عرض مشاركة واحدة
قديم 05-15-2012, 12:23 AM   #13764
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 05-15-2012 الساعة : 12:23 AM
افتراضي رد: الأسهم النارية فى البورصة المصرية

اقتباس : المشاركة الأصلية كتبت بواسطة said5000 مشاهدة المشاركة [ مشاهدة المشاركة ]
البورصة تطبق الحدود السعرية للاسهم على ورقة حق تداول الاكتتاب
ممكن تعرفنا يعنى ايه باسلوب سعادتك البسيط وما معنى حق الاكتتاب وتداوله

شوف ياسيدى هافترض ان سعادتك دخلت اكتتاب سهم شينى مثلا

واحد ابن حلال قالك شينى كويسة واشترى ..

دخلت انت بكل محفظتك 40 الف ...والسهم ب 4

..قلت هاشترى 10 الاف

سهم ..تمام

الشركة اعلنت عن نشرة الأكتتاب وفيها مكتوب هايكون ازاى وميعاده

وبيكون خلال شهر ..هايبتدى من يوم 1 /مايو مثلا حتى نهاية مايو

وقالوا فيه ان هناك 4 اسهم لكل سهم ب 2 جنيه للسهم

يعنى كل سهم معاك عاوز 8 جنيه ....4 اسهم * 2 جنيه

تمام ...يعنى هايبقى مطلوب من سعادتك

8 * 10000 = 80000 ..وانت محفظتك اساسا لو بعتها 40 الف

طيب تعمل ايه ..البورصة قالتلك شوف ياسيدى احنا هانعمل

حاجة اسمها الية تداول حق الأكتتاب ..هاتبيع سعادتك فيها

حق الأكتتاب اللى معاك

..وهاتفضل معاك الأسهم اللى انت اشترتها ..

طبعا بيع حق الأكتتاب اللى معاك هايكون على حسب السهم

وقوته والمتوقع ليه ..وبتكسب من الحكاية ديه على حسب

رزقك والأشاعات اللى على السهم ...

طيب بتبيعه ازاى بتعرضه على شاشة التداول ..البورصة هاتعملك

سطر كدة على الشاشة مكتوب عليه تداول حق اكتتاب شينى

ووفقا للعرض والطلب بتبيع ..زى الشاشة العادية بالظبط

والكلام ده بيبتدى من اول مايفتحوا الأكتتاب الى قبل مايقفل الأكتتاب

ب 3 ايام ..يعنى فى مثالنا ده ..هايكون اخر يوم 28 مايو

تمام ..

* طيب الحكاية ديه ادارة البورصة عملتها ليه ..اقولك

علشان كان فيه ناس معاها فلوس بتلعب لعبة حلوة قوووى

يدخل يشترى سهم زى شينى ..يشترى سهم واحد فقط

ليه ..لأن السهم الواحد ده بيديه الحق انه يدخل الأكتتاب الثانى

فى حالة ان الأكتتاب الأول ماتغطاش ..يعنى ايه ماتغطاش

ان الشركة طرحت 10 مليون سهم اكتتاب ..الناس اكتتبوا

فى 5 مليون ..وسابوا 5 مليون ..لأن مش معاهم فلوس

يقوم يقولك ان الأكتتاب الأول اتغطى 50 فى المية

وانهم هايفتحوا الأكتتاب الثانى للأسهم دون التقيد بنسبة كل

واحد فى الأسهم ...يعنى اللى معاه سهم واحد هايكون من حقه

ياخد ولو مليون سهم ..وبيكون ذلك عن طريق ايداع الفلوس فى البنك

وبيحصل تخصيص ..على حسب الفلوس

يعنى فى المثال السابق معروض 5 مليون سهم

وانا عاوز اخد مليون سهم منهم ..اقوم اعمل ايداع فى البنك مثلا

علشان اخد 5 مليون ..علشان التخصيص هايقلل الأسهم

وناس تانية تعمل ايداع ..تلاقى فى النهاية اتطلب 50 مليون سهم

فى حين ان الأسهم المعروضة هى 5 مليون ..يقوم ياخد كل واحد

على حسب نسبة التخصيص وهى فى المثال السابق 1/10

ناتج قسمة 50/5 ...تمام

يبقى الراجل اللى طلب 5 مليون سهم هياخد نص مليون سهم

بعد قسمته على 10 وهو التخصيص ...اللى تم

طيب سعره كام ...الراجل ده هايكون واخد السهم بقيمة حق

الأكتتاب + السهم اللى اشتراه ...يعنى هتلاقيه واخده

ب 2 جنيه ..وسعادتك اللى اشتريت من الشاشة 10 الاف سهم

ب 4 جنيه + هاتدفع 80 الف جنيه علشان اكتتاب 4 اسهم

يبقى دفعت 40الاف +80 الاف = 120 الف جنيه

علشان تاخد 10 الاف سهم + 40 الف سهم = 50 الف سهم

وبقسمة ال 120الف جنيه / 50 الف سهم = يطلع لسعادتك

قيمة السهم واقفة عليك بكام ..وهى فى المثال 2.40

تمام ...يبقى السهم واقف عليك ب 2.40

والراجل التانى الفهلوى واقف عليه السهم ب 2.0

يعنى فرق مابين سعرك وسعره حوالى 20 فى المية

بالأضافة الى المدة الزمنية ..سعادتك دخلت السهم بدرى

وهو رايح يكتتب فى الاكتتاب الثانى ..يعنى بعد مانت اشتريت

بحوالى شهرين على الأقل ..وبسعر اقل منك

وده مثال بسيط ...الفرق فيه 20 فى المية

اما لو جيت مثلا لمثال واقعى حصل معايا فى كيما

كانت واقفة عليا ب 16 جنيه ...وعامل فيها فيلسوف الشرق الأوسط

وسعادته دخل الأكتتاب التانى ووقفت عليه ب 5.5 جنيه

شوف الفرق عامل ازاى ...

تمام ...علشان كدة البورصة ارادت ان تعالج تلك المسألة

لأنها اصبحت منتشرة وناس شغالة فيها وبس ...يلاقى اكتتاب

يقوم يشترى سهم واحد وينتظر ...الاكتتاب التانى


* ثم نأتى الى الكود

تلتزم البورصة بتكويد حق الاكتتاب باستخدام نظام الترقيم الدولي ايزن

كود بالتنسيق مع شركة الايداع والقيد المركزي على ان يتم ادراجه

على قاعدة بيانات التداول خلال فترة تداوله بهذا الكود منفصلا عن

السهم الاصلي لذات الشركة.

تمام ...وبالنسبة لسعر حق الأكتتاب عند التداول عليه

فى اول جلسة تداول

شوف ياسيدى فى المثال السابق الخاص بشينى انت اشتريت

السهم وكان متوسط اغلاقه 4 جنيه تمام

وسعر الأكتتاب كان 2 جنيه ..تمام

هانجيب المتوسط للأغلاق وسعر الأكتتاب

ازاى ..هانجمعهم هما الأتنين ونقسمهم / 2

4+2 = 6

6/ 2= 3 جنيه

تمام يبقى المتوسط 3 جنيه ..هانعمل ايه بعد كدة

هانخصم سعر الأكتتاب من المتوسط

يعنى 3 جنيه - 2 جنيه اللى هو سعر الأكتتاب = 1 جنيه

يبقى السهم هايتم التداول عليه المدة بتاعة الأكتتاب

لغاية قبل انتهائها ب 3 ايام وهايبتدى ب 1 جنيه وفقا

للمثال السابق ..

تعمل متوسط مابين الاغلاق وسعر الأكتتاب

ثم تخصم سعر الأكتتاب من المتوسط

وتخضع للحدود السعرية اللى مقرراها البورصة عند التداول


ويعطي القرار للبورصة تقرير نسبة التحرك المسموح بها لتداول حقوق

الاكتتاب منفصلة وبما لا يجاوز الحدود السعرية المقررة على اسهم

الشركة...يعنى ال 10 فى المية اللى شغالة الان

وبموجب القرار تسري كافة قرارات تعليق التداول او الايقاف السارية

على الاسهم الاصلية على حقوق الاكتتاب.

ويمنع القرار التعامل مع حقوق الاكتتاب من خلال الية الشراء بالهامش

او البيع على المكشوف.

وتخضع التعاملات التي تتم على حقوق الاكتتاب لكافة قواعد الاشراف

والرقابة السارية على التعاملات التي تتم على اسهم الشركات المقيدة

بالبورصة المصرية.

تضمنت التعديلات أيضا تطبيق البند 12 من قواعد الاستحواذ علي من يرغب في الحصول علي

حقوق اكتتاب لمساهمين آخرين، بحيث يحفظ حقوق الاقلية في حال رغبة مساهم رئيسي

يملك حصة محددة في زيادتها بنسبة تتجاوز الحدود المسموح بها التي تتطلب الافصاح،

بحيث تلزم التعديلات أي مساهم يملك حصة بالافصاح عن حصته حال تجاوزها 10%

كما تلزمه بتقديم عرض شراء لكل أسهم الشركة حال أدي شراؤه حقوق اكتتاب

آخرين لتجاوز ملكيته لنسبة 33.3%.

وعذرا للأختصار الشديد ..وتقبل تحياتى العطرة لك

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس