عرض مشاركة واحدة
قديم 09-07-2012, 05:58 PM   #14889
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 09-07-2012 الساعة : 05:58 PM
افتراضي رد: الأسهم النارية فى البورصة المصرية

اقتباس : المشاركة الأصلية كتبت بواسطة m_2007 مشاهدة المشاركة [ مشاهدة المشاركة ]
اخى الحبيب على يوسف السلام عليكم ورحمة الله وبركاتة انا زعلان منك جدا وقلت اقول لك اخى الحبيب الرزاق فقط هو الله ولما تاتى لى معلومة ممكن تفيد الاخرين والله اعلى واعلم نسبة صحتها اكثر من 60 % احاول لكى يجعلنى الله سبب لرزق الاخرين ان انشرها فى كل الاماكن لكى يتسنى لاكبر عدد من الاخوة ان يروها وكل واحد حر فى قرار البيع والشراء ولا تعتبر دعوة اجبارية ولاكن كشف لشئ اراد الله ان اعرفة ولا يكون لدى اخرين وزى ما حضرتك شايف انى لا اكتب تقريبا الا اذا وردت معلومة نسبة صحتها ممكن تفيد

طيب اسمع الحكاية ديه ياصديقى ..وهى حكاية واقعية للعبد لله

زمااان ...فى بداية عملى بالبورصة ...واحد صاحبى جالى وهو فرحان

وقالى ابسط ياعم اتعرفتلك على ميكر ...تعالى اتعرف عليه انت كمااان

ده راجل طيب جدا ...وبالفعل ذهبت للأخ الميكر ..

وقبل ان نتحدث قالى نقوم نصلى العصر الأول ثم نتكلم ...

فأستبشرت خيرا ...بعد الصلاة هممت ان اتكلم لقيته بيقول اذكار

قلت ياااه على التقى والايمان ...

ثم تحدث فضيلة الشيخ ميكر ...وكان حديثه عذبا طيبا ..

وهمس لى وقال ...هناك سهم هايعمل انفجارات ...

فقلت وماهو ... فنظر لى انا وصديقى وقال ..بس ده سر

انتوا علشان ناس طيبة وولاد حلال ..هاقولكم عليه

فوجدتنى ناطط فوق المكتب وقلت له سعادتك واحنا كمان بنحبك

قووول ربنا يكرمك ...وقعد شوية وكأنه بيفكر ...ثم همس لنا بأسم

السهم ...وكأنه يعطينا مفتاح من مفاتيح الجنة ...

وذهبت الى منزلى فى هذا اليوم وانا طاير من الفرح ..

وقلت لأمى انا قابلت واحد شيخ ميكر طيب خالص ...وقالى

على سهم ..انه هايعمل انفجارات ..وقالت امى ..يالهوى يابنى

هو انتوا هاتشتروا اسهم من تنظيم القاعدة ..

ومارضتش اشرحلها حفاظا على كلمتى مع الشيخ ميكر

..وقلت انام ...وفجأة صحيت ..ونظرت لأمى وقلتلها لو الراجل

ده طلع جدع كدة انا هاتجوز ابنته او اخته او حتى امه ..ده باين

عليه ابن حلال موووت ...

وفى هذا اليوم مجاليش نوم خالص ...عاوز اتصل بأصحابى اقولهم

علشان يكسبوا هما كماان ...ومن ناحية تانية انا وعدت الراجل انى

ماقولش لأحد ...ثم هدانى تفكيرى انى اجرب السهم ده معاه

وبعد كدة استأذنه انى اقول لأصحابى ...هما كام واحد كدة 10 ولا 15

وهايقولوا ل 30 او 40 ....ههههههههههه

وقلت بلاش انام بقة ..علشان الحق السهم من اوله ..قبل ماينفجر

وذهبت الى شركة السمسرة ...وقلت للسمسار اشترى السهم

الفلانى ...بالفلوس كلها ..ونظر لى محملقا ...ومذهولا ...قائلا

بالفلوس كلها ..فقلت بثقة ..ايوة يابنى وحياة ابوك وبسرعة

قبل مايطير ..فقالى مستغربا ..يطير ..فقلت له ياسيدى اشترى

ده انت رغاى ...قالى طيب ايه رأيك نشترى النص ..فنظرت له

بغيظ شديد ... صارخا فى وجهه ..يابنى اشترى ..انت مش فاهم حاجة

وبالفعل اشتريت ...والحمد لله كان سعرى اعلى سعر للسهم

فى تلك الجلسة ..وماشفوش تانى ...

وقلت انتظر التسوية ..لقيت السهم مخسرنى حوالى 15 فى المية

وانا لا اصبر على سهم يخسرنى على التسوية ابدا ..هذه طبيعة فى

..لذلك قمت ببيعه ..وقلت مش هاقول لصديقى احسن يزعل

لأنى عندما حدثته انى ببيع ع التسوية فى حالة الخسارة

غير الطبيعية ...

لقيته صرخ فى وجهى وقالى انت مش وش نعمة ..ده الشيخ ميكر

قالنا ...والراجل حلف ...انت على طوول كدة مستعجل ...

وللأسف الشديد ..السهم نزل جامد جدا ...وافلس صديقى وخرج

من البورصة ...

وادركت وقتها ان فى سوق المال لا تصدق احدا ...فالغالبية

العظمى تلعب لمصالحها ..ولن يهتم بك احدا سواك ...

وكان درسا قاسيا ...لكنه تجربة جيدة وتعليم واقعى

فحذارى ان تقع ياصديقى مع الشيخ ميكر ...


 


اخبار مصر - الذهب - تحويل العملات
فوركس - تجارة فوركس

محمد على باشا غير متواجد حالياً

 

رد مع اقتباس