاك الاول موجها كلامه للبورصجى ...ياحاج انت كنت بتشغل

التليفزيون على القران

البورصجى ...بصراحة سعادة الباشا كنت بخلى التليفزيون على القنوات

الاقتصادية علشان اتابع الداو واشوفه هاينزل ولا هايطلع

الملاك التانى ..والله ياعمنا انت طلعت روحنا ...ومش عارفين نعمل معاك

ايه ...طيب انت كنت بتصل صلة الرحم ...اظن ديه سهلة اهيه

البورصجى متنرفزا ....يااستاذنا بقولك انا فى البورصة من الصبح واخر

النهار على ام المنتديات ...ثم انا خسران ومحدش بينفع حد ياعم الحاج

الملاك الأول ...ياعمنا حاول تساعدنا ...شوفلنا عمل كويس ليك

البورصجى متذكرا ...اه ...انا كنت بصوم رمضان

الملايكة ...( فى نفس واحد ) ...نحمدك يارب

الملاك الاول ....موجها كلامه للكتبة ....شوفوا ياجماعة الكشف بتاع

الحاج صابر ابو السعد

ثوانى ...ويأتى له احد الكتبة بالكشف ...يتناوله الملاك الأول ويقرأه ثم يلتفت لصابر

الملاك ...ياعم صابر انت صومت 30 سنة متقبلشى منهم الا 5 سنوات

فقط ..ومكتوب جمب الصيام اللى مش مقبول انك كنت بتسب وبتلعن اثناء الصيام ...

البورصجى ...اه ....بس انا كنت بسب الأسهم ...وبلعن الشركات

الملاك الاول ...ليه ياحاج

البورصجى ....علشان بتنزل يعنى هاكون مجنون مثلا ...هاشتم والعن من غير سبب

الملاك التانى ...وانت ليه

تشتم ...وتلعن ...ياواطى ..يادزمة ...يابوبى ..انت مش عارف ان ده حرام

الملاك الاول...موجها حديثه للملاك التانى ....بالراحة على الراجل ده

خسر الدنيا واديه اهوه بيخسر الاخرة ...

الملاك التانى ...موجها حديثه للبورصجى ...احنا ياعم الحاج عاوزين

نساعدك والله ...طب هاقولك على حاجة سهلة

انت اكيد كنت بتعامل زوجتك بالحسنى ...وبتخرجهاوتفسحها ....ومت
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060091079

وهى

مبسوطة منك وبتدعيلك

البورصجى ..بصراحة انا مكنتش بخرجها هو انا كنت فاضى

اهرش ....وكنت على طوووول مشيلها

الهم والغم ...وفى الاخر سيبتها ومت مديون .ثم يلتفت ويسأل

الملكان ....تفتكروا تكون بتدعيلى ؟!!


البورصجى ...ثوانى ياجماعة ...وجدتها

الملكان. .( فى صوت واحد )...قووووول اتحفنا

البورصجى ...انا كنت بنصح ناس انها تدخل اسهم وكانت بتكسب ...هاه حلو ده

الملاك التانى ...ياعم الأمور ماانت كنت بتقول على سهم كويس

وخمسين زى وشك .....يعنى عليك بالسالب

البورصجى ...طب اعمل ايه ...والله انا كويس وبحب ربنا

الملاك الأول ...والله احنا مش عارفين نقولك ايه يابو الكباتن ...شايف

الباب اللى فى وشك ده ...

البورصجى ..اه ماله

الملاك الاول ...ده باب البورصجية فى جهنم

البورصجى ...بجد

الملاك الاول ...اه ياسيدى ...محسسنى انى بقولك ده باب الريان بتاع الجنة

البورصجى ..يعنى الباب ده هلاقى فيه اللى بيكتبوا فى المنتديات

والبورصجية ..

الملاك الاول ...اه اغلبهم مشرف هنا ...عاوز مين منهم

البورصجى ...ياريت محمد على باشا بتاع الأسهم النارية

الملاك التانى ...اه عارفينه ..احنا حطيناه هو واسهمه وولعنا

فيه ...علشان يقول اسهم نارية كويس

البورصجى يدخل من الباب ...بووووووووووووووووم ....اااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ه


انتهت

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس