عرض مشاركة واحدة
قديم 05-02-2012, 11:37 PM   #13528
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 05-02-2012 الساعة : 11:37 PM
افتراضي رد: الأسهم النارية فى البورصة المصرية

اقتباس : المشاركة الأصلية كتبت بواسطة طالب المغفرة مشاهدة المشاركة [ مشاهدة المشاركة ]

السلام عليكم ورحمة الله وبركاته
على فكرة أفندينا الموقع اللى طلبت من إخوانى انهم يدخلوا عليه علشان يعرفوا حقيقة الوضع الحالى لأن فيه تعتيم اعلامى رهيب بأمر المجلس العسكرى و على فكرة ده موقع لبعض الشباب اللبراليين و حتى مش سلفيين و لا ملتزمين و لكنهم رأوا فى الشيخ حازم ليس مجرد شخص و لكنه بشعاره سنحيا كراما أصبح فكرة فى عقول ووجدان الناس سلفيين على ليبراليين على .. على...
فكرة انك تعيش فى بلدك حر بكرامتك لأن كرامة الانسان هى أغلى و أعز ما يملكه

ثانيا الناس الموجودة فى الاعتصام مش بس أنصار حازم زى ما الاعلام الفاسد من فضائيات و جرائد بيصورا للناس و لكن الناس دى من كل الأطياف نزلوا الشارع ليس للمطالبة برجوع حازم أبو اسماعيل لسباق الرئاسة و اما لأنهم أحسوا بالتزوير اللى هايحصل فى الانتخابات و حسوا بخيانة المجلس العسكرى اللى كل يوم بيولع فى البلد
و يعمل أزمات من كل شكل و لون علشان يعمل حالة عدم استقرار فى البلد يطول بيها فترة بقائه فى السلطة و اللى يصدق انهم هايسلموا السلطة يبقى واهم

يعنى ايه تبقى لجنة الانتخابات الرئاسية كل أعضائه مشبوهون من تعيين مبارك المخلوع

يعنى ايه المادة 28 ممنوع الطعن على قرارات اللجنة و لا على النتائئج

يعنى ايه واحد زى حازم معاه حكم من مجلس الدولة بأن أمه معهاش
جنسية تانية و يقدم للجنة و اللجنة تضرب بحكم المحكمة عرض الحائط
و تطلع الرجل بره سباق الرئاسة بحماية المادة 28 و هو كده


يعنى ايه مجلس الشعب يطلع قانون بعزل الفلول من الترشح فى انتخابات الرئاسة و هو أصلا طالع لمنع شفيق و يقدم تظلم للجنة فى أخر يوم لإعلان القائمة النهائية و اللجنة تقبل تظلمه و تدخله السباق
و تضرب بقانون الذى أقره مجلس الشعب عرض الحائط و برضه بحماية المادة 28 و هو كده اذا كان عاجبكوا

و تقولوا انتخابات نزيهة بأى منطق و طبعا هايعملوا الانتخابات و فى الآخر
يطلعوا النتيجة و مبروك عليك يا شعب مصر رئيسكم عمرو موسى و لا شفيق و اياك تطعن على النتيجة برضه بالمادة 28

و البس يا شعب مبروك عليكم فل من الفلول رئيسكم و كل ثورة و انتوا طيبين

وتقولوا الناس بتنزل ليه

بعد اذنك أفندينا دى رؤيتى للى بيحصل ممكن نختلف مع بعض لكن الأيام قادمة و سوف تثبت من الظالم ومن المظلوم و من كان على خطاء و من كان على صواب

مش مهم يبقى مين المهم تظهر الحقيقة

با ريت بعد اذنك أفندينا ممكن نقفل الحديث فى الموضوع ده علشان الواحد دماغه هاتنفجر من كثرة الكلام
أنا بس حبيت أوضح بعض النقاط و كل عنده عقل يفكر بيه

و بعدين الحاج الشرقاوى تلاقيه بيجهز انذار دلوقتى

و ربنا يسترها على مصر يا رب


وعليكم السلام ورحمة الله وبركاته

الله يكرمك يارب ..شوف يااستاذى احب اوضح لسعادتك

بعض النقاط ..

1* الشيخ حازم عارف ومتأكد ان والدته امريكية ..وان الجنسية

المكتسبة يتم الأستعلام بها من الدولة التى منحتها ..وليس من بلدك

وهناك موقع حكومى امريكى قال بهذا ..ثم عيب تكون بتكلم واحد محام

ومعاه دراسات عليا فى مجلس الدولة وتقولى ده حكم بيقول ان والدة

الشيخ حازم مش معاها الجنسية ..لا ..الحكم لم يقل بهذا ..وانما الطعن

على قرار بالأمتناع ...منحه الحق فى عدم الامتناع عن تقديم الأفادة

..والسلطات المصرية لا تملك هذا ..بل هو يدخل فى صميم اختصاص

السلطة مانحة الجنسية ..ولو كان الشيخ صادق فيما يقول كان خاطب

السلطات الامريكية لكنه لم يفعل ولن يفعل لأن والدته امريكية ..


2/ الاعلان الدستورى اللى الناس معترضة عليه هو نفسه اللى

كان الشيوخ بيقولوا فى الجوامع اللى مش هايروح ويوافق هايدخل النار

3/ ثم مش الشيخ حازم ياريس هو اللى هايعلمنا نحيا كراما ...

4/ ازاى بتحكم على الأنتخابات انها مزورة من قبل ماتحصل ..

كانوا زوروا انتخابات مجلس الشعب ..ثم هناك رقابة شديدة على

تلك الانتخابات من منظمات المجتمع المدنى ..

* ومين قالك انهم مش هايسيبوها ..احنا واخدين منهم ميعاد

هو 30 / 6 ...يعنى مش من حقك تقول اى حاجة الا بعد ماالتاريخ

ده ييجى .

* ثم هو اى واحد هايمسك ومش هايكون على مزاج البعض

هانقول لأ ..ديه مش هاتبقى بلد ..ديه هاتبقى لعبة

5/ ثم حكاية شفيق ديه ..معلش اسمعها من اخ صغير ليك قام بتعديل

مادة فى الدستور الفرنسى..

ياريس هذا القانون اذا ماتم الطعن عليه لدى المحكمة الدستورية العليا

وكان سيفعل هذا الفريق احمد شفيق ..ومن ثم ولأن اللجنة تعرف

انه سيحكم بعدم دستوريته لأنه تعدى على حقوق تم اكتسابها

بأثر رجعى ..فقبلت تظلم احمد شفيق خشية على ان عدم دستورية

القانون تودى الى اعادة الأنتخابات بعدما تولى الرئيس ...

مما يخلق حالة من الفوضى مرة أخرى ...

للأسف الناس منقادة وخلاص ...ربنا يستر على مصر

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس