عرض مشاركة واحدة
قديم 05-05-2012, 12:42 AM   #13582
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 05-05-2012 الساعة : 12:42 AM
افتراضي رد: الأسهم النارية فى البورصة المصرية

الديمقراطية فى وطننا الان ...

* ان تهاجم الوزرات السيادية الشرطة ثم الدفاع ..ولا يعترض طريقك

احدا ..بل من المهم ان يستقبلوك ويساعدوك على قتلهم وهدم مؤسسات

الدولة ..

* من حقك انك تتظاهر على مادة اتعملت من اكتر من سنة ..ولو سألوك

قولهم كنت مسافر ..

* من حقك ان تعمل ثورة تانية كما قال استاذ ابو الفتوح فى حالة عدم

نجاحه ..وان تتهم اللجنة بالتزوير ..لأن ازاى ماتنجحش ..الديمقراطية

ان مرشحك ينجح حتى لو لم يحصل على الأصوات المطلوبة

* فى حالة ان الشعب انتخب مرشح اخر ...يبقى شعب مغيب

ولابد ان تفرض وصايتك عليه وتعمل 50 ائتلاف ثورة ...

وتطلع 5000 واحد ناشط سياسى ..وتقول ان دول هما اللى بيمثلوا

الشعب ..لان الشعب للأسف مسافر بس شوية ..

* مفروض اننا عملنا ثورة علشان حزب واخد كل السلطات ...

واحنا عاوزين نسلمها لحزب ياخد كل السلطات ...وماتسألش ليه ..

هو كدة ..

* احنا مش عاوزين حد من الفلول يحكمنا ..ماشى

ومش عاوزينه صغير ..مش هايبقى فاهم ...حاضر

مش عاوزينه كبير ..مش هايفهم الشباب وهايمرض كل شوية ..ماشى

مش عاوزينه اسلامى علشان مرجعيته ..والمرشد هايحكمنا ..طيب

مش عاوزينه ليبرالى يدوس على الفقرا بالرأسمالية ...ماشى

مش عاوزينه اشتراكى ..هايبعد الأستثمارات الأجنبية خشية التأميم ..طيب

مش عاوزينه مناضل ..لأنه مش بيفهم فى ادارة الدولة ..طيب

مش عاوزينه يكون عسكرى ..حاضر

مش عاوزينه مدنى وعنده اجندة خارجية ..ماشى

مش عاوزينه ليه علاقات بالغرب وامريكا ...حاضر

مش عاوزينه مايكونش ليه علاقات ولسه هايعمل وياخد وقت ...طيب

مش عاوزينه قاسى ويضرب المتظاهرين ...حاضر

مش عاوزينه طيب وشخصية ضعيفة ...ماشى

مش عاوزينه فقير ..لأنه هايكون محتاج وهايسرقنا ..من عينى

مش عاوزينه غنى ..ويبقى مش حاسس بالفقرا ..بس كدة

مش عاوزينه رجل اقتصاد يقوم يخصخصنا ...حاضر

مش عاوزينه رجل قانون ..يقوم يفصل لينا قوانين على مزاجه
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060423792

مش عاوزينه مهندس او دكتور ..لأنه مش هايفهم فى السياسة

ومش عاوزينه سياسى ..لانه هايبقى كداب وملاوع

* مش عاوزين يكون ليه زوجة ولا اولاد ..عاوزينه مقطوع من شجرة

مش عاوزين ..مش عاوزين ..مش عاوزين

واضح اننا مش عاوزين رئيس ...

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس