الموضوع: .borsaegypt cafe
عرض مشاركة واحدة
قديم 10-16-2009, 03:42 AM   #98
iron man سابقا
محلل فنــى وخبير باسواق المال ومحلل اقتصادي بجريدة اخبار اليوم
 
الصورة الرمزية احمد مبروك
كاتب الموضوع : احمد مبروك المنتدى : التحليل الفنى والمالى و المتابعة اللحظية قديم بتاريخ : 10-16-2009 الساعة : 03:42 AM
افتراضي

السلام عليكم ورحمة الله وبركاته
أخواتى وأحبابى كان فى موقف حصلى وكنت حابب اشارككم فيه هنا ونفسى اعرف ايه رأيكم
______________
من كام يوم وانا فى طريقى من الشغل للبيت وكنت راكب المترو عشان اروح وفى وسط زحمة المترو وتعب يوم طويل شاق فى الشغل لفت نظرى ولدين صغيرين واقفين فى المترو لابسين لبس المدرسة وعلى وشهم كمامة وكان تقريبا عندهم من العمر سبع او ثمانية سنين واقفين بيهزروا وبيضحكوا شدنى فيهم برائة ضحكتهم فكرونى بأيام زمان.
يااااااااااه ايام زمان أيام ما كان أسمى تيمو قبل ما الدنيا تضرب فيا قبل ما كل ما احلم حلم الاقيه مستحيل لغايه ما بقيت ايرون مان ايام ما كنت عايش حياتى بضحك وبلعب وسط اصحابى ولا كان فى دماغى مشاكل ولا هم واليوم بيعدي ضحك وهزار فى المدرسة ولعب كمان فى البيت وفى وسط فرحى بضحكهم ولعبهم افتكرت ايامى وازاى كنا بنقضى يومنا فى المدرسة انما دول لابسين كمامة على وشهم كاتمه على نفسهم ازاى بيقدروا يتعلموا وهما جواهم خوف من فيرس لعين وازاى قادرين يداروا خوفهم ده ورا ضحكتهم وعايشين يومهم بجد .
صعبوا عليا جدا واتحسرت على ايام زمان وحسيت انى خايف جدا من بكره ومن الايام اللى عماله تسوء اكتر من الاول وفى وسط ضحكهم واحد منهم لفت نظره وجود غلاف او جزء من كرتونه مرمى على الارض وبغريزة حب الاستطلاع اللى فى الاطفال راح ناحيتها ومد ايده واخدها من على الارض ولفت نظر الطفل عبارة Made in china قالى هوكل حاجة ميد ان تشاينا مافيش حاجة خالص ميد ان مصر اه قالها كده ميد ان مصر على قد حزنى من الجمله بس فعلا الولد الصغير ده حط ايده على اساس المشكله " ان كل حاجة بقت فى البلد ما بقتش منها "
ايه ده هو احمد اتجنن ولا ايه يعنى ايه كل حاجة فى البلد ما بقتش منها اقولكم يعنى كل واحد فينا فى البيت عنده اجهزة كتير وفى حياتنا كلها فى حاجات كتير وادوات بنستخدمها فى ايه منها احنا صنعناه ولا فى ايه فى بلدنا بنيناه يااااااااااااه انا فوقت ونسيت الزحمة وعلى قد احساس الحزن اللى جوايا على حال البلد على قد ما فرحت ان لسه فى أمل فى الجيل اللى طالع بس برضه قولت طب واحنا عملنا أيه عشان هما يعملوا وبدأت أحاول أحصر بعض مشاكل البلد دى وأيه اللى وصلنا للحال اللى احنا فيه .
يعنى ليه مصر ما بقتش هى مصر وليه اهل مصر احسن شعب فى العالم واخف دم فى الأرض ما بقوش كده ليه كلنا بمختلف انتمائتنا بقا فينا نبرة حزن جوانا ؟
ليه حال البلد بقا مش عاجبنا ليه بقا طبيعي فى مصر ان الناجح لازم يكون فى ناس بتحاول توقعه وليه ما نساعدهوش ليه دايما بقا عندنا كلمة الشجرة المثمرة لازم تدحدف بالطوب وليه الطوبة اللى هنحدفها على الشجرة ما تكونش طوبة نبنى بيها نعمر بيها ليه الخراب بقا سمه اساسية فينا ليه حاسيين بالظلم ومش بنحاول نقف فى وشه ليه يا اهل مصر هى دى مش بلدنا ولا فعلا ما بقتش لينا.
ليه بنفرت فيها وسايبنها لحبة ناس تخرب فيها وتعمل اللى هى عيزاه ليه مش بنغيرعليها مش هى دى مصر اللى غنينلها اللى كل واحد لما بيخرج براها بيشتاق لترابها حد فيكوا جرب الغربة كتير فينا فاكر احساسك وانته نازل من المطار مشتاق تشوف اهلك ولا لما تروح الشارع اللى اتربيت فيه ليه مش بنحاول نكبر فيها ليه كل واحد فينا بقا بيقول يلا نفسى بجد حاجات كتير مزعلانى وحاجات اكتر نفسى نعملها سوا فى البلد دى واول خطوة هنبدأ بالكلام يعنى كل واحد هيقول تعليقه ويقولى موقف حصله او حاجه مش عجباه نحاول نتناقش فيها سوا ونشوف ليه بقينا كده يا جماعه البلد دى لو مش غاليه كده ما كناش هنلاقى ناس كتير عيزاها .
البلد دى كلها خير بس خيرها بقا لغيرها مش لينا هل هو تقصير مننا ولا هنقول النصيب واحنا نقدر نغير ايه لا اقولك هنغير كتير هنبدا بالكلمة واحد هيضحك ويقولى بالكلمة اقوله اه الكلمة اقوى سلاح يقدر يغير شعوب يا عم احمد شعوب ايه بس اللى انته عايز تغيرها اقولك شعبى اللى عيشت فيه واللى لو لفيت الدنيا كلها مش هلاقيه يا جماعة الكلمة دى لو قدرنا نعبر بيها عن حلم سوا سوا ممكن الحلم ده يبقى حقيقه.
وليه لأ مين قال ممنوع نحلم مين قال ممنوع نبنى مين قال انه انكتب علينا نعيش ونموت من غير ما نفكر من غير ما نعبر من غير ما نحاول انا عن نفسى قررت اقول واتكلم بس ايد لوحدها ما بتصقفش عشان كده مستنى كلامكوا ومستنى مشاركتكوا مستنى نحلم سوا ونبنى سوا ونكبر سوا وهنا وفى الختام هقول أيه كريمه دايما حاططها قدامى فى حياتى
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=344922
بسم الله الرمن الرحيم " وقل اعملوا فسيري الله عملكم ورسوله والمؤمنون " وكمان الأية الكريمة بتقول " ان الله لا يضيع أجر من أحسن عملا" صدق الله العظيم أسف على الأطالة وأتمنى اكون وصلت جزء من اللى جوايا وفضفت مع اصحابى وأخواتى ومستنى تعليقاتكم وأفكاركم

 


اخبار مصر - الذهب - تحويل العملات
فوركس - تجارة فوركس
توقيع

اللهم انت ربى لا اله إلا انت
خلقتنى وانا عبدك وانا على عهدك ووعدك ما استطعت
استغفرك اللهم من كل ذنب وخطيئت
وأتــــــــوب إليك


احمد مبروك غير متواجد حالياً

 

رد مع اقتباس