عرض مشاركة واحدة
قديم 03-04-2013, 08:50 AM   #16285
خبيــر بأسـواق المــال
كاتب الموضوع : محمد على باشا المنتدى : التحليل الفنى والمالى و المتابعة اللحظية قديم بتاريخ : 03-04-2013 الساعة : 08:50 AM
افتراضي رد: الأسهم النارية فى البورصة المصرية

الى اين يتجه السيد السوق

الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060579108
بقلم / على يوسف


* للأسف الشديد ..اعتاد الناس على اما التفاؤل الشديد

او التشاؤم الشديد ...لذا ستجد عندما يصعد السوق الناس

تقولك احنا داخلين الجنة ..ولعل العبد لله اوضح وقتها ان من

شروط دخول الجنة اجتياز نقطة ال 6100 لمؤشرنا الهمام

وقلت وقتها اننا لن نجتازه ...واحد فقر بعيد عنك !!!!!

لكن كانت رؤيتى الفلسفية لتلك المرحلة اننا لن نصعد بقوة

ولن نهبط ايضا بقوة ...بل ستكون الذبذبة الجميلة التى نحن فيها الان

طيب اخرة المؤشر تحت كام ...لو قلت لك هذا وحددت رقما

معينا يبقى كدة انا بياع فول ..مفيش الكلام ده ..وعيب يقال

مفيش حاجة اسمها المؤشر يروح فين ..طيب ايه

تعالى فكر معايا ..مش المؤشر ده مجموعة من الأسهم

30 سهم يكونوا هذا المؤشر ..تمام

يبقى انت لازم تعمل بحث عبقرى ...تعرف من خلاله

هى الأسهم ديه ممكن توصل لكام تحت ... او فوق

فتعرف الدعوم والمقاومات على وجه التقريب للسيد السوق

* لكن المشكلة الحقيقية التى تقابلك ..هى ان غالبية اسهم

المؤشر هى شركات لساويرس واقاربه ..

يبقى لازم تتابع اخبار ساويرس لأنها سترسم ملامح السوق

المرحلة المقبلة ..

اضف الى هذا ...البنك التجارى الدولى

لو تابعت تلك الأسهم بأخبارها ببابا غنوجها مش هتلاقى حكاية

ال 3300 اللى مالية السوق ..يقولك احنا خلاص رايحين 3300

الكلام ده كلاما فارغا ...مع كامل احترامنا وتقديرنا لقائليه

احنا مالناش دعوة بالمؤشر ...انا مش هاتجوزه

احنا هانشوف الأسهم القيادية ..التجارى فوق ال 32.50

تمام ..لما يكسر ال 32.50 يبقى اخرج واقول السوق هايقع جامد

اوراسكوم للأنشاء فوق ال 248 تمام ...يبقى السوق شغال

فى النطاق المحدد له ..

* وهكذا ياسادة ياكرام ...

ستجد نقطة مهمة للغاية يمكن اشار اليها الحاج وليام ج .أونيل

يقولك ايه ...عاوز تعرف انهيارات الأسواق تقوله اه ...

يقولك من سماتها انه تسبقها صعود لأسهم الأفراد ..

وان تتحقق هايات جديدة للأسهم التقليدية ..

طيب احنا عملنا ...ابدا والله ياحاج أونيل بيه ...ديه الاسهم

تشعر انها تايهة سعادتك ...وانا اساسا ماكنتش رايح اشترى

ده انا كنت رايح انادى واحد صاحبى قوم اتدبست واشتريت ..

* اذا من هذا البحث ..نعرف اين نحن بالظبط ...

تعريض وضعف تداول ......ثم صعود للأسهم القيادية ...

ثم هبوط

هذا هو السيناريو الأقرب الى المنطق ...

طيب نعمل ايه ..رأيى الشخصى ...اى ارتدادة بيع واخرج

طيب ليه ...لأن هناك بشائر لأزمة عالمية جديدة

يعنى سعادتك محاصر فى مصر وخارجها ..


ولا تدخل الا بعد اجتياز ال 6100 او وصول المؤشر لأدنى

مستوياته ...وسيمكننا وقتها تحديدها ان شاء الله

 


اخبار مصر - الذهب - تحويل العملات
فوركس - تجارة فوركس
توقيع

أَعْلمُ أني لا أعْلمُ شيئا

سقراط

محمد على باشا غير متواجد حالياً

 

رد مع اقتباس