عرض مشاركة واحدة
قديم 05-15-2012, 01:38 AM   #13765
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 05-15-2012 الساعة : 01:38 AM
افتراضي رد: الأسهم النارية فى البورصة المصرية

اقتباس : المشاركة الأصلية كتبت بواسطة ahmed512 مشاهدة المشاركة [ مشاهدة المشاركة ]
محمد على باشا انا قلت لحضرتك من كام يوم انا معايا يونيفرت قرب 1.25
وفى ناس بتخوفنى وتقولى انة ممكن يصفر كل يوم ومحدش يعرف هيوصل لكام لان اسهمة كتيرة وبيقولولى اخلص بسرعة

بس انا شايف انة نازل بفوليوم من 1.07 يعنى اكيد فية ميكر وبيصفرة لتحتعشان يخوف الناس ويجبرها انها تبيع وما يخليش حد يشترى معاة وكمان الشركة مش خسرانة
والسهم اقل من قيمتة الاسمية يعنى هو اساسا نازل مش عارف هينزل تانى فين ودة اللى مخلينى واثق فية شوية وحضرتك قلت انة المفروض يثبت على 0.95 بس اية السعر اللى لو كسرة ابيع على طول واعرف
انة اى كلام مع انى حاسس انة لو احتفظت بية فترة ممكن الاقى سعر عالى وشكرا ياباشا

شوف ياريس ..العبد لله كان قالك ان سعر ال .95 قرش

مهم للغاية ..ومعنى ذلك انه لو كسره هايكون الأداء سئ

هذا من الناحية الفنية ..طيب ماليا

بصراحة السهم غير قوووى ماليا اطلاقا ..

وليس معنى انه بيحقق ارباح ضئيلة يبقى كويس

عدد أسهم الشركة الحالى 59,600,000

والقيمة الأسمية 1 جنيه

سيبك من القيمة الأسمية طلعت مصطفى ب 10 جنيه

وشوف بكام ..وبوليفارا ب5 وشوف بكام

القيمة الأسمية ديه بتكون سعر تاريخى يوم ماعملوا الشركة

لكن المهم اللى بعد كدة

مش معقول شركة رأس مالها 59.60 مليون تبقى عاملة ارباح

ربع سنوية لا تتجاوز ال 60 الف

يعنى نقول 240 الف ...طبعا حاجة تفقع المرارة

تخيل انت معاك 59.60 مليون وبتعمل ارباح 240 الف

وكمان مجالك اغذية ..

ده لو فتح محل كشرى ب 2 مليون هايجيبله اكتر من كدة

* عامة انت لو بعت هاتخسر حوالى 35 فى المية

عاوز رأيى المتواضع ..بيع ...وخد هيرمس قرب ال 12

وطالما عاوز تصبر ..اصبر فى هيرمس ..وهاتعوضك ان شاء الله

ولو متردد ..بيع النص وادخل بيهم هيرمس

وامسك العصايا من النص ..

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس