عرض مشاركة واحدة
قديم 01-01-2012, 06:11 PM   #11233
 

كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 01-01-2012 الساعة : 06:11 PM
افتراضي رد: الأسهم النارية فى البورصة المصرية

اقتباس : المشاركة الأصلية كتبت بواسطة محمد على باشا مشاهدة المشاركة [ مشاهدة المشاركة ]
لعلها من أصعب الشهور التى تمر فى سوق المال المصرى

الشهور الثلاثة القادمة ...يناير - فبراير - مارس

ولاشك ان الفقهاء فى كل مكان يتحدثون ...

اللى يقولك هاتعمل مليار زى على يوسف ..

واللى يقولك هاتسوى الهوايل ..وهاتلعب يامعلم ..

الناس بطبيعتها تحب من يعطيها الأمل فى الغد

وان الغد سيكون افضل من الأمس واليوم ..

هكذا هى نفسية البشر اينما كانوا ...

وستجد كثير من الفقهاء من يقول لك هذا السهم او ذاك

وتلك الفترة نصعد ..وتلك الفترة نهبط ..وسلامتها أم حسن

الى اخر الكلام ..

طبعا كله بيبيع بطاطا ..ولا حد فاهم حاجة ..ولا يوجد

حتى الان محللين سوق مال فى مصر على مستوى

تستطيع ان تعتمد عليهم فى تحليلاتهم ..ممكن تقول 5 بس

اللى بيحاولوا يبقوا محللين ..ولست منهم بالطبع ..

اما الباقى ..كله بطاطا ...ولا عارف ولا فاهم حاجة ..

وماصدق ناس بتسمع كلامه العجيب عن السوق ..

وبتصدق توصياته الخايبة ..وفرحان بلقب الخبير او المحلل

وعمال يلعب ..يشوف السوق اخضر ..يقولك ادخل

يشوفه أحمر يقولك اخرج ..المشكلة انك ساعات ماتكونش دخلت

وبرضو يقولك اخرج ..

ولما السوق يهبط تلاقيه واكل سد الحنك ومكتوم ..

واول مالسوق يبتدى يطلع ..يقولك شفت ..هاه ..اشتريت

فى الواقعة ياريس ..تقوله بس انت ماقلتش ..

يقولك معقولة الكلام ده ..ده انا والله كنت بغنيها فى الحمام

عندى ..انت ماسمعتنيش !!!!!

وطبعا انت غلبان وطالع عينك فى السوق ...

.ومش ناقص ابن المجانين ده ...انت فيك اللى مكفيك ياصاحبى

وبتقول يارب ....اعدى الأزمة اللى انا فيها ..وتوبة ..توبة يارب

لو شفت وشى تانى فى ام البورصة ديه بحق ..

انا يارب عاوز فلوسى ..عاوز الكتاكيت ...

وهامشى ومش هارجع ..هو انا مجنون ..ارجع ايه ...خلاص

اذا ياصديقى العزيز لايوجد من ترجع اليه اذا مااردت المعرفة

لايوجد المحلل السوبر ..الذى تستطيع ان تتبعه

مش موجود فى السوق المصرى ...

مع احترامى لكل المجتهدين !!!!!!

لذلك يجب ان تعلم نفسك قدر المستطاع ..وللأسف هتاخد منك

وقت كبير حتى تتعلم صح ..مش اقل من 3 سنوات مذاكرة وتعب

العبد لله واضع عن نفسه خطة 7 سنوات اعلم بيها نفسى

بس بعد كدة هتلاقى ..وهايكون فكرك افضل ..

واختيارك افضل ...ورؤيتك افضل ..

خلى بالك قوووى الفترة اللى جاية ..وواحدة واحدة

وخير ان شاء الله

شوف يا باشا علي قد معرفتى المتواضعه في التحليل الفنى الداو واقف عند خط عنق لمقلوب راس وكتفين وفي حرب بين المشترى والبائع لو نجح وعبر خط العنق وسحب السوق المصرى معاه وما يسبوش زى ما بيحصل احيانا هنشوف اسعار كويسه في الاسهم وكده ولا كده هيبقي في رده من الاسعار اللي احنا موجودين فيها وانا بقرا المواقع اللي فيها شرح تحليل فنى بالعربى الانجليزى فيه مشكله بتقابلنى اما بجى اترجم خاصه المصطلحات غريبه اوقات ما بعرفش احدد المعنى بالضبط فبتخنق وابطل ترجمه واه هي خطه السبع سنين عشان احاول اطبقها مع سيادتك وانا قررت اسيب السهم بعد ان استخرت ربنا ما هو بالعقل مش معقول ينزل والسوق يه طلعه والله الموفق وجزاك الله كل خير

 


اخبار مصر - الذهب - تحويل العملات
فوركس - تجارة فوركس

amrmahmod غير متواجد حالياً

 

رد مع اقتباس