عرض مشاركة واحدة
قديم 07-03-2011, 09:04 PM   #7934
 

كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 07-03-2011 الساعة : 09:04 PM
افتراضي رد: الأسهم النارية فى البورصة المصرية

اقتباس : المشاركة الأصلية كتبت بواسطة محمد على باشا مشاهدة المشاركة [ مشاهدة المشاركة ]
فضفضة انسان

بقلم / على يوسف ( محمد على باشا )



أهل الطب نصحوا العبد لله بالأبتعاد

..عن اى شئ يرهقنى نفسيا ...

وان فى ذلك خطرا على حياتى ....اتنرفز بس براحة وبشويش

..ههههههه


عاوز توصل لحالتى لا قدر الله ...هاقولك الطريقة ...

افضل طريقة للتخلص من الحياة ...شوف ياسيدى

ادرس ..وذاكر ..واجتهد ...فى اسواااق المال ..تمام ...ديه الخطوة الأولى ..

الخطوة التانية ..ادخل عالم المنتديات ...والفيس بوك ..واقرأ اغلب

المعلومات ...التى يتم تناولها ...والأسهم التى يتم ترشيحها


ابن حلال وعاوز تجيلك سكتة دماغية.. لا قدر الله ...ادخل لنوعية معينة

بتصرف

على الناس ..يلموا السهم ..ثم تتم التوصية فرق 20% ...ويباع على

الناس ...حلو كدة ..لسه

ذات الشخص هايلم سهم تانى ..وهايوصى نفس الناس

...هههههههههههه....شوف الأفترا ..والناس برضوا هاتدخل فرق 20% ...

عاوز تجيلك السكتة الدماغية ...ذات الشخص هايقول على سهم تالت

..ورابع ..وخامس ....لنفس الناس ..اه والله ....والناس هاتلبس ....

وتلاقى السهم مثلا ..الشركة عليها ديوووون ..تلاقى احد العباقرة يقولك

..ديه هاتوزع كوبون محترم ياريس ..بس وحياة ابوك ماتقول لحد

...احسن نجيب ساويرس شريكى يزعل ..تقوله طيب اتصل بيه ..يقولك

012 ...............هاه ...واضح انه مشغووول ..ههههههههههه

يالدماغ يتاع الأنا ...

تلاقى الناس بعد ماشترت ..تسأل صاحبنا ..هاه ياريس ...هو هاينزل كتير

تلاقيه يرد ردا غريبا ...بص ياريس السهم هاينزل 10% ثم هايصعد

300% ...بينى وبينك ...تقول فى نفسك ..ياعم مش مهم اما ينزل 10%

...هو انا على طووول كده فقر ومتهور ...نصبر على ال 300% ...

ترجع تتصل بيه تتأكد ...ياريس هو انا ممكن ابيع بمكسب 250%

هو ...جرا ايه ياواطى ..انت بتقلل من التارجت ولا ايه ..هما 300%

ويعدى شهر ...واتنين ...وتلاقى نفسك ..بتتصل

الوووو...ايوة ياريس

هو ...عاوز ايه يابوبى ..ياواطى ...انا مش قلتلك تتصل لما يجيب 300%

انت ..بس ياريس بقالنا شهرين

هو ...انت بجم ..مش بتفهم ..ده هايعملك اكتر من السوووق

انت ...ياريس بس السوووق بيطير ..وسهمنا واقف مثل ابو الهول

...ماتتصل ياريس بشريكك ..استاذ نجيب ساويرس ..تسأله تطمنا

هو ...انا قرفت والله ...انتوا مش وش نعمة ...جتكوا القرف ...ياسيدى لما

يطلع 50% ابقى بيعه ...

انت ...ياريس ده نازل 30% ...بس يجيب حقه..وبصراحة خايف يكمل نزووول

هو ...مش بيصحح يامتخلف انت ...

انت ....ياريس هو طلع علشان يصحح

..انا من اول ماشتريت وهو قرر

الهبوط ..وكأنه بيعاندنى ...او اكون انا فقر


هو ...فعلا ...انت فقر ..يلا غور بقة ..علشان بدرس سهم تانى

هايعوضكوا

انت ...( ممسكا الموبايل بالعافية ..وتكاد تسقط على الارض ) هو احنا

ياريس هانخرج من السهم


هو ....اه ...هانشوف حاجة تانية ..تكون احسن ..وتعوضنا

انت ( فى سرك ) ابقى قابلنى ...ومحدثا اياه ...طبعا ياريس احنا معاك

..ايه يعنى سهمين تلاتة ..عشرة وقعوا ...محافظنا كلها فداك


...ههههههههه

هو ...اقفل بقة ..علشان اصلى المغرب

انت ...اللهم قوووى ايمانك ..وانصرك على القوم الظالمين

تقعد تحلل ..وتشوف ..طيب ليه الناس بتصدقه ...هى ساذجة ...ولا هو

ساحر ...

تلاقى نفسك مش فاهم حاجة ...وان ابحاثك وتقاريرك ..ولا ليهم اى

فايدة

..لأن السيطرة تكون لتلك النوعية ....شئ محزن... ومخجل للغاية...







والله كلام روعة
تحياتى وربنا يبارك فيك
فعلا اللى بيشجع الزمالك لازم يكون بيفهم علشان يتمتع بش ناس تانية طول السنة بتشجع بش عارفة ده بيلعب حلو ولا وحش

 


اخبار مصر - الذهب - تحويل العملات
فوركس - تجارة فوركس

bailhaitham غير متواجد حالياً

 

رد مع اقتباس