عرض مشاركة واحدة
قديم 08-18-2012, 10:17 PM   #14638
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 08-18-2012 الساعة : 10:17 PM
افتراضي رد: الأسهم النارية فى البورصة المصرية

الليلة عيد ...يازمااان

بقلم / على يوسف


* عندما تبحث عن معانى السعادة فى الكتب ..ستجد صعوبة بالغة

وعمنا الحاج برتراند راسل ..ذلك الفيلسوف البريطانى الجميل ..

الحاصل على نوبل فى الأدب فى عام 1950 له كتب عديدة

عن السعادة ..وكثير من الفلاسفة تناولوا هذا ..ستجد كارل بوبر

وسقراط ..حتى ماركس هتلاقيه بيتكلم عن السعادة

لكن السعادة عمرها مابتحسها ولا تعرفها من خلال كتب ...

السعادة مزيج متناغم من مشاعر عدة ...سيطرت على النفس

الإنسانية فجعلتها فى حالة مزاجية اقرب الى التوازن النفسى ..

خليط عجيب تلك السعادة ...ارجع بسنين عمرك للوراء ياصديقى

فاكر تلك الورقة العجيبة ...ذات العشرة قروش ..




عندما كنا نحصل على تلك الورقة فى طفولتنا كعيدية ...

تجدنا نعزف سيمفونية من السعادة ...وتشعر بداخلك بأنك

ملكت الدنيا ومافيها بتلك القروش العشرة ..وتبقى محتار مش عارف

هاتعمل بيهم ايه ...والمشكلة تكبر كلما زادت عدد الورقات فى جيبك

تلاقى جهازك العصبى باظ ع الاخر من جراء تكوم تلك الثروة مرة

واحدة فى جيبك الصغير ...

وتضطر تعمل اجتماعات انت واصدقاءك ...لتتشاوروا

...فى كيف ستصرفون العيدية ...كانت تلك هى مشكلتك الوحيدة

انذاك ياصديقى العزيز ...



* وكانت ليلة العيد لابد من السهر حتى الصباح ...ونقعد نلعب العاب

عجيبة ال 7 طوبات ...وكهربا ..واستغماية ...وهى اختراعات مصرية
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060472683

اصيلة ..لم نجد مثلها فى البلاد الأخرى ..

ثم تأتى صلاة العيد ...ونلبس جلاليب بيضاء ناصعة ...ويبقى الواحد

عامل زى يونس شلبى فى مسرحية العيال كبرت ...ونذهب للمسجد



ونعود وناخد العيدية ...وننام ...لنصحو بعد ساعتين ننادى على بعض

ياعم اصحى كل ده نوم ...هو حد بينام فى العيد ...

هاه هاتروحوا فين ...واقترح انا حديقة الحيوان ..وتقول بنت الجيران

لا ياعم انا بخاف من الفيل ...فأرد عليها هو حد قال لأهلك انه بيحبك

روحى وماتشوفيش الفيل ..ولأنها غلسة وعيلة تصر انها مش هاتروح

نقول خلاص بلاش حديقة الحيوان ..ايه رأيكم نروح حديقة الحرية ...

وتجد ابن الجيران الرخم يقولك ياعم يعنى احنا هانسيب حديقة علشان

نروح حديقة تانية ..ياعم ماتضايقوناش بقة ...ده عيد ايه ده ياربى

واقولهم خلاص نلغى الحدائق خالص ...نروح فين

ويعطى كل واحد اقتراحا والباقى يرفضون ..حتى يضيع نصف اول ايام

العيد ..فنقرر ان نلعب فى الشارع ...

وبعد ان نلعب نضع خطة لباقى ايام العيد هانروح فين ..

لأن معانا العيدية ولازم وحتما ولابد نصرفها ..

كانت ايام ....يرحم زمان وليالى زمااااااان



 


اخبار مصر - الذهب - تحويل العملات
فوركس - تجارة فوركس

محمد على باشا غير متواجد حالياً

 

رد مع اقتباس