عرض مشاركة واحدة
قديم 10-14-2009, 03:21 PM   #3116
مراقب عام ودعم فني
كاتب الموضوع : Mr Borsa المنتدى : التحليل الفنى والمالى و المتابعة اللحظية قديم بتاريخ : 10-14-2009 الساعة : 03:21 PM
افتراضي

اقتباس : المشاركة الأصلية كتبت بواسطة ايوب مصر مشاهدة المشاركة [ مشاهدة المشاركة ]
انا نفسى مره تطلعلى مشاركه كنت بتكلم فيها باسلوب حاد انا لما كنت حضرتك والاخوه بتتكلموا عن الجمعيه ومش الجمعيه ولقيت الكلام ابتدى ياخود شكل كبير والتهريج ذاد اوى قلت من فضلكم يا جماعه مش عارفين نتابع الاخوه المحللين وانتى نفسك اعتزرت عن الكلام ده بالرغم من انك كنت من المشاركين فى هذه المهزله وكل الاخوه الاعضاء اعترضوا على الكلام ده .... ده مره والمره التانيه لقيت بعض الاعضاء ابتدوا يدوا توصيات فى المنتدى ببعض الاسهم كتبت من فضلكم التوصيات للساده المحلليلن فقط منعا للبلبه ودلوقتى تانى بعض الاخوه الاعضاء بيعلم الناس اذاى تدير محفظتها هو ده ينفع انا عايز تطلعلى مره واحده اسلوب حاد فى اى مشاركه وعلى العموم انا لو غلط هعتزر لكن انا من الناس الى داخله المنتدى وتعلم تماما انه منتدى محترم ولا انا ولا غيرى هيسمح باى غلط ......


السلام عليكم ورحمة الله وبركاته

بعتذر عن المداخلة دى يا جماعة بس عشان فى حاجات لازم توضح كويس

حضرتك بالنسبة للمشاركات الحادة إنت حتى لون المشاركة وحجم الخط بيقول ياجماعة أنا بكتب مشاركة حادة وتكبير الخط ده نوع من إنك توصل للناس إنك بتتكلم " بصوت عالى " ، عامة مش ده موضوعنا

أولا بالنسبة للجميعة والتهريج اللى معجبش حضرتك فلاحظ إن الجمعية دى فادت ناس كتير وناس كتير بيفيدوا بعض بسببها بعكس أعضاء زى حضرتك مثلا مش عايزين حد يتكلم خالص وعايز يكتب السؤال يدوس على زرار يلاقى الإجابة من المحلل

ثانيا باب زى باب الجمعية متكاتف فيه أعضاء كتير وصاحب الباب مشرف محترم وراجل سنه مش صغير يبقى إزاى الموضوع مهزلة وتهريج !

ثالثا والأهم المنتدى للكل ومعنى إن أى شخص دخل سجل عضوية وإشترك فى المجموعة يبقى من حقه يكتب ويكتب اللى عايزه طالما مجرحش بيه حد أو قلل من قيمة حد أو شىء ما " إذن إحنا بنتكلم فى نقطة إن مش حضرتك اللى تتحكم فى تصرفات الناس "

رابعا اللى حضرتك ملاحظتوش إن قوانين المنتدي إن محدش يكتب توصيات أو يحلل فى أبواب الإخوة المحللين ، إنما باب المتابعة لما تم عمله وأظن مكتوب فى أولى المشاركات إنه لمناقشة الأعضاء مع بعضهم ومع المحللين والخبراء أثناء الجلسة " إذن إحنا وصلنا لنقطة إن ممكن كل واحد يقول وجهة نظره وبعد كده كل واحد براحته يمشى مع كلام المحلل أو الخبير أو يشوف وجهة نظر عضو أخ ليه ويحطها محل إعتبار لعل وعسى تكون رزق جاى له "

وبعد كده جاى حضرتك مش عايز الناس تتكلم فى تعليم إدارة المحافظ أو ماشابه ، أومال معلش يعنى هيتكلموا فإيه ؟
طب والموقع معمول ليه ورابط بين الناس دى كلها ليه لو متكلموش فى كل اللى عايزينه ؟؟؟؟؟؟؟؟؟

أظن كده وضح إيه تفسير الأعضاء لتلقيب مشاركات حضرتك بأنها مشاركات حادة لأنك بإختصار مش عايز حد يتكلم أو يعمل حاجة .

وحضرتك على عيننا وراسنا وبرضه بنعتز بيك كعضو وأخ بيننا لأنك من الأعضاء القدامى والذين نحسبهم على خير

الموضوع إنتهى ولا نريد فيه أى مشاركات سواء هنا أو فى أى باب آخر سواء من حضرتك أو من أحد أعضاء الجمعية ونرجو الإلتزام بذلك .

تحياتي
Mr Borsa

 


اخبار مصر - الذهب - تحويل العملات
فوركس - تجارة فوركس
توقيع




التعديل الأخير تم بواسطة Mr Borsa ; 10-14-2009 الساعة 03:25 PM .

Mr Borsa غير متواجد حالياً

 

رد مع اقتباس