عرض مشاركة واحدة
قديم 06-01-2012, 02:29 PM   #13996
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 06-01-2012 الساعة : 02:29 PM
افتراضي رد: الأسهم النارية فى البورصة المصرية

مستقبل مصر ...

بقلم / على يوسف


* للأسف الشديد ياسادة ياكرام ...مصرنا الغالية ستدخل نفقا

مظلما ...سواء كسب الفريق احمد شفيق ..او الدكتور محمد مرسى

فى كل الأحوال ..الأوضاع ستكون سيئة ..

* احمد شفيق لاشك انه مؤيد وبقوة من لصوص الزمن القديم ..

وهم يريدون ان يرجعوا هذا الزمن لمصرنا ...ان تعود الرشاوى بكثرة

والمحسوبية ..وغيرها من الأوبئة التى زرعها مبارك واهله فينا كشعب ..

والشعب اغلبه يقولك ياسيدى عادى

..ايه يعنى لما نص الشعب يموت بالأمراض

المسرطنة وفيروس سى

..ايه يعنى لما المعتقلات تتفتح وكرامة المواطن تتداس

ايه يعنى لما نتحشر فى اتوبيسات النقل العام ...

ايه يعنى لما كانت الحكومة تتدبر الفتن الطائفية وتدخلنا فى قصص وحوادث

من صنعها ..

ايه يعنى لما يكون اعلامك يجيبلك حالة من اللا وعى ...

ايه يعنى لما الأرجوزات هما اللى يكون ليهم مستقبل فى هذا الوطن

والمبدعين والعلماء مايكونش ليهم مكان ...

ايه يعنى لما تلاقى ناس من الشعب المطحون بتاكل من الزبالة ..ويسكنوا فى العشوائيات

اكيد ربنا هايكرمهم وهايدخلوا الجنة ..العذاب اللى هما فيه ده مجرد تكفير لسيئات

خليك راجل مؤمن ...

المهم الأستقرار ...واننا نحافظ على خط الفقر اللى احنا فيه الان ...

من المهم الأستقرار ..والحفاظ على الأمراض اللى اصابت الشعب كما هى

والحفاظ على نسبة الجهل والتخلف كما هى ...

انها مكتسبات مهمة ...ولابد الحفاظ عليها

* ايه يعنى لما رغيف العيش تاكله تلاقى فيه مسامير وزلط ...اما شعب

غاوى رفاهية صحيح ...

* ايه يعنى لما الشباب مايشتغلش ..ولما البنات تعنس ...اعترضوا على حكمة ربنا

بقة ...


* ايه يعنى لما الموظف الغلبان ياخد 1000 جنيه ومديره ياخد 100 الف ..

بطلوا الغل والحسد اللى جواكو ..ده رزقه ..

* ايه يعنى لما الحكومة تقولك كلام ووعود ولا تنفذ شيئا

...طيب بذمتك مش الكلام عجبك ..عاوز ايه تانى

...هاتقولى برنامج اصلاح ..ياراجل ..انت بتصدق ...

والله العظيم انت راجل طيب ...

* بتسألنى هو احنا هانرجع تانى للعصر اللى فات ..هههههههههه

يابنى هو احنا كنا سيبناه اصلا ...

هو انت لسه يابنى معتقد انك عملت ثورة ...تبقى غلطان ..ومش فاهم حاجة

انت فكرك احمد شفيق ده لوحده ...لا ...انت هتلاقى كل المحليات والحزب

الوطنى ولجنة السياسات ..وكل رجال الأعمال ...

وطبعا المجلس العسكرى هايكون مع شفيق ..لأن العقيدة العسكرية

صعب انه يؤدى التحية العسكرية لمن ليس عسكرى ...

لما تسقط كل دول ياشاطر ابقى قول انك عملت ثورة ..انت هاتفضل كدة

مش أقل من 10 سنين ..مش عاجبك هاجر ...او انتحر ...

لكن انسى انك تعمل ثورة ...

هاتقولى ارشح دكتور محمد مرسى ...ولو فرضنا انه نجح

انت فكرك ان الأخوان كويسين ..تبقى غلطاااان ...ولم تقرأ تاريخهم

هما مش قالوا انهم مش طماعنين فى السلطة ولا مجلس الشعب

عملوا ايه ...خدوا مجلس الشعب والنقابات وعاوزين الرئاسة والحكومة

واضرب راسك انت بقى فى الحيط ..

طيب وبقية التيارات فين تمثيلها ...مفيش ...هو كدة اذا كان عاجبك

ايه ده ..انت مش عاجبك الحكم الأسلامى ...استغفر الله ...لقد خرجت

على ملة الأسلام ...

فاكرين ميزانية الجيش اللى عملنا عليها ضجة ..وازاى ماتكونش عليها رقابة

هههههههههه ..مجلس الشعب فى لائحته قرر ان ميزانيته لا تخضع للرقابة

والله انتوا طيبين جدا ...ممكن اسأل سؤال برئ ...هو فيه حد عارف مشروع

النهضة كويس ..طيب ممكن الأخوان يناقشوه بتفاصيله امام الشعب ..

مش هايحصل ...

هو انت لسه عندك اعتقاد ان فيه حد بيحب البلد ديه وعاوز مصلحتها

مش مصلحته هو ..يبقى اكيد انت ياصاحبى عايش فى المدينة الفاضلة

كل اللى قصادك ده كدب وخداع

...عالم بتلعب سياسة مش هتاخد منها غير كدة ...

عليك الأنتظار ياصديقى العزيز اعواما أخرى كى تقوم بثورة حقيقية !!!!!!
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060436469


 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس