عرض مشاركة واحدة
قديم 11-10-2011, 04:49 PM   #9452
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 11-10-2011 الساعة : 04:49 PM
افتراضي رد: الأسهم النارية فى البورصة المصرية

السيد الدبدوب


بقلم / على يوسف ( محمد على باشا )


فى ليلة العيد ...

سرحت بعقلى ..ورجعت بسنين عمرى للوراء ..وتذكرت كيف كان

يأتى العيد على العبد لله ..

عندما كنت طفلا لا اعى من امرى شيئا .كان العيد يأتى ..وكانت

العيدية تمثل لى شيئا كبيرا ..اسعد بها كثيرا ..
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060341113

ثم دخلت مرحلة المراهقة ..واتخذنى شباب وبنات الحى زعيما لهم

...كنت انظم لهم الرحلات ....كل يوم فى مكان مختلف..والمدهش فى

الأمر ان لا احد يعترض ....

..ثم دخلت المرحلة الجامعية ..وكنت اذاكر فى شقتى مع اغلب شباب

وبنات الحى ...وكان اغلبنا ولله الحمد من المتفوقين ...والعجيب فى

الأمر انه لم تنشأ قصص حب بيننا .. الكل مشغول بتحقيق اهدافه ..

وكان يأتى علينا العيد ونحن نذاكر ...وبداخلنا حقد دفين على الناس

اللى فاضية ومش بتذاكر ..

وكنا بنصبر نفسنا ونقول اننا بنجتهد ..وبكرة هانرتاح ..وهانوصل

لمراكز كويسة ....

ثم اتخبطت فى عقلى وخطبت ..واتى العيد مختلفا ..واكتشفت اننى لا

اعرف شيئا عن حورات الخطوبة ...ولقيت خطيبتى زعلانة جدا منى

..وعرفت ان السبب حاجة اسمها دبدوب ..وذهبت الى احدى زميلاتى

لتفهمنى ماذا يعنى الدبدوب ..واكتشفت ان السيد الدبدوب فى غاية

الأهمية ...وذهبت الى احدى المحلات لأشتريه ...وبصراحة كنت غير

مقتنع تماما ..ياخبر مش فايت ..ادخل اهز طولى واقول للراجل البياع

انا عاوز دبدوب ...هههههههه ...مش انا خالص ..مش هاينفع

..ولكنك ياصديقى عندما تريد ارضاء شخص تحبه من الممكن ان

تفعل اشياءا ماكانت ابدا فى الحسبان ..وبالفعل اشتريت الدبدوب

..وذهبت الى خطيبتى واعطيتها الدبدوب وانا من جوايا حاسس انى

عبيط ..وهى مجنونة ...بس خلينا نشوف ... لقيت خطيبتى شافت

الدبدوب وطارت من الفرح ..وقعدت تتنطط بشدة ..حتى انى حسبت

ان البنت اصيبت بلوثة عقلية ..ونادت على والدتها ...ياماما تعالى

شوفى على عملى ايه ..واتت والدتها وما ان رأت الدبدوب الا

وانطلقت بزغرودتة .....وفجأة لقيت بنات الجيران والحى يباركون

ويهنئون قدوم السيد الدبدوب ....هههههههههههه يامجانين !!!!!

ذهبت الى بيتى وانا فى قمة السعادة وحاسس انى عملت حاجة

عظيمة...

وقررت تانى يوم ان احضر عربية لنقل اكبر كمية من الدباديب الى

مسكن خطيبتى ..وبالفعل ذهبت اليها ومعى اكثر من عشرون دبدوبا

...وجاءتها هيستريا من الضحك ..وقالت لى ..انت مجنون بجد ...

واخذت تتحدث مع صديقاتها عبر الموبايل وتحكى لهم كيف اننى

اتيت لها بالدباديب ...وكنت اهمس لها ..قوليلهم انى جبت شقة

الاسبوع اللى فات ..وكانت تشير بيدها بما معناه ان مش مهم الشقة

..المهم الدباديب ....

..وعدت الى منزلى وانا فى غاية الاندهاش ..وقلت فى نفسى لو

اعرف كدة كنت مجبتش الشقة وعملت مصنع دباديب ..غبى

...ههههههههههه

ثم اتى العيد والعبد لله متزوجا ...كان عيدا مختلفا ...اكتشفت اننى

يجب ان ازور اقارب زوجتى ...واقاربى ...اطلع من بيت لبيت اخر ..

وكلما دخلت بيتا تحدثنا فى كل الأمور ..مما يصيبك بصداع عجيب

..ده غير تنطيط الأطفال الظراف فوووق دماغك ..متقمصين دور

القرود ..

وانت ياصديقى قاعد هاتطق من الغيظ ..بس لازم ترسم الأبتسامة

علشان الناس ماتزعلشى ...

كرهت الحياة الأجتماعية ...وقلت مااحلى العزوبية ...تنام وتصحو

دون اى ضجيج ...

ويأتى العيد ..والعبد لله بورصجى ...لا أفكر فى شئء سوى فى

مستقبل تليكوم ...وكيف سيكون حال عز ...

سرحت طويلا ...وتمنيت ان تعود ايام السيد الدبدوب

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط


التعديل الأخير تم بواسطة محمد على باشا ; 11-10-2011 الساعة 05:15 PM .

محمد على باشا غير متواجد حالياً

 

رد مع اقتباس