عرض مشاركة واحدة
قديم 06-04-2012, 03:39 AM   #14010
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 06-04-2012 الساعة : 03:39 AM
افتراضي رد: الأسهم النارية فى البورصة المصرية

كيف تصبح مشهورا فى الحياة السياسية

بقلم / على يوسف

* لابد ان تحصل على احدى الألقاب المهمة فى الحياة السياسية

وهناك القاب عديدة على حسب انت عاوز ايه ..فيه عندك لقب ثورى

ولو عاوز تتمنظر ..ثورى حر ...ولو نفسك تتفشخر يبقى المناضل

بس ياصديقى هذه الألقاب لا تجعلك مشهورا ولابد من القاب محددة

وهى ناشط سياسى ..ناشط حقوقى ..ناشط والسلام ..

* ولا بد ان تنتمى لأى حزب ان شاء الله يكون حزب مغمور او تحت التأسيس

ومش مهم تواجده او عدم تواجده فى الشارع ...
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060437481

* فى حالة انك مش تابع لحزب او تنظيم ..يبقى لازم تكون تابع لحركة

مش مهم ..انت ممكن تفتكس اى اسم لحركة

...يعنى حركة الهنود الحمر لتحرير مصر

..او حركة روحوا انتوا انا مش فاضى ...

وكل لما يكون الأسم غريب

..كل لما الناس يتشد انتباهها وتتجنن اكتر ..وهو المطلوب اثباته

* مش عندك لا ده ولا ده ...يبقى اضربلك اى اسم ائتلاف ..

وخلى اسم الثورة فى النص ..

يعنى مثلا ..ائتلاف الثورة راحت الثورة جت ..

او ائتلاف شباب الثورة التقدمى الوحدوى ...

واعمل لنفسك برستيج ..وقول انك رئيس الأئتلاف ..

او المتحدث بأسمه ..قال يعنى فيه حد تانى غيرك فيه

* ومن المهم عندما يتم سؤالك فى احدى القنوات الفضائية ان تعترض

مش مهم بتعترض على ايه ...المهم انك تعترض وتزعق جامد ...

ويكون لديك قدرة على الردح السياسى المتواصل ..

ولابد وانت تتحدث ان تأتى بكلمات مهمة فى حديثك وهى حب الوطن

والنهوض به ...وعيش حرية عدالة اجتماعية ...والكرامة ..والثورة ...

والديمقراطية ...وعصر جديد من الحرية ...ونريد ان نتنفس ...وهلما جرا

* ولو عاوز تظهر اكتر وتبقى نجم الشاشة اشتم الوزرات السيادية للدولة ..

وافرش ليهم الملاية ...هتلاقى كل القنوات الفضائية بتتهافت عليك

* ولو عاوز تبقى نجم سوبر ستار .. اعمل اى قصة ..او اضرب اى اشاعة

والناس هاتصدقك ...قول ان سيدنا الشيخ اللى بيهاجمك يبقى متجوز

من واحدة بعقد عرفى ...او انه عنده ارض ...والعياذ بالله

او انه اخد الدكتوراة بتاعته من دولة الكفر والألحاد ..امريكا ..

امريكا ياأمة الأسلام ..

لقيت الناس ولا على بالها ..شكك فى الدكتوراة نفسها

شكك فى اى حد بيهاجمك وزعق جامد وخليك ثابت فى كلامك

وقول انك معاك مستندات وهاتكشف كل حاجة

...ماتخافشى ديه كلمة ...انت عمرك شفت حد طلع مستندات

من اللى قالوا قبلك انهم معاهم مستندات ..

وهكذا ياصديقى تكون مشهورا فى هذا الوطن ..

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس