عرض مشاركة واحدة
قديم 09-26-2011, 11:28 PM   #7375
خبيـــر بأســواق المــال
 
الصورة الرمزية الخبير2000
كاتب الموضوع : الخبير2000 المنتدى : التحليل الفنى والمالى و المتابعة اللحظية قديم بتاريخ : 09-26-2011 الساعة : 11:28 PM
افتراضي رد: اسهم كالنجوووووم فاستعد للهجووووووووووم

السلام عليكم ورحمة الله وبركاته

السوووووووووووق


يمر باصعب مراحله الان من ضعف كبير للسيوله وتوترات داخليه وعدم قدرة الحكومة الحاليه على ضبط الامر واتخاذ قرارات جريئه من شانها النهوض بالاقتصاد وبالدولة وعدم قدرتها على الامساك بمقدرات الدولة واستغلالها وتاخر القرارات كما هو معروف ومتبع من العهد السابق يعنى بالعقل كده دولة حصل فيها ثورة ونجحت وانتهت خلاص المفروض علينا ايه بقا يبقا فى لجنة اقتصادية تبتدى تاخد قرارات جريئه من اجل تشجيع الاستثمار يا ناس شوفو الامارات عملت ايه وجذبت مستثمرين ازاى واعملو زيها هو عيب يعنى شوفو تركيا قوانين الاستثمار عندها ايه واعملو زيها ولو مش عايزين تقلدو حد وفاكرينها عيب طب ورونا انتو بقا التطور والفكر الجديد لا مبيتحركوش غير بعد مالدنيا تخرب هما دول المصريين يبقا لازم الناس الحاليه اللى ماسكه المناصب دى وفى اديها القرارات تخرج بره اللعيه وتسيب الكرسى للى يقدر يفكر ويطور وينهض بالبلاد وطبعا فى ظل هذا التشتت وهذا الضعف تلاقى محللين بلدنا ربنا يحرسهم يكملو على الليلة ويقولولك رايحين ورايحين بعد مرحنا خلاص طب كنتو فين لما كنا فووووووووووق خالص وبننزل مقلتوش للناس كلها اخرج اخرج ليه السوق رايح كذا تحت لا ربنا بيبتلينا بيهم فى الظروف المقندله عشان يزودو الطينه بله مش يقولو للناس تمسكو باسهمكم احتفظو الاسهم فى اقل مستوياتها بلاش كريدت كده يعنى عشان لما يخوفو الناس كلها فى تلك الاسعار واغلب الناس تبيع ايه اللى هيحصل هيحصل مزيد من الانخفاض وطبعا هما بايعين والناس اللى تبعهم اللى بيدفعولهم بايعين وعايزين يشترو الاسهم بتراب الفلوس يبقا لازم نشوفهم بيقولو كده وده غير الناس اللى طالعه فى المقدر جديد وبتحلل وبتنقل من المحللين اللى بيطلق عليهم كبار يقولك مهو الصح ويقول زيه والناس تترعي كمان وكمام وتبقا النغمه السائده ان السوق خلاص مش هيرجع تانى ولسه فى اسعار محدش شافها قبل كده ونسيو انها فترة صعبة جدا عوامل خارجيه من ازمة ديون اوروبا وازمة الديون الامريكيه والوضع المتردى ععندنا واديلنا حوالى 3 سنوات بننزل بس يبقا باقى ايه باقى اننا نطلع وفات الكتير مبقاش الا القليل ولو امتنعنا كلنا عن البيع وضغطنا على الدولة وعلى البورصة وعلى الهيئه لاصدار قرارات محفذه للسوق السوق هيثبت ويبتدى يطلع هو ده الصح اننا نضغط بكل قوة عشان الدولة تتحرك كل الدول فى العالم فيها صناديق سياديه اشمعنا احنا مالدولة تدخل بصندوق سيادى وتاخد وكسبانه كسبانه وقبل كده عملتها وكسبت مكاسب عبيطه ولو مفيش فلوس دلوقت والعمليه مقصره حتى بعض القرارات المحفذه يعنى يعينو محمد عمران اللى كان نائب لماجد شوقى رئيس للبورصة يعنى بيغظونا طب مكل الناس عرفاه ولو هو عنده فكر يعنى كويس كنا شفناه ايام ماجد شوقى وبعدين خلاص الكفأت خلصت من البلد مفيش غير يا محمد عبد السلام ياما محمد عمران ياما لو غيرهم يبقا بردو من القدام مفيش دكتور او استاذ دكتور من كلية سياسة وعلوم اقتصاديه يعنى يقدر يمسك البورصة دى ويشوف البورصات الاخرى المتقدمه ماشيه ازاى ويعمل زيهم او يكون هو نفسه عنده فكر متطور وقادر وجرىء ومبيخفش وهى قوانين سوق المال دى قران يعنى والا ممكن تتعدل وكذلك قوانين الاستثمار ايه فين الناس كله الان يعزف على مطالبه الخاصة واعتصامات ومظاهرات عشان مطالبه بالحقوق يا جماعه الشعب المصرى كله ليه حقوق لكن ينفع نطال ببيها فى هذا الوقت نقول مثلا اعطونا خطة للاجور ومعدل زمنى وسوف نلتزم به عايزين مشروع قومى ينهض بالدولة ويشغل عمالة كبيرة عايزين تغيير لقانون الاستثمار وتشجييع للمستثمرين وازالة الاعباء والعقبات امام المستثمر مع حفظ حق الدولة واستفادتها اكبر استفاده طالب البلد بتحسين احوال البلد وبالتالى احوالك هتتحسن لو البلد اتحسنت المعلمين بيطلبو قال لما اغلب المعلمين دروس خصوصيه ومكأفات امتحانات واحوالهم اتحسنت وبردو بنقول مفيش مانع الكل يحسن احواله وياما اتظلمو سنين وسنين بس العدد كبير ينفع نطلب دلوقت والا نطالب بخطه للنهوض بالاجور وخطة زمنيه اهم شىء يا جماعه عشان نبقا من الشعوب المتحضرة والاقتصاديات القويه اننا نشتغل ونشتغل ونشتغل واللى يمسك السلطة يكونو ناس على درجة كبيرة من النزاهه والكفاءة ونهتم بالزراعه فى المقام الاول واحنا اساسا بلد زراعيه يا ناس ومن لا يملك قوته لا يملك حريته ولا يملك قراره يا ريت نفهم وارجو من الجميع ان يتفهمو هذه الاوضاع ويعلمو انها فترة حرجه تستدعى التماسك والتكاتف والتعاون وربنا يصلح احوالنا جميعا اللهم امين

 


اخبار مصر - الذهب - تحويل العملات
فوركس - تجارة فوركس
توقيع

نعتمد على الاحترافيه فى الاداء

مش عارف تشتغل وتكسب بنفسك انا ممكن اديرلك محفظتك لان ادارة المحفظة فن وبعد كل صعود قوى بلاقى ناس تقول مخدناش حاجة من الطلعة دى ده مش عيب السوق ده عيبك انت للاتصال 01110650781

الخبير2000 غير متواجد حالياً

 

رد مع اقتباس