عرض مشاركة واحدة
قديم 06-15-2012, 10:52 AM   #14147
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 06-15-2012 الساعة : 10:52 AM
افتراضي رد: الأسهم النارية فى البورصة المصرية

اصبحت وانت تسير فى الشوارع ترى نقاشات سياسية
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060441612

بين كافة قوى الشعب المطحون ..

كل واحد اصبح له اراءا سياسية ..

على رأى جورج سيدهم فى مسرحية المتزوجون

..بتفهم فى السياسة ياض يامزيكا ..فرد عليه نجاح الموجى

..ساخرا .. أنا الشعب

شئ عجيب ..لكن الناس غلابة عاوزة تعيش يومها

..ام احمد عاوزة تجوز بنتها وخطيب بنتها الدنيا ملطشة معاه

علشان عدم وجود ريس ..

يبقى لازم ريس علشان البت تتجوز ...

وحاج ابراهيم يقولك اللى يكسب يكسب

احنا عاوزين نعيش يابنى فى اماان .

.وعم درويش يقولك يعنى هى هاتفرق مين اللى هاييجى

..ماهو كله بيعمل لمصالحه ..

ويتحرق الشعب ..

والحاجة ام داليا تقولك خليها على الله يابنى

..ربك رحيم ..وان شاء الله منصورين ...ثم تسترسل قائلة

انت فاكر الهكسوس ..,وأقول لها... لا والله ياستى اتولدت بعدهم على طووول

..وتضحك وتقولى مش قصدى .

.بس هما مش قدروا على مصر ..خليها على الله .

ومع انى مش فاهم ايه اللى جاب الهكسوس فى الموضوع بس عادى

..يعنى عاوز ام داليا تقولك ايه

كل واحد بيتكلم عن العصر اللى عاشه ...هههههههههه

اما الحاج محمود البورصجى ..تلاقيه قاعد حزين ومكسور ..

وعمال يشكى حاله لنفسه ..دنا كان معايا فلوس ..ايه اللى حصل

طيب اقول لأولادى ايه ..اقولهم ابوكم دخل العبوات الطبية

ب 7 وبقت ب 1 جنيه

ولا اقولهم ابوكم السوق بينزل بيه بقاله 5 سنين ..

طيب والفلوس اللى ضاعت ديه هاقدر ارجعها ليهم تانى ..

ثم تجده يزعق صارخا ...هو البورصجية دول بيشيلوا بلاوى البلد كلها ..

اى حاجة البورصة تقع ...الله يخرب بيوتهم زى ماخربوا بيتنا ..

ويذهب الى القهوة اللى بيقعد عليها ..نفس الشلة اياها بتاعة البورصة

كل واحد معاه سهم حاسس ان السهم ده هو اللى هايفتح عكا

واترك الحاج محمود فى القهوة و اجدنى اتجول فى الشوارع وانظر للناس

اتطلع فى الوجوه فأرى الحزن ساكنا ..والخوف من المستقبل

كل رب اسرة يعود الى بيته فى اخر النهار ينظر لأولاده ويحدث

حاله دون ان يسمعه احدا منهم ..ياترى يابكرة مخبى لينا ايه

جواه خوف وحزن على اولاده لكن مش قادر يبين علشان مش يقلقوا ..

مش عاوزهم يحسوا بقلقه وخوفه عليهم

ويروح يصلى ويقعد يدعى ربه ..يارب انت عالم بحالى ..

استرها ياكريم ..وعدى تلك الأيام على خير ..

هذا هو حال الشعب المصرى ..حفظ الله مصر ..

واوصلها لبر الأمان ان شاء الله

 


اخبار مصر - الذهب - تحويل العملات
فوركس - تجارة فوركس

محمد على باشا غير متواجد حالياً

 

رد مع اقتباس