عرض مشاركة واحدة
قديم 06-27-2012, 03:48 AM   #14376
 

كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 06-27-2012 الساعة : 03:48 AM
افتراضي رد: الأسهم النارية فى البورصة المصرية

اقتباس : المشاركة الأصلية كتبت بواسطة محمد على باشا مشاهدة المشاركة [ مشاهدة المشاركة ]
انا ومروة و إسلاموفوبيا

قصة قصيرة ..بقلم / على يوسف

جاء لى صديقى الى المنزل ...وهو من الأصدقاء

المصابين بفوبيا الأسلام السياسى ..

وقال لى ..على ..ارجوك شوفلى بسرعة قنوات التت ومزيكا

والمولد ..وغيرها موجودة فى الدش ولا الإخوان شالوها ..

وقلت له معتذرا ..اننى للأسف شايل تلك القنوات من عندى

من الريسيفر ..فقال بنبرة حزينة..ياخبر مش فايت ..

يبقوا شالوها الجماعة الإخوان

وانت مش عاوز تقولى ...وقعدت احلف ليه انى فعلا شايلهم

لكن مفيش فايدة ...ثم نظر لى وقال ..بص انت تطلع للجيران عندك

وتشوف القنوات ديه شغالة ولا لأ ..وقلت له محتجا ..

ازاى بس ..مش هاينفع ..فقال ملحاّ فى الطلب ..ارجوك ياعلى .

.لازم اعرف الناس الإخوان ديه ناوية على ايه ..

واضطررت الى ان اذهب الى احدى شقق الجيران

..واخترت شقة مروة ..وهى بنت جامعية ..وخبطت على الباب

..وبالفعل فتحت ...وقالت بابتسامتها المعهودة

..ازيك يااستاذ على ..فقلت لها الله يسلمك يامروة .

..بقولك ايه يامروة .. هى قناة التت والمولد وروتانا كليب شغالين .

.فنظرت لى ..ولم تمنع نفسها من الضحك ..ثم قالتلى ..طيب ياعلى

..هاشوفهالك ..

ثم غابت 5 دقائق ثم عادت ..وقالت لى وكأنها تزف لى البشرى

مبروووك ياعلوة كل القنوات اللى انت عاوزها شغالة يامنحرف ..

وحاولت افهمها ان غرضى من السؤال حاجة تانية خالص ..

لكن تقول لمين ..وجاءت اختها الصغرى وهى طالبة بالثانوى

ووجدتها تهمس لى قائلة ..لازم تتجوز وفى اسرع وقت .

.انت حالتك بتسوء يوم بعد يوم ...وهممت ان اوضح لها الأمر ..

فاذا بأخوها الصغير يقتحم الحديث ويجذبنى من قميصى

..ويضع ورقة فى جيب البنطلون ..وسألته فى تعجب .

.ورقة ايه ديه ياحاج هشام ..فقال فى براءة شديدة ..

ده موقع ع النت ..احسن من القنوات ديه .وبيس يامان..

ونظرت له محملقا ..واحببت ان افهمه الموضوع ..ولكن كالعادة ..لم يستمع لى ..

وعلى الجانب الاخر كانت الحاجة ام مروة فى بلكونتها تتحدث مع الجيران

وتقول لهم فى براءة شديدة ان سى الاستاذ على

مش عارف يجيب قناة التت ..وانه ملهوفا عليها ..

لدرجة انه طلع يسألنا ..الله يخرب بيتك ياام مروة ..

اما زوج ام مروة ..عم حسين ..فخرج لى بشبشب الحمام

..وببيجامته المقطعة صارخا ..يابنى اتجوز ..وارحم نفسك ..

واحببت ان اوضح له الصورة ..لكن تقول لمين ..

أخذ فى خطبته العصماء حول فوائد الزواج ...وبعد ان فرغ منها

..قلت له ان شاء الله ..وذهبت حيث شقتى ..

وسألنى صديقى ابراهيم المصاب بفوبيا الأسلام السياسى ..هاه ..خير

...القنوات شغالة ..فقلت له

شغالين ياعم ..فقال مستعجبا بجد ..ولا بتضحك عليا ..

فقلت له ياعم ارحمنى ايوة ..والله شغالين ..

وفجأة وجدت مروة بنت الجيران امامى ..فقلت لها مستفهما

هاه فيه حاجة يامروة ..فقالت لا ..بس انا كنت بتطمن انك جبت

القنوات ..ووجدت ابراهيم صديقى يقول لها ..

مروة هى القنوات شغالة عندكم ..فأشارت بالإيجاب ..ثم وجدته يقول لها طيب

...ارجوكى يامروة ..ممكن تقوليلى بصراحة ..حد طلب منك تتحجبى

...ولا لسه ...فنظرت مبتسمة وقالت له لا ..بصراحة محدش طلب

...ثم نظرت وهمست لى برقة شديدة ..هو انت عاوزنى اتحجب ياعلوة

..ووجدتنى مغشيا عليا ..ولا اردد الا جملة واحدة

..الله يخرب بيتك ياابراهيم ...




اولا الف مبروووووووووووووووووووك علي الجواز وربنا يتمم بخير ان شاء الله وماتنساش تعزمنا
ههههههههههههههههههههههههه اسلوبك القصصي الساخر جميل جدا غير انك موهوب بالفعل
حزين جدا لسماع رغبتك في ترك الباب شويه لقله المتابعه .......... ولا اعتقد ذلك
الباب فيه معلومات وتقارير مهمه عن الاستثمار واحيانا عن السياسه معده بشكل رائع المشكله مش في التقارير المشكله في قله الناس الي بتابعها والي عندها رغبه في الاطلاع الغالبيه عاوزه تدخل تلاقي توصيه صريحه وتريح دماغها فطبعا لما يقلب كذا صفحه ما يلاقيش ضالته بيخلع طبعا ده مش مبرر عشان الناس المهتمه تتحرم من الماده دي عشان ناس بتكسل تزيد من معرفتها ووعيها خاصه انها لا تبذل المجهود الي يبتعب صاحب التقرير فيه لذلك يجب ان تستمر
غالبيه البورصجيه عاوزين اسهم فرقعه لو سهم فرقع كل فتره في باب والف سهم قدامه وقع يفتكروا الي فرقع وينسوا الباقي طالما جيه واحد بعد الوقيع فرقع ولانها ليست عادتك فانا لا اطالب بذلك ولكن اوضح الاسباب
كل ما استطيع التقدم به من نصائح :
التعليق اثناء الجلسه كلما امكن ولو لم يكن في سؤال تعليق شخصي لابداء الراي في السوق ومساعده الزملاء الي بينتظروا راي فني في بعض الاسهم مثل بيع وشراء حتي لو مافيهاش توصيه من الباب وابداء راي في السوق لحظيا او اصطياد فرص.............
زياده الجرعه التقريريه المرتبطه بالسوق المصري والاخبار المتعلقه بيه يعني ممكن ملخص يومي في صوره ماحدث بالامس في السوق والدعوم والمقاومات لمعرفه اتجاه السوق وتعليق علي اي اخبار او احداث او توقع وتعليق للاسهم بشكل مختصر والحوار حيفتح اسئله كتير ...........
توصيات صريحه في بعض الاسهم توضيح نقط الخروج والاحتفاظ وتعليق في التقرير المسائي عنهاان جد جديد ول تكون مثلا سهم في كل قطاع شايفه ممكن يشتغل في الاسبوع ده يبقه سهم الباب الاسبوعي لو ظهر حاجه تانيه نضيفه ونقاط الدعم والمقاومه .............
انا عارف ان كل ده بيحصل لكن محتاج لترتيب وتغيير للشكل وتنظيم
اخيرا ان ما تفعله لوجه الله والثواب من عند الله فلا تحزن ان لم تجد التقدير من بعض الناس وتاكد ان الثواب من الله اكيد طالما توافرت حسن النيه
لك تحياتي

 


اخبار مصر - الذهب - تحويل العملات
فوركس - تجارة فوركس

abdo73 غير متواجد حالياً

 

رد مع اقتباس