عرض مشاركة واحدة
قديم 05-03-2012, 01:32 AM   #13530
 

كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 05-03-2012 الساعة : 01:32 AM
افتراضي رد: الأسهم النارية فى البورصة المصرية

لماذا يجب ان نختار شفيق ؟؟! ^_^
~~~~~~~~~~~~~~~~~~
طبعا لازم نختار شفيق و لاسباب كتييييييييييييييييير..

اولا.. شفيق طيار و احنا جربنا الطيارين و ارتحنا معاهم و عارفين ان ضربتهم ما بتخيبش..

ثانيا.. شفيق كان مع الثوار و كان مُصِّر يجيب لهم بونبون وحلويات و هما فى الميدان و ده اكبر دليل على حنية قلبه.. يعنى ممكن ينزل مع التموين المدعم كيس بونبون و باكو لبان.. قمة الرفاهيه..

ثالثا.. بصراحة الراجل عليه طقم بلوفرات مالهاش حل.. واحنا نطول رئيسنا يبقى شيك و روش روش طحن..

رابعا.. واضح انه راجل بركة و له كرامات.. الوحيد اللى تظلمه اتقبل ولا مجلس شعب و لا قانون عزل.

خامسا.. احنا تلاتين سنة بنتعاطى مبارك فعلشان نتخلص منه بدون اعراض جانبيه المفروض نخفف الجرعة لكن ما نغيرش الصنف و هو من ريحة الحبايب..

سادسا.. الراجل ده اقسم بشرفه قبل موقعة الجمل بيوم ان الثوار ما حدش هيمسهم و جت الجمال و الحصنه الخونة وهاجموا الثوار.. وطبعا عملوا كده من وراه يبقى لازم ياخد فرصته فى انه يعاقب كل الجمال والحصنه اللي فى البلد ويجيب حق الثوار منهم.. يعنى ممكن مثلا يغير اسم الحصان لحمار والجمل يبقى فلوكة الصحراء بدل سفينه وبكده يبقى خدنا حق الشهدا و المصابين و خلصنا..
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060423122

واهم حاجه عنده الكاريزما اللى خنقونا بيها تسألونى يعنى ايه كاريزما اقول لك يعنى اول ما تشوفوه دقات قلبك تزيد وعينك تزغلل ونفسك تغم عليك..
اظن بعد كده ماحدش يقول لى شوف البرنامج الانتخابى بتاعه ولا مشروعه ولا حاجه من الكلام الفاضى ده.. هو الريس ايه غير كاريزما وجنتله وشوية بروفلات..

 


اخبار مصر - الذهب - تحويل العملات
فوركس - تجارة فوركس

عبيد1 غير متواجد حالياً

 

رد مع اقتباس