عرض مشاركة واحدة
قديم 06-29-2012, 04:33 PM   #14409
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 06-29-2012 الساعة : 04:33 PM
افتراضي رد: الأسهم النارية فى البورصة المصرية

اقتباس : المشاركة الأصلية كتبت بواسطة ahmedkhiry مشاهدة المشاركة [ مشاهدة المشاركة ]
السلام عليكم ورحمة الله وبركاته
شاكر لحضرتك ا / محمد على مجهودك المتميز ومبروك
وسؤالى هو
دلوقتى تم اقرار توزيع الكوبون بالنسبه لأوراسكوم أعلام واتصالات ومعاد الحق فى صرفه بعد اسبوعين تقريبا طب ايه الافضل نبيع السهم ونصرف الكوبون ولا نصرف الكوبون الاول ونبيع السهم علطول بعديه ولا ناخد الكوبون ونستنى عالسهم بعد كده
لان فيه اللى بيقول ان السهم هيعلى بعد صرف الكوبون لانه ماليا قوى والحاله السياسيه فى استقرار نوعا ما واخرون بيقولوا ان السهم بعد صرف الكوبون هينزل بقيمة كوبونه يعنى يوصل ل 40 قرش تقريبا كما كان الحال بالنسبه لعامر عندما اقرت سهم لكل سهم ثم هوى للاسفل بعدها

والسؤال الثانى هو ما هما اقوى 3 اسهم بالترتيب بعد اوراسكوم اعلام من وجهة نظر حضرتك ولم يتعدوا ال5 جنيه

واسف للاطاله فى الاسئله وانما هى من واقع واحساس الثقه
وجزاك الله كل خير

وعليكم السلام ورحمة الله وبركاته

الله يكرمك يارب ..الله يبارك فى سعادتك ..

هو انت لو قمت ببيع السهم قبل نهاية الحق فى الكوبون ..مش

هاتصرف كوبون ...لازم يعدى عليك نهاية الحق فى الكوبون

يبقى كدة عندك 3 احتمالات

الأول ..نبيع السهم لما يرتفع قبل نهاية الحق

الثانى ..ناخد الكوبون ونبيع السهم على طول

الثالث ..ناخد الكوبون ونصبر على السهم

بالنسبة للعبد لله ومن وجهة نظرى المتواضعة ناخد الكوبون

ونصبر على السهم ..لأن المخاطرة هاتكون قليلة جدا

يعنى انا لما وصيت بيه اكبر واحد اخد يومها ب 1.35 وده كان اعلى سعر

وانا كنت قايل 1.34 و 1.33 ..

تعالى نشوف الفرض الثالث

هانقول الراجل اللى اخد السهم ب 1.35 اخد ال 1.05

هايتبقى ال 30 قرش ...من وجهة نظرك لو السهم نزل ...

يبقى بكام ب 15 قرش مثلا ...وهو فرض مش ممكن ...

عارف ليه ..اقول لسعادتك ..المصريين عندهم حكاية الحاجة الرخيصة

هاتها ..ويحصل عليها تهافت شديد لتدنى سعرها ..

طيب سعادتك معدل المخاطرة كام ..فى هذا المثال صعب التحقق

انت كل اللى خسرته 15 قرش ..من ال 1.35 ..يعنى قول 12 فى المية

علشان العمولة ..يبقى مخاطرتك 12 فى المية

طيب لو السهم ده نزل زى مااحنا كتبنا ..معنى كدة ان السوق المصرى

هبط وبشدة ...هادخل اشترى بالنقدية ال 1.05 فى اسهم هاترتد على

الأقل 40 فى المية ..يبقى برضوا فى اسوء الفروض ..كسبت

.................................................. ......................

طيب تعالى نشوف الفرض الأول

احنا هانبيع السهم عند ارتفاعه قبل نهاية الحق ..

طيب ديه مفروض تتعمل ازاى ...اقول لسعادتك

هانفترض ان سعادتك معاك10الاف سهم ب 1.35 ..يعنى 13500

والسهم ارتفع ل 1.75 ...وانا خايف ..هاعمل ايه ...

هادخل ابيع 20 فى المية من الكمية اللى معايا على 1.75

يبقى فى هذا الفرض هابيع 2000 سهم ب 1.75 = 3500

وهاخد كوبون 1.05 * 8 الاف سهم لأنى قمت ببيع الفين

قبل نهاية الحق = 8400

يبقى النقدية اللى دخلت جيبى ...

3500 + 8400 = 11900

واللى دفعته فى السهم 13500

يبقى ال 8 الاف سهم بعد توزيع الكوبون هايقفوا عليا

13500 -11900 = 1600

1600 / 8000 = 20 قرش

يبقى السهم واقف عليا ب 20 قرش ولو كنت خايف ممكن تزود نسبة البيع ..لغاية مثلا مايبقى ببلاش ..

يعنى سعادتك لو قمت ببيع النص قبل نهاية الحق

5000 * 1.75 = 8750

وهتاخد كوبون 1.05 *5000= 5250

يبقى انت اخدت 8750 + 5250 = 14000

سعادتك دفعت 13500 ..واخدت 14000 يعنى كسبت 500 جنيه

ومعاك 5000 سهم ببلاش ...ده فى حالة الرعب الشديد

...............................

الفرض التانى ..لا ارشحه ..لأنه بيكون اسوء فرض ..

لأن السهم بعد الكوبون بيكون لسه فى بداية الصعود ...

..............................................

طيب لو السهم رخم ومش طلع الطلعة اللى الناس متوقعاها

يبقى برضوا احتفظ وخد الكوبون لأن المخاطرة ضعيفة لقيمة الكوبون

العالية ...

...........................................

حدوتة هذا السهم لم تبدأ بعد ...

الأسهم الافضل من وجهة نظرى ...للأسف كلها فووق مستوى

ال 5 جنيه ..عامة هانشوف الأسهم اللى تحت ال 5

ونرى الأفضل بس المسألة عاوزة بحث ..ربنا يسهل


 


اخبار مصر - الذهب - تحويل العملات
فوركس - تجارة فوركس

محمد على باشا غير متواجد حالياً

 

رد مع اقتباس