عرض مشاركة واحدة
قديم 01-30-2012, 03:57 PM   #11764
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 01-30-2012 الساعة : 03:57 PM
افتراضي رد: الأسهم النارية فى البورصة المصرية

لحظة مرض

بقلم / على يوسف



قال لى والدى قبل ان يموت ..وفى لحظة فلسفية عميقة ..يابنى

لاتصدق ثلاثة تكن سعيدا فى الدنيا ..

قلت له ..من هم ياابتاه ..انر لى الطريق ..فقال ..لاتصدق اى امرأة

حتى لو كانت امك ..ولا تصدق محلل فنى حتى لو كان اخوك ..

ولا تصدق طبيبك المعالج ..

تذكرت تلك النصيحة الغالية التى تلقيتها من والدى ..حينما ذهبت للطبيب

ليرى ماذا اتعب قلبى ..

كشف الطبيب ..ونظر لى برهة ..ثم كشف مرة اخرى ..وحملق فى وجهى

وقال ....فيك ايه ياموكوس .. بتشتكى من ايه ياعم الحاج

فقلت له من العيشة واللى عايشنها ..

فقال الطبيب ..ياعم الحاج انا مش بسألك فى برنامج توك شو

..انا بسألك علشان اعرف البنى ادم اللى قصادى ده عنده ايه

..ماتغلبنيش والنبى ..الواحد مش ناقص ..

فقلت له ..والله يادكتور ..مش عارف ..انت تفتكر ايه

فقال ..افتكر انك تقوم تمشى ..انا قلت لأبويا ادخل هندسة قالى طب

ابقى قابلنى لو حد رضى يعالجك ..قال مش عارف قال

فقلت له يادكتور منا فعلا مابقتش عارف ..الدستور اولا ولا الدستور بعدين

..الأخوان هما اللى صح ..ولا السلفيين ..ولا الليبراليين ..

يمشى العسكر..ولا يستنوا علشان الدنيا تستقر ...

نكمل ثورة ..ولا كفاية ونبنى الدولة ..

السوق مكمل صعود فاشترى ولا هايجنى ارباح استنى ...

ونظر لى الطبيب نظرة غيظ ..

فقلت خلاص يادكتور هاقولك

فرد عليا ..ايوة كدة يابوبى ..هاه قول ..عندك ايه يابيضة

قلت ياصديقى الطبيب ..هى حالة حزن مفاجئة نتيجة لتراكمات سابقة

جعلت قلبى يتعب وانفاسى تتلاحق ..فهل لك من تفسير ياطبيب

سكت الطبيب برهة من الوقت ..ونظر لى بقرف .. وقال ..هاكتبلك الروشتة

ياواطى تمشى عليها ونتابع مع بعض ويكلى اوك ...

فقلت والمستهدف يادكتور ..فرد بكل ثقة وقال ..حياتك ان شاء الله

ياعسل ..قلبك على دعم مهم لو كسره هاتتكسر رقبتك فاهم يابجم ..

امشى على الادوية وان شاء الله ..اتوقع ليك تارجت 50 سنة

وبعد كدة سيدنا عبد الرحمن يجنى روحك ونخلص قادر ياكريم ..

ثم نادى المساعد بتاعه ..اللى بعده يابنى وخرجت من عند الطبيب اكثر مرضا

وبؤسا ..هكذا هم الأطباء ياصديقى
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060371948

.......................................... انتهت .......................................

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس