عرض مشاركة واحدة
قديم 07-07-2012, 11:23 PM   #1
 

المنتدى : التحليل الفنى والمالى و المتابعة اللحظية قديم بتاريخ : 07-07-2012 الساعة : 11:23 PM
افتراضي تطهير البورصة من الفساد رجاء الدخول للأهمية

بالتعاون مع مجموعة البورصة المصرية

السلام عليكم ورحمة الله وبركاته
إخوانى الكرام صغار المستثمرين فى المخروبة المصرية (البورصة المصرية )

طبعا ما فيش أى واحد مننا إلا و خسر جزء كبير من أمواله و فيه بعض الناس خسرت كل أموالها و شقى عمرها أثناء عملها فى البورصة
و طبعا لتلك الخسارة عوامل و أسباب عديدة منها الجهل و عدم الخبرة بأسلوب المتاجرة فى البورصة و الأسهم و لكن فيه سبب تانى مهم جدا فى تلك الخسارة و طبعا ما فيش اى واحد مننا إلا لما جزء كبير من امواله ضاع بسببه ألا و هو فساد إدارة البورصة و عدم وجود شفافية و نزاهة فى نظام العمل بالبورصة ووجدنا أن ادارة البورصة التى يجب أن يكون فى مقدمة أولوياتها المحافظة على أموال صغار المستثمرين إذا بها تصدر القرارات التى تضر بالصغار و تجعلهم لقمة سهلة فى فم الحيتان و تسببت الإدارة الفاسدة فى ضياع أموال المستثمرين بالقرارات الغبية و العشوائية الغير مدروسة التى لو ارتكب عشرها فى أى بلد يحترم الشعب و كرامة المواطن لكان جزاء مرتكبها الاعدام رميا بالأحذية فى ميدان عام
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060454345

و لكن لأن المخلوع عليه من الله ما يستحق كان يستعبد هذا الشعب بكل طوائفه و استحل هو و اولاده و رجالهم من معدومى الضمير و الدين و الأخلاق أموال الناس و أرزاقهم و شقى عمرهم و أموال أولادهم و أصبحت تحتل مرتبة متقدمة فى الفساد على مستوى العالم .
و لو استعرضنا بعض قضايا الفساد الشهيرة التى ضرت بالصغار و ضياع أموالهم و أدت إلى انتحار البعض مثل :-

1- فضائح ساويرس و تلاعبه بأسهمه فى مؤشر البورصة يطلعه و ينزله زى ما هو عايز بمزاج أهله دون أى تحليل أو منطق وا نما بأسلوب البلطجة و اوراسكوم اعلام قدامكم خير دليل

2- تلاعبات سهم هيرمس لصالح جمال و علاء مبارك

3- سهم ايه آى سى اللى جاب للناس جميع أمراض الدنيا هو و أليكو

4- سهم أجواء و قضيته الشهيرة و اللى لسه شغالة لغاية دلوقتى و أخباره كل يوم على الساحة و دى من أكثر القضايا اللى بتبين فساد إدارة البورصة و قمة التلاعب و الرشاوى اللى دفعت و كم التزوير الذى تم تحت سمع و بصر رئيس البورصة ماجد شوقى الله يحرقه و أعوانه و رئيس هيئة الرقابة المالية زياد بهاء الدين و الشرقاوى و عمران و غيره الله يحرقهم جميعا و كأن مش مكفيهم أنهم يبيعونا لحيتان المصريين لأ كمان يبيعونا لحيتان العرب و الأجانب

5- سهم القلعة اللى الناس لبسته فى الطرح ب 12و نصف و وصل سعره فى بعض الأوقات ل 270 قرش

6- الواقعة الشهيرة لشطب 29 شركة فى 2010 بعد صعودها من 400% - 600% و الكبار صرفوا على الصغار بحجة أنها طلعت اكثر من اللازم و يطلع قرار متهور من شخص غبى اسمه ماجد شوقى و بجرة قلم الناس تلاقى نفسها لابسة الأسهم على أعلى سعر و مش كده و بس دا شطبنهلك كمان يا عم زيادة فى خراب بيتك يا عم الصغير عشان يبقى ضاعت فلوسك و أسهمك كمان و لغاية دلوقتى الشركات دى مرجعتش و لا حد حاسب حد بالعكس بيترقوا و يعينوا فى مناصب أعلى
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060454345

7- ما حدشه سأل نفسه ليه إدارة البورصة لغاية دلوقتى مش عايزة تطبق نظام ( تسوية الأسهم بعد يوم واحد من عملية الشراء ) مع ان رئيس البورصة من ست شهور قال خلاص القرار هايطبق و كذا مرة يوعد هو و رئيس مصر للمقاصة و مع مناشدة كثير من الناس لتطبيق تسوية اليوم الواحد و هما لا حياة فيمن تنادى

بالله عليكم كام واحد اشترى أسهم و على التسوية خسر فيها من 20 - 30 % بسبب تسوية اليومين و الإدارة المجرمة عارفة ان النظام ده بيخسر ناس كتير و مع ذلك مش راضيين يعدلوه و ده ان دل يدل على إنهم مش عايزين أى قرار فيه نفع أو خير لنا و لذلك موضوع التسوية المفروض يكون من أول القرارت اللى نطالب بتطبيقها فى أقرب وقت

8- من أحدث التلاعبات التى تتم فى الجورصة المصرية سهم العبوات الطبية اللى خرب بيوت ناس كتير و اللى نزل من7.5 جنيه إلى .98 قرش و سهم يوتبيا من 19
جنيه ل 770 قرش تحت سمع و بصر شلة المنصر المسما ة زورا و بهتانا إدارة البورصة و غيره و غيره غيره .من التلاعبات و الجرائم اللى عاوزة كتب علشان تكفى ذكرها ........

و طبعا احنا كصغار مستثمرين نأخذ فوق دماغنا و نخسر فلوسنا و نستدين و يركبنا الهم و الكرب و الدين و يتحرق دمنا و نخسر صحتنا فوق كل ده و مش عارفين نعمل ايه و نشتكى لمين لأن الفساد معشش فى كل جنبات و مصالح الدولة
و لكن من رحمة ربنا بنا أنه ولى علينا رجل نحسبه على خيرو لا نزكى على احدا حافظا لكتاب الله دكتور فى الهندسة على علم و تقوى و صلاح أقسم على أن يحارب الفساد و ألا يخون الله فينا رجل يصلى الفجر فى جماعة مش واحد بيصلى فى الأعياد
فطبعا الأيام اللى فاتت كنت بتلاقى الاعتصامات و الاضرابات فى كل مكان و كان المفروض نعمل زيهم و لكن الأمر لن يكون مجديا لأن للأسف احنا متفرقين و كل واحد عنده عمله و مشاغله وكل واحد قاعد على الكمبيوتر بتاعه عمال يتابع فلوسه على الشاشة و هيه بتتآكل كل يوم و مقضيها شتيمة و دعاء و نحرق فى دمنا و نأكل فى بعضنا و هما ولاد التيت لا بيأثر فيهم دعا و لا شتيمة


و السؤال الأن نعمل ايه ؟؟؟؟؟؟؟؟؟؟؟؟؟



و الله يا إخوانا أنا زي زيكم و عندى نفس الموانع اللى عندكم و لكن احنا كلنا فى مركب واحد و عندنا نفس الهم و المشكلة ان الواحد كل ده بيحاول تعويض الخسارة فلازم اللى عنده أى فكرة ممكن تنفع و تجدى فى محاسبة هؤلاء الفاسدين لأن محاسبتهم و مجازاتهم على جرائمهم أول طريق عودة أموالنا
فدلوقتى ربنا سبحانه و تعالى ألهمنى بفكرة عاوزيين ننفذها بس محتاجة تعاون و تكاتف الجميع ماتخوفش مش هاقولكم نعمل مظاهرات وو قفات لأن طبعا ناس كتير مش هاتبقى فاضية و لو وقفت ساعة مش هاتقف الثانية
لأ دى فكرة سهلة أوى و هاتنفذها و انت قاعد فى بيتك قدام الكمبيوتر من غير ما تروح و لا تيجى
الفكرة هيه بإختصار أن الرئيس محمد مرسى ليه موقع الكترونى بيتلقى فيه البلاغات و الشكاوى و الاقتراحات و النصائح و هذا ان دل فإنه يدل على أن الرجل به خير و يريد أن يفعل خير و يريد أن يقدم خيرا لها الشعب المسكين .
احنا عشنا مع المخلوع 30 سنة ما تعرفش توصله و اللى يقرب منه يضرب بالنار و أبو العربى خير مثال
رئيسنا الجديد عامل موقع و ليه صفحة على الفيس للتواصل مع الناس و فيه ناس بتقرأ الشكاوى و البلاغات و هاتوصله تقاير بيها علشان يصدر قرارات بشأنها
فالمطلوب من حضراتكم دلوقتى الدخول على موقع الرئيس على قسم الشكاوى و البلاغات و كتابة اللى ربنا يقدرك عليه من أوجه فساد قيادات البورصة و جرائمهم فى حق صغار المستثمرين و المطالبة بتطهير البورصة مش بس كده عاوزين كل واحد لا يكتفى بإرسال شكوى أو بلاغ فقط و لكن يحاول ينشر الموضوع فى كل المنتديات و المواقع و الأبواب الخاصة بالبورصة و الأسهم
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060454345
و صدقونى بإذن صوتنا هايوصل و يسمع تخيلوا لما التقاريرتوصل للريس ان فيه على موقعك 3000 أو 4000 شكوى و بلاغ ضد فساد قيادات البورصة و بأسامى مختلفة و ايميلات مختلفة إذن فيه ناس كثيرة بتشتكى و الموضوع بجد مش مجرد شكوتين ثلاثة فيأمر بتشكيل لجنة للتحقيق فى الأمرو ان شاء الله ربنا ينزل عقابه على المجرمين
بالله عليكم إخوانى عاوزين نكون إيجابيين و ندع السلبية اللى ودتنا فى داهية و لا تقلل أخى من قيمة شكوتك أو رسالتك شكوى على شكوى تعمل ألآف الشكاوى و ده المطلوب و على رأى المثل ( العيار اللى ما يصبش يدوش ) و ربنا يقدم ما فيه الخير

موقع الرئيس / د محمد مرسى


http://dr-morsy.com/


صفحة الرئيس / د محمد مرسى على الفيس


http://www.********.com/Egypt.President.Morsi





j'idv hgf,vwm lk hgtsh] v[hx hg]o,g ggHildm

 


اخبار مصر - الذهب - تحويل العملات
فوركس - تجارة فوركس
توقيع

لا إله إلا أنت سبحانك إنى كنت من الظالمين


طالب المغفرة غير متواجد حالياً

 

رد مع اقتباس