عرض مشاركة واحدة
قديم 05-22-2012, 02:23 PM   #13925
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 05-22-2012 الساعة : 02:23 PM
افتراضي رد: الأسهم النارية فى البورصة المصرية

نصــــــــــــــــــــــــــــائح منقولة ليوم الانتخابات:

خلص صلاة الفجر وتاخد بعضك مباشرة إلى لجنة الإنتخاب


وتقف فى دورك من بدرى .

2- إركن عربيتك بعيد عن اللجنة ، وما تفرحش إنك رايح بدرى

ولقيت مكان أمام بابها ، لو عملت كده إبقى أرجع خدها بعد يومين .

3- نصيحة ما تدخلش فى مناقشات جدلية مع الناس وإنت واقف فى الطابور .
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060431538

4- خد بالك التصوير داخل اللجنة بالمحمول أو غيره جريمة ،

يعنى لو عملتها هتطلع م اللجنة على النيابة .

... 5- ما تنساش بطاقة الرقم القومى ..... جديدة وسارية علشان التلاكيك .

6- ما تاخدش ورق من حد ، خلاص إنت عرفت هترشح مين ،

وما فيش داعى تزبل الأرض من حواليك ... بإيديك .

7- خللى بالك فيه ناس سليمة وبعافية وبستعبط وتمسك عكاز

ولا تربط دراعها فى رقبتها بشاش ، علشان تاخد دور استثنائى مع كبار السن .

8- ما تستظرفش وتحاول تكت م الحبر الفسفورى ،

لو إتمسكت فى حوش اللجنة ...... قضية !!

9- لو فتحت بقك وإنت واقف فى الطابور وقلت ( فلول ) هتضرب

، ولو قلت مش هأرشح الإسلاميين هتتعجن ، خللى لسانك فى بقك

وإنتخب وأنت ساكت .

10- نصيحة ما تاخدش مراتك معاك ...... طابور الستات بيبقى طويل

، وهتخلص قبلها وهتقعد تستناها ، ولو أخدت حماتك معاك ،

يبقى عليه العوض .

11- لو نزلت متأخر ... خد معاك كرسى بيتقفل ويتفتح ،

وإزازة ماية معدنية وكوباية ، علشان المتطفلين هيخلصوها

ومش هتاخد منها ( بؤ) ...

12- إوعى تغير رأيك وإنت واقف قدام الورقة وما سك القلم

.. دماغك تلعب كده ولا كده ... هتندم طول عمرك !!

13- ما تاخدش الواد إبنك الصغير ولا بنتك الكتكوتة معاك ،

هتقولك ( بابى عايز أعمل .... ... ) وهتسيب الطابور غصب عنك

وترجع تقف م الأول تانى .

14- لو وقفت ع الباب ولقيت زحمة .... شوف مين اللى مسيطر من مؤيدى

المرشحين وروح كلم واحد على جنب وقول له أنا جى أدى

صوتى للراجل بتاعك ....... هتصوت بسرعة وهتمشى زى السكينة

فى الجاتوه .

15- أعمل حسابك على 4 ساعات لنفسك وزيهم مع المدام

.... ويبقى معاك فلوس علشان هتقولك بعد ما تخلصوا ،

ما فيش أكل فى البيت وتعالى إعزمنى بره .

16- ما تنساش تستخير ..... وتدعو الله أن يوفقك لإختيار الأصلح

لقيادة مصر فى الـ 4 سنوات اللى جاية ، وطبعا هيطمع فى فترة تانية

، وهيغير الدستور ويخليها مدى الحياة .

17- ما تفطرش قبل ما تنزل علشان ما تلاقيش نفسك عايز

( تعمل زى الناس ) وخللى بالك الشاى مدر للبول ...

كله علشان ما ترجعش تقف م الأول تانى .

18- لو حد سألك عن الدكتور محمد مرسى قلهم حبيبى

، ولو سألك عن أبو الفتوح قلهم ربنا يفتح عليه ،

ولو سألك عن عمرو موسى قلهم راجل مجدع ولو سألك عن شفيق

قولهم ربنا يتولاه ، ولو سألك عن حمدين

... قولهم انا جاى م الصبح علشان يبقى يوم صباحى .......

19- أخيرا ..... إجلس فى بيتك ..... وتابع التليفزيون والراديو

..... وتوكل على الله ..... وحط فى بطنك بطيخة صيفى

... مصر بخير ان شاء الله

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس