عرض مشاركة واحدة
قديم 06-20-2012, 08:54 AM   #14252
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 06-20-2012 الساعة : 08:54 AM
افتراضي رد: الأسهم النارية فى البورصة المصرية




حكايات مصرية

بقلم / على يوسف


* شعبنا مختلف عن كل شعوب الأرض ..

احنا ولله الحمد لما كان فيه اتنين بيتنافسوا على رئاسة الجمهورية

نجحنا الأتنين ...واحتفلنا بيهم ..علشان محدش يزعل

* احنا ولله الحمد نص الشعب عنده خبر وفاة مبارك

..والنص التانى من الشعب عارف ان مبارك صحته حلوة ..

* احنا ولله الحمد نص الشعب مش طايق الاخوان

..والنص التانى عاوز يرجعهم مجلس الشعب

* احنا ولله الحمد نص الشعب مش عاوز حكم العسكر ..

والنص التانى مع بقاء العسكر

* ثم العبد لله متأكد ان محمد مرسى اللى هايكسب ومن زمااان كماان

تقولى ازاى ..اقولك السر فى العوكش ...توفيق عكاشو ...

الراجل ده منحوس موكوس ملبوس ...يبوس ايد صفوت الشريف

يتحبس الحاج صفوت ..يقوم بتأييد مبارك ..يتخلع ويتحبس مبارك

يقوم بتأييد مرتضى منصور ...يقوم مرتضى ياخد حكم بالحبس ويحاصروا

بيته للقبض عليه .....ثم بعد ذلك يعلن تأييده ل عمر سليمان للرئاسة ..

يقوم عمر سليمان يطلع من السباق الرئاسى علشان كام توكيل ...

ثم قام بتأييد احمد شفيق ...يبقى اكيد ودون ان تستمع لأى تقارير

...خلاص ...البركة حلت

* طيب لما حوالى نص الشعب عاوز شفيق ..يبقى عملنا ثورة ليه وشيلنا

الحاج مبارك

* ثم انت مستغرب ليه ياصديقى العزيز ..الشعب المصرى طول عمره كدة

هو مش النادى الأهلى فى الزمالك ...وهندسة بنها فى شبرا

..وجامعة عين شمس فى العباسية

..ومدينة 6 اكتوبر تابعة لحلوان ومالهاش علاقة بكوبرى 6 اكتوبر

اللى على النيل ..

يبقى مستغرب ليه لما محمود سعد يقولك انه مع فقراء هذا الشعب

وهو بياخد ملايين ...

مستغرب ليه انه حتى الان معرفناش اذا كانت ام الشيخ حازم

امريكية ولا مصرية ...

مستغرب ليه لما نعمل انتخابات مجلس الشعب على قانون غير دستورى

وكل فقهاء القانون عارفين بالكلام ده ومايتكلموش والدولة تضيع مليارات

ويتم حل مجلس الشعب ونخسر الراجل اللى كان بيؤذن فى المجلس ..

ونخسر السيدة الجليلة أم ايمن ....

ونخسر استاذ علم النبات ..والفقيه القانونى الدكتور الكتاتنى ..

ونخسر البطل والعميل المزدوج ..عصام بك سلطان

ثم الطريف فى الموضوع ..انه يقولك احنا جينا بالإرادة الشعبية ..

طيب ياسيدى لو انت متأكد ان الشعب هو اللى جابك ..وان هذا الشعب

لسه على رأيه فيك ..ماذا سيضرك لو اعادوا الأنتخابات ..

طبعا 75 فى المية من اعضاء المجلس ده مش هايشوفوه تانى ..

ثم تسمع حاجات عجيبة ..يقولولك هانعمل مظاهرة وهاندخل الأعضاء

جوة المجلس ...مش فاهم يعنى ايه ...عافية يعنى يابو الكباتن ..

ثم ازاى الجهة المنوط بها التشريع لا تحترم احكام القضاء الدستورى ..

ديه مصيبة سودا

مصر فى حالة هيصة ..اى حد عاوز يعمل حاجة يلم مجموعة ويقول

مفروض نعمل كذا ..وكله بقى خبير استراتيجى وفقيه دستورى

وثورجى ومناضل ..ورجل اقتصاد ..ورجل دولة وسياسى محنك ..

وبرامج التوك شو شغالة على ودنه ..تخليك تكره اخوك ..وعاوز تقتل اختك

ياناس ارحمونا ..ارحموا هذا الشعب الطيب

..ماتلعبوش فى دماغ الشعب اكتر من كدة ..لأن الناس والله قربت تتجنن

طيب والله العظيم ...قابلت شحات امبارح ..فقلت اديه شئ وربنا يسهله

لقيته بيقولى تفتكر مين اللى هاينجح شفيق ولا مرسى ..

فقلت له ياحاج مش فارقة ...انت كدة كدة هاتشحت ايا كان الرئيس القادم

...ووجدته يضحك ساخرا ...ويقولى ..صح ..على رأيك ..مش فارقة ..

وضحكنا .................
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060444487


 


اخبار مصر - الذهب - تحويل العملات
فوركس - تجارة فوركس

محمد على باشا غير متواجد حالياً

 

رد مع اقتباس