عرض مشاركة واحدة
قديم 08-23-2012, 07:49 PM   #14683
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 08-23-2012 الساعة : 07:49 PM
افتراضي رد: الأسهم النارية فى البورصة المصرية

ثورة 24 اغسطس ...رؤية فلسفية

بقلم / على يوسف


* قد يرهق هذا المقال فكرك ياصديقى العزيز ...ويجعلك فى حيرة

شديدة ...وفى حالة توهان ..لكنها الحقيقة

ياصديقى العزيز ...ايها المناضل ...والمعذب فى هذه البلد

يجب ان تعرف ياصديقى العزيز وياصديقى اللورد ...ان كل مايحدث

امامك من حكايات وتمثيليات الساسة ..هى حدوتة او مسلسل طويل

وكل شخص من هؤلاء له دورا محددا ...ستجد من أخذ دور المعارض

واخر اخذ دور المنافق ..وثالث اخذ دور المحايد ...وهكذا

الغالبية العظمى مماتراهم يلعبون ادوارا مختلفة فى هذا المسلسل

وانت المشاهد الوحيد له ايها المواطن الجميل ..
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060474368

وفى دنيا الساسة ستجد فلانا صعد بقوة وتناثرت عليه الأقاويل

ثم تجده فى قضية قد تكون تجسس او تزوير او سرقة او تدليس

او طلع هربان من الجيش او قام بالتحريض على جريمة

او امه امريكية ...اى حاجة ...

هوووب الحق ياجدع حلق ياجدع ...اخينا فص ملح وداب ...

راح فين ماتسألش ..طيب القضية اللى شغلت الرأى العام والناس

ياسيدى بسيطة نطلع ليهم قضية وحدوتة تانية ينسوا بيها الأولى

وهكذا ...بيعاملوك فى بلدك على انك ساذج ..وانك راجل طيب هاتصدق

كل حاجة ...يقولولك الدنيا حلوة ...واحنا رايحين الجنة بعد بكرة ..تقولهم

على خيرة الله ثوانى البس هدومى واجى معاكو ا ..

يقولولك الدنيا بقت وحشة ..يبقى الدنيا وحشة

فأنت المتلقى الوحيد ..وهم لديهم كل وسائل الاتصال اللى يصدعوك

بيها وينشروا من خلالها الأفكار اللى عاوزينك تصدقها على انها حقائق

من خلال برامج التوك شو والصحف ووسائل الاعلام المختلفة ..

وعلشان تصدق اكتر ينزلوا ليك المخبرين فى الشوارع وفى المترو

وفى الجامعات ينشروا فكر معين ...والناس غلابة وبتصدق

حكام مصر قد عرفوا طبيعة هذا الشعب ...وعرفوا كيفية التعامل معه

من قديم الأزل ..

* وهتلاقى الأرجوزات اللى بتمثل قصادك كل واحد ممسوك عليه

حاجة معينة لو ابتعد عن الدور المرسوم ليه ...اما يسجن ..او يقتل ..

مفيهاش هزار ...الخطة لازم تمشى زى ماقال الكتاب ..

* طبعا انت كالعادة وطيبة قلبك صدقت ان هناك ثورة يوم 24

وان اعداء الإخوان نازلين وهايعملوا والى اخره ...

هذا الكلام شغل مخابراتى ياسادة ياكرام ..يعنى ايه

يعنى الناس عاوزة تعمل ثورة ضد حكم الإخوان ...طيب ايه رأيكم

لو نظمنا ثورة ضدنا ...

طيب ليه ...وماهى الأستفادة ..

الأستفادة من تلك الثورة المصطنعة هى اظهار قوتنا ...واننا نحب

الديمقراطية ونؤيد التظاهر السلمى ..ونعرف الشعب ومن خلال

التجربة الواقعية بأنه لن يستطيع عمل ثورة ضدنا ...لأننا قادرين

على صدها ...ومن ناحية أخرى نعرفهم اننا اكثر عددا منهم ..

وان الخارجين علينا هم قلة بسيطة جدا من الشعب ...

ونبين للعالم كيف اننا اقوياء ونستطيع كبح جماح اى ثورة ضدنا ..

واننا اقوى من النظام السابق واننا لن نسقط بسهولة ..

نتيجة لهذا ...يكون على دول العالم التسليم بالأمر الواقع

والتعامل مع هذا النظام على انه ممتد لحقبة زمنية اكبر مما كانوا

يعتقدون ...

* ثم يتم عمل قرض دولى ...الناس تقولك ياخبر بس القرض حرام

فى السياسة ياصديقى لا يوجد حرام وحلال ..يوجد مصالح

القرض انت مش محتاجه ..بس انت بتاخده لأن من شروطه ان يكون

عندك استقرار سياسى وأمنى ... يبقى انت لما بتاخد القرض ده اعتراف

دولى انك عندك استقرار ..وان اى مستثمر هايضع فلوس عندك مش

هايخاف عليها ...الحكاية ليها ابعادا اخرى ...

* اما من ناحية سوق المال المصرى ...فستجد البورصة شغالة

اخر حلاوة ولا على بالها ..وهذا دليل اخر على اننا اقوياء ..

وان دعوات التظاهر ضدنا لا تؤثر على سوق المال لدينا ..

* طبعا هناك من هم غير ممثلين وهايحاولوا يطلعوا على المسرح

او يظهروا فى لقطة ..لا مانع من هذا ..ولكن فى حدود ..

ومن المهم جدا ..ان لا يخرج احدا عن السيناريو المرسوم





 


اخبار مصر - الذهب - تحويل العملات
فوركس - تجارة فوركس

محمد على باشا غير متواجد حالياً

 

رد مع اقتباس