عرض مشاركة واحدة
قديم 04-28-2012, 06:15 PM   #13441
خبير بأسواق المال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 04-28-2012 الساعة : 06:15 PM
افتراضي رد: الأسهم النارية فى البورصة المصرية

بالتعاون مع مجموعة البورصة المصرية
اقتباس : المشاركة الأصلية كتبت بواسطة محمد على باشا مشاهدة المشاركة [ مشاهدة المشاركة ]
حكاية بيسو وميرنا ..

قصة قصيرة ..

بقلم / على يوسف


صحيت من النوم ..باصص فى السقف ..مش عارف ليه

بس ادينى باصص ..

جتلى رنة موبايل ..ماردتشى ..

وقلت هو انا لسه غسلت وشى ..

دخلت البلكونة ابص ع الشارع ..نفس الناس

ام احمد بتتخانق مع ابنها ..واطلع ياواد ذاكر

وهو ابنها فالح اساسا غير فى معاكسة البشر

جتك نيلة انتى وابنك ...

شوية ولقيت عم ابراهيم بينادى ع الفول..المدمس

اللوز المدمس ..ايه ده كروان ياخواتى ..تقولشى

غناء اوبرالى ..بص ليا ..وقالى فى لهجة شبه آمرة

هااه يااستاذ ..قلتله هااات ياحاج ابراهيم ربنا يباركلك

...وانا فى سرى بقول هاات يابن المؤذية .. قال شوية لوووز قال ...

ضحك كأنه سمعنى ونادى بعلو صوته ..اللوز المدمس ..

وجاء نادر بتاع الجرايد وراح رمى الجرايد بقرف عليا

مش عارف بيعاملنى كدة ليه ...قلت اعمل شاى واشوف

الأخبار ..

فتحت القنوات الاخبارية ..وفى ايدى الجورنال ..اقرأ واشاهد

ربع ساعة تكفيك كى تدخل فى حالة اكتئئاب

شوية وسمعت رنة جرس الباب ..مين ..

اه ..ده صبى عم ابراهيم ..بعتلى اللوز ..الفول ..والله الواحد

قرب يرفس من كتر اللوز ده ..لكن هانعمل ايه

انا لازم اخده قبل جلسة البورصة علشان مش اشتغل بالمنطق

..اقوم اخسر ..

الفول بتاع عم ابراهيم بيدينى جرعة اللا فهم

..ومن ثم يعطى مزيدا من الفلسفة ..

قعدت اكل اللوز ..وفتحت الشاشة امامى اتابع الأخبار

قبل بدء الجلسة ..ولقيت نفسى عمال اضحك

..من اخبار مش تضحك خالص

..فعرفت واتطمنت ان مفعول اللوز اشتغل

الله يكرمك ياعم ابراهيم ..

ولسه هاتبتدى الجلسة ..واسمع صووت خناقة فى الشارع

واطلع فى البلكونة لأستطلاع الأمر .

.....الاقى 50 واحد بيضربوا بعض

..قلت لما اسأل ام احمد جارتنا يمكن تعرف

فقالت وبراءة الأطفال فى عينيها ..ده اخوك احمد بيتخانق

خناقة صغيرة ..علشان الواد بيسو اللى فى الشارع

اللى ورانا عاكس البت ميرنا بنت حتتنا ..فقلت اه ..

وتمتمت فى سرى ..جتك نيلة انتى وابنك وميرنا وبيسو

..فى يوم واحد ...

وهممت ان ادخل من البلكونة فاذا بجارتنا زوجة سيد الحلاق

..تصبح عليا قائلة ..ازيك ياسى الأستاذ

فقلت ..الحمد لله ..وهممت ان ادخل

..فعاجلتنى بقولها ..وانت رأيك ايه ياسى الأستاذ فى اللى بيحصل

..فقلت هى قصدها الخناقة

..فقلت لها والله انا مش عارف موضوع ميرنا وبيسو بالظبط

...ولسه هاكمل ..فقالت ..لا لا ..

مش قصدى الخناقة ..انا قصدى اللى بيحصل فى الشارع السياسى

..فنظرت لها مذهولا ..وقلت لها والله الشارع السياسى بقى زى شارعنا

..محدش فاهم حاجة فيه

ودخلت من البلكونة مسرعا قبل ان ادخل فى حوارا لاينتهى

..وكانت طبعا الجلسة ابتدت بحوالى ربع ساعة ..

وواضح ان السوق تأثر بمشكلة ميرنا وبيسو ..

وقلت افتح الفيس بوك ...وبالفعل فتحته لأجد رسالة من ميرنا

...تقول فيها ..بيسو مظلوم والله ياسى الأستاذ

..ههههههههههههه

انتهت




لا بقي ده انت يا باشا عندك فراغ وفاضي علي الاخر وشكل كده الجمجمه بخ ولا ايه يا صاحبي هما الزملكويه كلهم كده

قلتلك غير المحطه وخليك اهلاوووووووووي علي طوووووووووووول


مع تحياتي قلب الاسد

بوم بوم بووووووووووووووووووووووووووووم

 


اخبار مصر - الذهب - تحويل العملات
فوركس - تجارة فوركس
توقيع

۩۞۩۩۞۩۩۞۩۩۞۩۩۞۩۞۩۩۞۩۩۞۩۩۞۩۩۞۩۩​۩۞۩۩۞۩۩۞۩۩۞۩ إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ۩۞۩۩۞۩۩۞۩۩۞۩۩۞۩۞۩۩۞۩۩۞۩۩۞۩۩۞۩۩​۩۞۩۩۞۩۩۞۩۩۞۩
يا ايتها النفس المطمئنه ارجعي الي ربك راضيه مرضيه فادخلي في عبادي وادخلي جنتي

للمتابعه معانا في بابي المتواضع

اقوي اسهم المضاربات الاصلي

ياسر خطاب غير متواجد حالياً

 

رد مع اقتباس