عرض مشاركة واحدة
قديم 11-15-2011, 02:30 AM   #9616
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 11-15-2011 الساعة : 02:30 AM
افتراضي رد: الأسهم النارية فى البورصة المصرية

اقتباس : المشاركة الأصلية كتبت بواسطة said5000 مشاهدة المشاركة [ مشاهدة المشاركة ]
[size="5"]لو سمحت حضرتك ايه هي اسماء الشركات المرفوع عنها الحدود السعريه اسميها يعنى سيادتك وشكرا
وايه هي الحالات اللي بيتم فيها فتح الحدود السعريه سيادتك وهل الحدود كلها حاليا دلوقتى 5 في الميه ولا في اسهم حدودها اكتر من كده وجزاك الله كل خير

انا مش فاهم الصيغة قووى ..بس هاحاول ان اكتب مافهمته ..

ببساطة شديدة ياصديقى عندك ثلاثة انواع بورصات فى البورصة ..

عندك بورصة خارج ..لايوجد عليها حدود سعرية ..لأنها لا تخضع للرقابة

وعندك بورصة النيل ..التداول عليها بحدود سعرية 5% لأنها بورصة جديدة

وعندك بورصة الداخل ..يعنى البورصة الرئيسية اللى فيها مؤشرات

البورصة ..وديه فيها الأسهم الأصل فيها انها 20%

( اصبحت 10% فى الوقت الحالى بسبب الظروف التى تمر بها البلاد )

وهناك بعض الأسهم 5% الحدود السعرية وذلك حتى تستوفى نسبة

التداول العالى التى يتم مراجعتها من قبل البورصة كل فترة واللى بتتأكد

انه بيعمل تداول عالى بتحوله الى ال التداول العادى للأسهم .


حكاية فتح الحدود السعرية ياصديقى العزيز ..ديه بتحصل عندما تطرأ

على رأس مال الشركة اى تغيير .. يعنى ايه

اسهم اعطت اسهم مجانية ..ده تغيير فى رأس مال الشركة بزيادة عدد

اسهمها ..يبقى تانى يوم نهاية الحق فى الاسهم المجانية نفتح الحدود

السعرية..

اسهم عملت اكتتاب ..وهاتنزل اسهم الأكتتاب

( نقول عليها اسهم الاتاحة ) يبقى نفتح الحدود السعرية لأن بنزول

اسهم الأكتتاب هايتغير رأس مال الشركة بزيادة عدد الأسهم ..

* اسهم عملت تجزئة ..فنتج عنها زيادة اسهم الشركة

*اسهم لشركة يتم تداولها اول مرة فى البورصة الرئيسية

قيس على هذا ياصديقى كل الحالات التى ينتج عنها تغير فى رأس مال

الشركة ..ده بأختصار شديد ..وهابقى اكتب لك بحثا مطولا عن الموضوع

فى باب بورصجى مثقف ان شاء الله

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس