عرض مشاركة واحدة
قديم 02-22-2013, 03:50 PM   #16258
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 02-22-2013 الساعة : 03:50 PM
افتراضي رد: الأسهم النارية فى البورصة المصرية

مقال / رؤى ورؤيا المحللين ...والسوق المصرى

بقلم / على يوسف


* لاشك ان المستثمر الغلبان اللى عاوز يعوض

ستجده تائها فى السوق وهائما على وجهه

يطوف جميع المنتديات والفيس بوك .....املا ان يجد شيئا

* لكن للأسف تحدث لهذا المستثمر لوثة عقلية مما يراه

يدخل لمحلل يتجه للتحليل الفنى بنظام الشموع اليابانية .

فينظر له ويقول ياخبر ....ازاى ساكت على سهمك كدة

انا شايف ان فيه راجل مشنوق ...فتنظر له وتقوله صح والله

انا حاسس انى مشنوق ....يااخى مش انت ...الشمعة

ويصيبك الرعب ياخبر ..والحل ايه ...وبعد ان يجلس بعض الوقت

يقولك انا شايف انك تبيع فى اى ارتدادة ...

وتذهب من عنده لمحلل اخر ...ماسك 10 اخبار ايجابية و 7 اخبار سلبية

وعمال يقلبهم يمين وشمال ..وانت منتظر وكأنك هتاكلهم

وبعد ان يفرغ من عملية التقليب ..ينظر لك باحتقار شديد

ويقولك انت ايه اللى دخلك السوق ده ...وتعتذر له

ثم يجلس كالقرفصاء ويشير للأخبار ..لما يتحقق الخبر

ده السوق هايطلع ...ولأنك محبا للأستطلاع فتسأله

طيب يادكتور لما يتحقق احد الأخبار السلبية ..فينظر لك

قائلا ..طبعا هاينزل ...وماتسألنيش امتى الأخبار السلبية

تتحقق وامتى الأخبار الايجابية تتحقق ..انا محلل يابابا مش ساحر

ثم تتركه ....وتذهب الى دكاترة التحليل الزمنى ....يقولك هس

ولا كلمة ..ايه يادكتور ...كوكب زحل داخل على المشترى ..

وتنظر اليه وتعمل نفسك فاهم ...وتصرخ ياخبر

ثم تستدرك ...وده معناه ايه يادكتور ...فينظر لك ..

معناه بكل اسف اننا اذا تعامدت اشعة الشمس على اسهمك

يبقى ده معناه ان اسهمك هاتطلع ..

اما لو الشمس ماجتش ناحيتها ...وزحل دخل فى المشترى

يبقى انت هاتفلس مابين 20 فبراير ل 22 فبراير

وتتركه وتجلس فى بلكونة منزلك ناظرا الى الشمس

ولسان حالك يقول يارب يازحل ماتدخل ع المشترى ...

يالهوى يانى يامه ....

حتى الكواكب بتحاربنى هو انا عملت ايه ياربى

وتجد زوجتك تقدم لك الشاى...وتنظر لها متمتما ..

زحل هايدخل ع المشترى ياغالية ....اهئ اهئ اهئ

فتقول لك مواسية ...معلش بكرة ربنا يرزقنا بشمعة هامر

* ثم تسأل خبير اقتصادى فيقول لك الوضع سئ ..
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060574215

احنا ضايعين لا محالة ..

* وتحاول ان تنام بعد ذلك ...لكن كيف ستنام !!!

لقد اصيبت بالرعب من البورصة من قبل ان تبدأ ..

وتبدأ الجلسة وتلاقى السوق طالع ...ايه ده ..معقولة

زحل ماقابلش المشترى والشمس تعامدت على اسهمى

ومفيش راجل مشنوق ومفيش اخبار سلبية مؤثرة

ومفيش اقتصاد فى حالة انهيار ...

* ان التحليلات ياصديقى العزيز ماهى الا اجتهادات

لأشخاص نكن لهم كل الأحترام والتقدير على مجهوداتهم

ولا يشترط فيها ان تصيب ...وتعرف على وجه الدقة

حركة السوق ....

ان حركة الأسواق اسرع مما تتخيل ...ودوما فى حالة تطور

اصنع استراتيجيتك الخاصة والتزم بها ..

وكن اكثر مرونة مع السوق ....هذا هو سر النجاح

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس