عرض مشاركة واحدة
قديم 06-13-2012, 04:20 AM   #14096
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 06-13-2012 الساعة : 04:20 AM
افتراضي رد: الأسهم النارية فى البورصة المصرية

اقتباس : المشاركة الأصلية كتبت بواسطة hussiensoon مشاهدة المشاركة [ مشاهدة المشاركة ]
مساء الفل افندينا حضرتك مش شايف ان غريبة جدا ان اوراسكوم للاعلام يبقى ب 1.29 والسهم هيوزع كوبون ب 1.05 وكمان فيه حاجة تانية الارباح دى على فكرة مش متحدد ازا كانت دى ارباح بيع اسهم موبينيل ولا لا يعنى الخبر بيقولك ان دى ارباح من بداية التأسيس لحد 7 يونيو ومجبوش سيرة الارباح دى تفاصيلها ايه والنهاردة سى كابيتال بتوصى بشراء السهم وبتقول احتمال تكون دى جزء من ارباح صفقة موبينيل يعنى ايه احتمال دى يعنى ممكن يوزع مرة تانية الايام الجاية دى هل المفروض السهم ده الحرامية لموا الكمية الى عاوزنها وهيصفروا السهم لغاية يوم الجمعية ولا السهم هيفتح ويتلعب فيه تانى؟

مساء الفل ياريس ..

بالفعل انا كتبت تلك الملحوظة ..ازاى يبقى ب 1.29 ويوزع 1.05

ديه حاجة توصل لدرجة الفلسفة ....

لكنى تعودت ان اصدق الشاشة ..كدة مفروض السهم لا يفتح ويفضل

مصفر عروض ديه حاجة بديهية ومفروغا منها ...ليه

اى مستثمر هايشوف السهم بتلك الأسعار هايشترى ..

مش مهم حكاية الشراء ديه .المهم ان المستثمر ده مايكونش بيبيع

الأسهم التانية ..فتنتقل سيولة السوق الى المحروس بسلامته

اوراسكوم اعلام ..

يبقى لازم صانع السوق يمنع هذا فى الوقت الحالى على الأقل ..

لأن الحدوتة ديه معمولة لسند السوق ..ورفع المؤشر ..

يبقى السهم يصفر ..

اللى يكشف السهم بقة هى نقطة التحليل الرقمى للحاج على يوسف

وهى ال 1.75 ...لو عداها هتلاقى السوق المصرى بيزغرد ..

* من ناحية الحيتان لموه ..معاك انا فى الحتة ديه ..اقولك على موقف

حصل معايا انا شخصيا ..انا طبعا بدير محافظ كبيرة لرجال اعمال ..

قال لى احدهم اول لما نزل هذا السهم على الشاشات ..

قالى انا عاوز مليون سهم فى اوراسكوم اعلام فى المحفظة واتركهم

لى ..فقلت له ماشى ...وكان وقتها السهم ب 1 جنيه ...

فقالى ايه رأيك نحتفظ بيه اد ايه ...فقلت له متفلسفا ..انا شايف نحتفظ

بيه لمدة 5 سنوات ..فرد عليا ضاحكا ..لا انا شايف كفاية 3 سنوات

طبعا انا كنت بوصى بببيع السهم لو لم يتعدى ال 1.75 ..

ثم قلت السهم وهو ب 1.50 مش حلو ومش هايطلع الان ..

طبعا الراجل كان قرب يتشل منى ...ولقيته بيتصل بيا فى يوم ..

وبيسألنى عن السهم ..هل احنا بعناه ..فقلت له لا ..السهم معانا

لمدة ثلاث سنوات ..فرد قائلا ...يعنى السهم معانا وعمال توصى ببيعه

..روح ياشيخ اللى يخرب بيتك ..وضحكنا ..

فهو يعرف اسلوبى ..فقد كنت اقول على كيما انها نازلة ل 8 جنيه

وهى ب 16..ومعايا السهم ...

حكاية السهم طالع او نازل العبد لله بينسى تماما السهم معاه ولا لأ ..

المهم اللى عاوز اوصله لسعادتك ان المعلومة هى اهم حاجة فى

السوق .. وخلى بالك من نقطة مهمة جدا ..ان المعلومة اللى بتعمل

طفرة هى اللى بتاخد وقت اطول ..يعنى بعد ثلاث سنوات ممكن تلاقى

اوراسكوم اعلام ب 10 جنيه ..هذا وارد

المهم المعلومة ...زى معلومة يوتوبيا انها خلال 3 سنوات هاتوزع

كوبونات محترمة اد سعرها الحالى ..وتبيعها بعد الكوبونات الثلاث

فوق ال 40 او 50 جنيه ..يعنى سهم هايعمل 50 ضعف لكن الناس

مش هاتنتظر ال 3 سنوات لأن الناس عاوزة المكسب القليل السريع

للأسف شغل الحيتان الكبيرة بيكون

مكسب قليل سريع + اسهم بيكونوا محتفظين بيها تماما لمدة زمنية

..ياريت الناس تقدر تعمل كدة ..

عذرا ان الرد كان فيه تطويل ...شكرا جزيلا وتقبل تحياتى العطرة

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس