عرض مشاركة واحدة
قديم 05-05-2012, 10:50 PM   #13598
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 05-05-2012 الساعة : 10:50 PM
افتراضي رد: الأسهم النارية فى البورصة المصرية

انا بس عاوز اسأل اسئلة بريئة ..

* مين اللى قال للناس ديه روحوا وزارة الدفاع واعتصموا هناك

يعنى لو اعتصموا فى التحرير هايبقى ده حرااام شرعا ..مش فاهمها ديه

* هو ليه الناس راحت ..مطالبهم ايه ..معقولة تسليم السلطة

طيب ده ناقص اقل من 45 يوم وممكن اقل من شهر لو الرئيس نجح

من اول جولة ...اكيد فيه سبب احنا مش عارفينه

طيب تعديل المادة 28 اللى وافقوا عليها ..بس ديه بقالها اكتر من سنة

ياأخى هما اكتشفوها النهاردة ..

* هو شيخنا الجليل كان مريض ولم يقدر الذهاب الى المعتصمين

وقدر يذهب الى مبنى التليفزيون وتم منعه ..شئ عجيب حقا

اكيد الدكتور المعالج نصحه بهواء ماسبيرو ..والأبتعاد عن العباسية

* طيب الجمعة ديه كان اسمها جمعة الزحف ..وفريق من الفقهاء اسموها

جمعة النهاية ...ولم افهم زحف على ايه ..ونهاية مين

* هى الناس اللى اتمسكت فى مسجد النور ومعاها اسلحة ...

اكيد كان فيه فرح قريب من وزارة الدفاع ..ودول مش ارهابيين

* ايه الحكمة بالأعتصام امام وزارة الدفاع والتلويح بمهاجمتها ..

ده على اساس انها وزارة دفاع لدولة أخرى وهانقوم بأحتلالها

* طيب سؤال هو شعب مصر كله بقى جاهل مايعرفش يعنى ايه

منطقة عسكرية ..وعقوبة من يحاول الأقتراب منها ..

وانه وفقا للقانون العسكرى مسموحا بضرب النار على من يقترب

من تلك المناطق ..طيب مين الشيطان اللى زق الناس هناك وهو عارف

ان ده اللى هايحصل لو الناس اخدهم الحماس وحاولوا اقتحام الوزارة

* مين اللى بيتلاعب بالشعب المصرى ..وبيضعه فى مواجهات حتمية
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060424009

قبل كدة وزارة الداخلية ..والان مع وزارة الدفاع ..

* لماذا يتم مهاجمة الوزارات السيادية دون غيرها ..هل الغرض هدم الدولة

* لماذا يقول لنا البرادعى تعالوا نعمل رئيس مؤقت ..ونبقى نعمل برلمان

وانتخابات رئاسة بعدين ..هو مش احنا فاضلنا شهر ونص بالكتير وننتهى

* من الذى لايريد لمصر ان تستقر ..

* الناس اللى بقالها اكتر من سنة ونص اعتصامات وثورات بيجيبوا فلوس

منين ...وبيشتغلوا ايه ...لو حد فاهم يقولى

* البنات اللى بتروح تنام هناك فى الخيام ...بتتصل بأهلها وتقولهم

اسفة ياجماعة انا هنام فى الخيمة النهاردة ..مش فاهمها

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس